1 Tìmotì 5:25 - Mokpwe: Bakwery (New Testament)

²⁵ Nànù mɛnɛ hvɛ ndi loŋgo la hwatò hwa gbeyà hweyà hwe gbamù ema hwe hwiyɛnɛyi na hwatò hwa arzɛ. Loŋgo la hwatò hvɛ hwa gbeyà hweyà hwe gbamù o jututa ema hwatò hwa rza hwiya natɛ̀ɛ hwa arzìirzɛ̀.

1 Tìmotì 5:25 Mawu Ofanana

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Lukàrzɛ̀ 11:33

“Mòtò à rza tanɛ̀ lì hvààlɛ̀ ètùlù rzìi a e uta, tɔ̀ lì e utà ò rze ya èwòkì. À e ikà ndi ò mbòkò ema ètùlù e tɛ̀mɛ̀ ò lì arza nanù ema tɔ̀ njɛnɛ ema a kpèeyà ò ndawò, a ɛnɛ ŋmàye mò èŋge ètùlù.

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Hwègbèèlì 22:12

“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.

Hwègbèèlì 9:36

O mbòwa ya Jopà ò ma hwɛ mòlòkèlì wa mòlanà ema à mà hwɛ̀lɛ̀hwɛ̀ Tàbità. (jànda ja lìinà la eni ò mbɔrzi ya Grìki lì hwèlì ndi Dɔ̀kàrzì eŋge ŋgàna e hwèlì ndi ìrzɛ̀wù). Onò mòlanà, à mà akɛlɛ e hvònda ya eni ya arzɛ ò lì gbeyà hweyà hwe gbamù na ò lì òŋgòwànà mèlìrza me hwatò.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

1 Tìmotì 3:7

O lì hwatɛ hvɛ, oŋgo mòtò a hwɛni ndi lì hwɛ mòtò hvɛ ema tɔ̀ hwaŋga hwatò ema hwa rza enje o ŋmèmba hwa mo ŋgba èluhwe. Ène e gbeyà a rza luwa ìrzɔnì ndeŋgànɛ̀lɛ̀ a rza unda o e ŋgùndèli ya ama mòkarzɛ̀.

Hwèwulùwèlì 14:13

Rzìi nà hweyà lìlo lì uwɛ̀lɛ̀lɛ̀yi ò ŋmanyu yà lohwà lì ohwa nanù ema, “Tìla ò rze nanù ema, ò lì wòteyà nàŋgɛ, mònàmɛ̀ nà hwatò ema hwa ŋwelì, ehwànja hwa lòkɛ̀yì è Rzàŋgo.” Èlìŋgɛ̀ yà wòtani è ohwi nanù ema, “Ɛ̀ɛ̀, wɔ̀ hwa ò lùwa lì arzìyòlɛ̀ ò nyòla èwòlò ema hwa mà gbeyɛ, ndèŋgànɛ̀lɛ̀ hwa ò lùwa mòrzàhwèlì ò nyòla hwèwòlò hwe gbamù ema hwa mà gbèyɛ.”