1 Tìmotì 5:14 - Mokpwe: Bakwery (New Testament)

¹⁴ Ɔ̀ndeŋgàtɛ̀ imba na kòkòwɛ̀lɛ̀ Hwèrzɔ̀mbɛ̀ hwe mekurze me hwalana o lì hwaahwa hvɛ na lì hwɛnɛ hwàna na o lì ɔŋgeya hvɛ i ndawò ja awu. Aŋga nanù wɔ̀ hwa rza ŋgbà hwàkɔ̀yèlì hwa arzu tɔ̀ lìtiŋga o lì ohwa wòhwe o lì jo teŋgɛ̀nɛ.

1 Tìmotì 5:14 Mawu Ofanana

Ròmànì 14:13

O èŋgànɛ̀lɛ̀ rzɔ, inyɛ tɔ̀ mɔ̀kɔ wa arzu a rza kàyìrzɛ̀ ɔ̀nɛyi. O ika ò ŋmèma mò aŋgɔ̀ nanù ema, ò rza gbeyà tɔ̀ eyà ema e gbeyà hwahvɛhvɛ hwatò hwa ayirzɛ mataŋgà mà awu tɔ̀ lì kpèeyà ò tenì ya wòhwe.

2 Kɔ̀rintìyà 11:12

Ène eyà ema na gbeyà nàŋgɛ nanù, na hwɛnì ndi lì e gbeyà nanù mɛnɛ aŋga nanù na rza ŋgba i àpɔ̀rzìtòlò ja mòlàŋgà ehvolo ema hwa kùmbe i kòkò ja awu nanù ema hwa gbeyà ndi molemilemi mo èwòlò ema irzɔhvɛ i gbeyà.

1 Tìmotì 2:8

Tɔ̀ ima èki ema hwatò hwa Krirztò hwa arzàŋganɛ, imba na arza nanù ema wunyanà ema hwà mà aŋgbɛ wɔ̀ hwiti o lì gbèeyà Lohwɛ̀ hwa karzɛ màà mà awu o ŋmanyu o lì kànɛ̀. Hwàŋga hwatò hwa rza hwɛni lì hwɛnɛ hwetato ò ŋmèma tɔ̀ lì hwɛ hwatò ema hwa tɔ̀wɔ.

1 Tìmotì 4:3

Hwanu hwà-òkòlèlì hwa mòlàŋga wɔ̀ hwa okolɛ hwatò nanù ema hwa rzi keka lì hwaa. Ndeŋgànɛ̀lɛ̀ hvɛ ema hwatò hwa rzi laa tumba ja melelì. Lohwɛ̀ à mà weka ndi meŋge melelì nanù ema hwatò hwa me lee. Ndi hwaŋga ema hwa hwi ŋmɛ̀ndì mò gbamù, hwa mo lòkɛ̀yi na lì eka Lohwɛ̀ o meŋge melelì.

1 Tìmotì 5:11

Li hvomɛ̀nɛ̀ Hwèrzɔ̀mbɛ̀ hwe mekurze me hwalana, o rzi keka lì hwa aŋgànà o Mɔ̀rzɔ̀ŋgi mo mekurze me hwalana ema me hwɛni lì luwa lìwoŋgo. O rzi hwa ika o Mɔ̀rzɔ̀ŋgi èhwanja wɔ̀ hwa hwɛni tɛ e nyɔ̀ŋgi ya lì hwaahwa hvɛ hwa rza o tànɛyi lì gbèeyà Krirztò hvɛ.

1 Tìmotì 6:1

Hwatò hwa arzɛ ema hwa hwèlì hwàkòmì hwa àŋgàmɛ̀nɛ̀yi lì ŋgba irzàŋgo ja awu èluhwe o hweyà hwe arzɛ. Àŋga nanù tɔ̀ mòtò a rza ohwa tɔ̀ eyà ya wòhwe lì teŋgɛ̀nɛ Lohwɛ̀ ndèŋgàna hwa rza ohwa hweyà hwe wòhwe o mamɛ ema irzɔ jo òkolɛ.

Tàyìtùrzì 2:5

Hwà hwa okòlɛ̀ nanù ema hwa hwɛ ijòjìyɛ̀ ja gbamù. Hwa ika ndi mèèmà me awu o mèjòmɛ̀ me awu mɛnɛ, ndèŋgànɛ̀lɛ̀ hwà hwa okòlɛ̀ nɛ hwa àŋgàmɛ̀nɛ̀yi o lì aŋgoweya indawò ja awu, nyayi ema e hwa gbeyà o lì hwɛ jòjìyɛ̀ ema ja arzìhwìrzɛ̀lɛ̀lɛ̀yì mèjòmɛ̀ me awu. È hwèlì tɛ nanù ema hwàalanà hwa gbèya hwene hweyà hwe arzɛ, hwatò hwa rza ohwa tɔ eyà ya wòhwe lì hvomɛ̀nɛ̀ ŋmɛ̀ndì ema Lohwɛ̀ à mà ŋgbe hwatò.

Tàyìtùrzì 2:8

O ɛnɛ nanù ema hwèyòkòlèlì hwe aŋgɔ̀ hwe hvomɛ̀nɛ̀yi aŋga nanù hwatò hwa rza ohwa tɔ̀ eyà ya wòhwe o lì o teŋgɛ̀nɛ̀. Ène e gbeyà hwatò ema hwa o teŋgɛ̀nɛ̀ o lì òka irzɔ̀ni, ehwànja hwa rza o luwa e njiya o lì ohwa tɔ̀ eyà ya wòhwe o lì jo teŋgɛ̀nɛ̀.

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.