1 Tìmotì 5:19 - Mokpwe: Bakwery (New Testament)

¹⁹ O rzi keka lì emeyà hweyà hwe wòhwe ema hwatò hwa e ohweyà lì teŋgɛ̀nɛyi hwàmbaki hwa ŋmèmba, natɛ̀ɛ hwatò hwahwakɛ tɔ̀ hwàyàwo hwa tɛ̀mɛ̀ mboŋgi lì ohwa nanù ema màmɛ ema hwa ohwi e hvomɛ̀nɛ̀yi.

1 Tìmotì 5:19 Mawu Ofanana

Matiyò 18:16

Ndi a rza emelì tɛ nanù ema a ò tònani, wòwa òhvɛhvɛ mòtò mɔ̀kɔ tɔ̀ hwahwàkɛ ò lì arza nanù ema, ‘Tɔ̀ ima wòhwe ema ò òhwa nanù ema a ò gbe e ò hwiyahwa na mbòŋgi ihwakɛ tɔ̀ iyàwò.’

Yòwanìrzɛ̀ 18:29

O èŋgànɛ̀lɛ̀ Pìlatò à mà wurza ò lì hwa ùŋmanɛlɛ rzìi a hwa ijòwa nanù ema, “Ima njɔ̀mi e lu lì teŋgɛ̀nɛ̀ ònò mòtò e?”

Yòwanìrzɛ̀ 8:17

O mbenda ya anyu, e tìlahwì ema e mbòŋgi ya hwatò hwahwàkɛ e hwiyahwi.

Hwègbèèlì 11:30

Nànù ndi wɔ̀ hwà mà gbèye. Hwà mà rzàŋga wòlì, rzìi hwa wò òmana Bànàbàrzì na Rzàwòlò ò lì ŋgba hwàtìmbèlì hwa ŋmèmba.

Hwègbèèlì 25:16

Ndi imba nà mà hwa òhweyà nanù ema hwatò hwa Ròmànì hwa òhvi ɛ̀ɛ̀mɛ̀ ema e hwèlì ndi nanù ema ò rza tànɛ lì akɛlɛ e mbàkò ema mòtò a tùu ŋmàŋgò e rzi hwɛ nanù ema mɔ̀ à kayirzɛ̀hwɛyi ò marzò ma hwaŋga hwatò ema hwa mò rzɔ̀mɔ̀ni. Hwa àŋgàmɛ̀nɛ̀yi lì mò ŋgba ehvòlò ò lì kaya ŋmàŋgò mò eni.

2 Kɔ̀rintìyà 13:1

È ŋgèlì ema e ùkirzɛ̀yi iyàwò yɔ ene, ema na jà o lì ehvɛhvɛ. È tìlahwì o kààtì ya Lohwà nanù ema, “Hwa kàyìrzɛ̀ tɛ mòtò, hwa hwɛni lì òkànèyà mboŋgi ihwakɛ tɔ̀ iyàwò.”

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

Tàyìtùrzì 1:6

Mòtìmbèlì wa ŋmèmba a àŋgàmɛ̀nɛ̀ ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòjòmɛ̀ mò jòjìyɛ̀ mɔ̀kɔ, ndèŋgànɛ̀lɛ̀ hwàanà hwa eni hwa àŋgàmɛ̀nɛ̀yi lì lòkɛ̀ Yerzù Krirztò. Hwa àŋgàmɛ̀nɛ̀yi lì ohva hwègbèèlì hwe gbamù aŋga nanù tɔ̀ mòtò a rza tànɛ lì hwa hwɛlɛ nanù ema hwa hwèlì maniya tɔ̀ hwa hwèlì bùlubùlu.

Hibrù 10:28

Tɔ̀ ima mòtò ema a rza ika imbenda ja ama Morzè, rzìi hwatò hwahwakɛ tɔ̀ hwàyàwo hwa mo tɛmeya mboŋgi nanù ema mɔ̀ à rza ika iŋgi mbenda, a oŋwahwa ndèŋgàna hwa rza mo òkeya ììlì.