1 Tìmotì 5:22 - Mokpwe: Bakwery (New Testament)

²² O rzi keka lì ahwèŋgɛ̀ o lì hwàkɛ hwatò màà mà aŋgɔ̀ o lì hwa nàmìrzɛ̀ o lì hwɛ hwàmbaki hwa ŋmèmba. Èhwanja o gbèyi tɛ nanù rzi oŋgo mòtò ayeŋgòwɛ̀ a gbeyà wòhwe, nanù oma o wa hvɛ o gbèyi wòhwe. O aŋgowe aŋga nanù o wà witi o rza gbèeyà hweyà hwe mbindo.

1 Tìmotì 5:22 Mawu Ofanana

Hwègbèèlì 13:3

Nà òma hwà mà kulɛ mòkìyà njàwò na màkanɛ̀, hwà mà hwàkɛ maà ma awu ò ma Bànàbàrzì na Rzàwòlò rzìi hwa hwà òhweyà nanù ema hwa ɛ̀ndɛ.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

Hwègbèèlì 20:26

O eŋgànɛ̀lɛ̀ rzɔ na e kòkòwɛ̀lɛ̀ yawònò nanù ema tɔ̀ ima mɔ̀ wa anyu a wɔ̀lɛ̀nɛ̀ tɛ lòŋgɛ la eni, a hwiye nanù ema imba rza enje aŋga.

Hwègbèèlì 6:6

Hwà mà jana hwanu hwatò ò wòrzò wò I àpɔ̀rzìtòlò. I àpɔ̀rzìtòlò rzìi i hwa kanɛ̀lɛ̀lɛ̀ i hwa hwàkɛ̀ hvɛ màa.

Ɛ̀hvìrzìyà 5:11

È rzìi keka lì ohva tɔ̀ eyà o lì gbeyàna hweyà hwe wòhwe ema hwatò ema hwa hwèlì o jìtìtì hwa gbeyà. Ndi tɔ̀ nanù e uŋmɛ̀lɛ̀ hwatò nanù ema ini nyàyi ja hweyà i rza lɔ̀wu.

1 Tìmotì 3:10

Ndèŋgàna hwatimbelì hwa e hvɔ̀rzɔ̀ hwà-òŋgòwànèlì hwa ŋmèmba hwa àŋgàmɛ̀nɛ̀yi lì loma lì e injàneyà kɔ̀yi-kɔ̀yi hwatò ema hwa arza lì hvɔ̀rzɔ̀. Hwa ayembɛ tɛ nanù ema e mòtò ema hwa kèkirzɛ hwa rza mo lùwànì tɛ tɔ̀ njɔ̀mì, nanù o ma a kànɛ̀yi lì gbeyà eŋge èwòlò.

1 Tìmotì 3:2

O eŋgànɛ̀lɛ̀, e mòtimbèlì hwa ŋmèmba, a hwɛni ndi lì hwɛ mòtò ema a rza luwahwa màtonà. Ndèŋgàna a hwɛni ndi lì ohva jòjìyɛ̀ hvɔ̀kɔ. A hwɛni ndi lì hwɛ mòtò ema a alɛ̀mbɛ mɔ̀ ŋmìti, mòtò ema a lùtèyà kɔ̀yi-kɔ̀yi, mòtò ema hwatò hwa ŋgba èluhwe, a hwɛni ndi lì hwɛ mòtò ema a kàrzɛ hwàyɛ̀nì o ndawò ya eni, na mòtò ema a hwi o lì okolɛ hwatò.

1 Tìmotì 3:6

A rza àŋgàmɛ̀nɛ̀yi ndi lì hwɛ mòtò ema a rzi ku mbɔ, o lì lòkɛ̀ Krirztò, ene e tànɛyi lì mo gbeyà ema, ayèkirzɛ, o lì kpa, na o lì luwa kɔ̀kìrzɛ̀ molemilemi na oma Mòkarzɛ̀ à mà kpe rzìi a luwa kɔ̀kìrzɛ̀.

1 Tìmotì 4:12

O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

2 Tìmotì 1:6

Lìtìŋga lɔ̀ lììnì ɔ̀ndeŋgàtɛ̀ imba nà ò ɔ̀ŋgɛ̀lɛ̀nɛ jàhwèyà ema Lohwɛ̀ à mà ò ŋgbe è hvonda ema nà mà ò hwàkɛ̀ màà mà ami ò mòhvo mò aŋgɔ̀ ò hwɛ ndi ò lì ji gbeyàna nanù mɛnɛ.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Hibrù 6:2

Hwa okolɛ hwatò lì hvomɛ̀nɛ̀ lìlùhwìrzɛ̀, na lì hvomɛ̀nɛ̀ lì hwàkɛ la màa o meyohvo me hwatò, ndèŋgànɛ̀lɛ̀ i hwi nanù ema hwa àŋgàmɛ̀nɛ̀yi lì okolɛ hwatò lì hvomɛ̀nɛ̀ hwèhvùmùwèlì hwe kpèelì, na lì hvomɛ̀nɛ̀ hwèkàyìrzèlì ema hwe hwèlì natɛ̀ɛ na o gbìndèyà.

2 Yòwanìrzɛ̀ 1:11

Imba nà ohwa ndi nanù ehwànja, è mò kàrzɛ tɛ, è tìmba ndi mɔ̀kɔ wa eni o hweyà hwe wòhwe ema à gbeyà.

Hwèwulùwèlì 18:4

Rzìi na hweyà lìhvɛhvɛ lìlo lì ma uhweyà o ŋmanyu yà lohwà, lì ma ohwa nanù ema, “Hwàto hwa ami e wurze o tenì ya eŋge mbowà, aŋga nanù e rza hwɛ mondeŋge na wɔ̀ o lì gbeyà wòhwe, aŋga nanù inyɔ e rza o luwa lìkayi o e kɔ̀kìrzɛ̀ ya awu.