1 Tìmotì 5:5 - Mokpwe: Bakwery (New Testament)

⁵ Mokurze mo molanà ema mo hwèlì ŋmìti ndèŋgàna mo rza ohvɛ mòtò ema a mo ɔŋgeya, mo ika ndi ŋmèma mo eni na Lohwɛ̀. Mono mokurze mo molanà mo lìmeya ndi o lì kanɛ̀ ŋmerze na wuu o lì akowana ema Lohwɛ̀ a mo òŋgowane.

1 Tìmotì 5:5 Mawu Ofanana

Lukàrzɛ̀ 18:1

Yerzù rzìi a kpɛ̀ɛya hwà-òkòwèlì hwa eni ŋmàna àma hwa hwɛ ndi ò màkanɛ̀ ihvònda ja àrzɛ. Hwa rzì kèka lì tùulɛ̀ mèèmà.

Lukàrzɛ̀ 18:7

Rzèke Lohwɛ̀ hvɛ à ò rzùulɛ̀ hwatò hwa eni ema a hvɔ̀rzì e? Hwàŋga hwatò ema hwa mò èyeyàa ŋmerze nà wuu, a ò lìya ema a rza hwa alàhwɛ̀ e?

Lukàrzɛ̀ 2:37

À mà lìya mòkurze natɛ̀ɛ à mà uka mènì wàmbì me meya nà menì. A rzi hwɛ̀mɛ̀ è Ndawò yà Lohwà, nà màkanɛ̀, nà lì lìya njàwò ò màkanɛ̀ nà lì gbèeyà Lohwɛ̀ ŋmerze nà wu.

Hwègbèèlì 26:7

Ène eyà ndi lìyòmɛ̀ la matumba nà mà hwàkɛ ma arzu ma mà àhvìtɛ̀ nanù ema mà luwa na òma hwa kànɛ Lohwɛ̀ ŋmerze na wuu. Ìi Kiŋgɛ kòkò, ndi lìni lì àhvìtɛ̀ lɔ̀ ndi lì gbèyi ema hwatò hwa wònyà Yudà hwa òhwa hweyà hwe wòhwe ò lì nò teŋgɛ̀nɛ̀.

Hwègbèèlì 6:1

O mburzà hvònda, na òma Mɔ̀rzɔ̀ŋgi mò hwàlòkèlì mò ma hwɛ lì òŋga, ò ma hwɛ lì arzarzòwɛ ò ìtììtènì ja wònyà Yudà ema hwà mà hwɛ lì òhwa e mbɔrzi ya Grìki na hwaŋga ema hwà mà òhwa e mbɔrzi ya e mbòwa. Hwàŋga ema hwà mà hwɛ lì òhwa e mbɔrzi ya Grìki, hwà mà hwɛ lì òhwa nanù ema, mekurze me awu me hwalana, me ndindahwa ò lì kàyi la wùnyà tɛ la wòlì.

Hwègbèèlì 9:39

O èŋgànɛ̀lɛ̀ rzɔ, Pètrò à mà wòŋgirzɛnɛ rzii a ɛndɛ na hwaŋga hwatò. Lirzakò ema mɔ̀ à mà uke aŋga, hwà mà mò agbana ò tùu ya ŋmanyu ya eŋge ndawò ya ndɛkì. Mekurze me hwalana me arzɛ me ma mò tòŋga, rzìi hwa a eyà na lì mò uŋmɛ̀lɛ̀ màatù ma arzɛ, na ikòti ema Dɔ̀kàrzì à mà hwa kɔleya, e hvònda ema mɔ̀ à mà hwɛ lòŋgɛ̀.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.

Ròmànì 1:12

Jànda ja mamɛ ema nà òhwa ì hwèlì ndi nanù ema, inyɔ nà imba jè èmbɛ̀ mɔ̀kɔ nà ɔ̀nɛyi. Lìlòkɛ̀ là amì lì è èmbɛ̀ inyɔ hvɛ lìlòkɛ̀ là anyu lì nò embɛ.

Ròmànì 1:5

O lì akeyà nà lìinà là eni ɔ̀ndeŋgàtɛ̀ Lohwɛ̀ à nò ŋgbelì è ndèli yà eni ema nà hwɛ è àpɔ̀rzìtòlò, aŋga nanù hwatò ema hwa rza enje wònyà Yudà hwa ò lòkɛ̀ nà lì hweyàna Krirztò. Ène è gbeyà lìinà là eni lì hwɛnɛ èluhwe.

1 Kɔ̀rintìyà 7:32

Nà o lìŋgànà ema tɔ̀ eyà tɔ̀ yɔ̀kɔ e rzi e tàkirzɛ̀ mèèmà me anyu. È mùnyanà ema a rzi hwàayi molànà, a ika ndi mèèmà mo eni mo arzɛ na èwòlò yà ama e Rzàŋgo, aŋga nanù a òkìrzɛ̀ Rzàŋgo mɔ̀nyɛ̀ŋgì.

1 Kɔ̀rintìyà 7:34

Èhwanja e nyɔ̀ŋgì ya eni ya akàhwanɛ̀ o mèèmà mo eni. È molànà ema a rzi hwàahwì, tɔ̀ e mɔ̀ ema a rzi hwi mùnyanà, a ika ndi mèèmà mo eni mo arzɛ o lì gbèeyà Rzàŋgo, èhwanja mɔ̀ à ika ndi mèèmà mo eni ma arzɛ, o lì gbeyà Rzàŋgo nà è nyo na èlìŋgɛ̀ yà eni ya arzɛ̀. Ndi e molànà ema a hwàahwì mɔ̀ à luteyà ndi hweyà hwe ene rze ya mɔ̀nyɛ̀, aŋga nanù, mɔ̀ à tànɛyi lì òkìrzɛ̀ e mòjòmɛ̀ wà eni mɔ̀nyɛ̀ŋgì.

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

Hvìlipìyà 4:6

È rzi ahvàhvɛ lì hvomɛ̀nɛ̀ tɔ̀ eyà. Ndi tɔ nanù o tɔ ima eyà ema ye e ùŋmànɛ̀lɛ̀, e kànɛ Lohwɛ̀ nanù ema a e ŋgbe mamɛ ema e arza. Ndeŋgànɛlɛ e kànɛ tɛ e mo eke.

1 Tìmotì 2:1

Eyà ya worzo ema na e kòkòwɛ̀lɛ̀ e hwèlì ndi nanù ema e kànɛ̀lɛlɛ hwatò hwa arzɛ. È kànɛ̀lɛlɛ hwahvɛhvɛ hwatò. È kànɛ̀ nanù ema Lohwɛ̀ a e omeya mamɛ̀ ema e arza, ndèŋgana e a mo eka o gbaamù ema a e gbèeyà na hwahvɛhvɛ hwatò.

1 Tìmotì 5:16

Tɔ̀ ima molanà ema a lòkɛ̀ Krirztò a ohvi tɛ mekurze me hwalana o lìtumba la eni, mɔ̀ à hwa woŋgohwe. A rzi hwànìrzɛ̀ ŋmèmba moŋgo muna. Ène e ŋgba ŋmèmba mo hwàlòkèlì, ehvolo ò lì oŋgowàna mene mekurze me hwalana ema me rza ohvɛ tɔ̀ mòtò ema a tànɛyi lì hwa oŋgowàna.

1 Tìmotì 5:3

Mekurze me hwalana ema me rza ohvɛ hwatò ema hwa hwà oŋgowàna o hwa oŋgowane.

2 Tìmotì 1:3

Nà èki Lohwɛ̀ mɔ̀ ndi à hwèlì è mɔ̀ ema imba nà gbèeyà nà ŋmèma mɔ̀kɔ nà oma è nyɔ̀ŋgɔ̀nì yà ami è mà mò gbèeyà. Nà mò èka ihvonda ja arzɛ ò lì ò hvomɛ̀nɛ̀ tɔ̀ ima lìrzako ema nà kanɛ̀ ŋmèrze nà wù.

1 Pètrò 3:5

Èhwànja nanù ndi hwalana hwa wòtani hwa kòòhwàà ema hwà mà ika màhvìtà mà awu na Lohwɛ̀ hwà mà hwɛ lì gbeyà o lì uŋmɛ̀lɛ meloŋga me awu. Hwà mà arzihwirzɛ wɔ̀ hwiti o mèjòmɛ̀ me awu.