1 Tìmotì 4:3 - Mokpwe: Bakwery (New Testament)

³ Hwanu hwà-òkòlèlì hwa mòlàŋga wɔ̀ hwa okolɛ hwatò nanù ema hwa rzi keka lì hwaa. Ndeŋgànɛ̀lɛ̀ hvɛ ema hwatò hwa rzi laa tumba ja melelì. Lohwɛ̀ à mà weka ndi meŋge melelì nanù ema hwatò hwa me lee. Ndi hwaŋga ema hwa hwi ŋmɛ̀ndì mò gbamù, hwa mo lòkɛ̀yi na lì eka Lohwɛ̀ o meŋge melelì.

1 Tìmotì 4:3 Mawu Ofanana

Matiyò 14:19

Nà òma hwà-òkòwèlì hwa eni hwa mà hwe jànè, rzìi Yerzù à òhweyà hwaŋga hwatò ama hwa lìya ò mòkòòkò rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ, à ɔ̀ŋgɔ ò ŋmanyu yà lohwà, à ŋgba Lohwɛ̀ jeka rzìi à kɛrzɛ hweŋge hwèhvòòtò nà màà mà eni. Nà òma à mà hwe kɛ̀rzɛ, à ŋgba hwà-òkòwèlì hwa eni ò lì hwe kahweyà eŋge ŋgindi.

Matiyò 15:11

Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Matiyò 15:36

Rzìi à wòwa lìŋgi lìrzàmbà la hwèhvòòtò na iŋgi nyàmà, a ŋgba Lohwɛ̀ jeka, a ji kɛrzɛ, rzìi a ji ŋgba Hwà-òkòwèlì hwa eni Hwà-òkòwèlì hwa eni rzìi hwa ji kahweyà hwatò.

Lukàrzɛ̀ 24:30

Nà òmà hwa mà lìya ò lì làa, à mà wòwa èhvòòtò, rzìi à è nàmìrzɛ̀, à mà kanda èhvòòtò, rzìi a hwa ŋgbà e yɔ.

Yòwanìrzɛ̀ 6:23

Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.

Hwègbèèlì 27:35

Nà òma Pàwolò à mà kulɛ lì òhwa nanù, rzi a wòwa èhvòòtò, a ŋgbàà Lohwɛ̀ jeka ò wòrzò wò wɔ̀ hwa arzɛ, à mà e kanda, rzi a wòteyà lì laa.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 14:3

Hwàtò ema hwa làa tɔ̀ mamɛ, hwa rzi keka lì niya e wɔ̀ ema hwa rza làa wò làa à làa. Ndèŋgana hwatò hvɛ ema hwa rza làa lòŋgò la hwema hwa rzi kàyìrzɛ̀ hwatò ema hwa làa hwèèmà hwe arzɛ èhwanja Lohwɛ̀ a hwa emelì wɔ̀ hwa arzɛ.

Ròmànì 14:6

Hwàŋga hwatò ema hwa lùtèyà nanù ema eyu yɔ̀kɔ e hwɛni wòlìtò lì aka hwehvɛhvɛ hweyu, hwa gbeyà ndi nanù ò lì ŋgbà e Rzàŋgò èluhwe. Hwàŋga ema hwa laa tɔ̀ mamɛ wɔ̀ hvɛ hwa gbeyà ndi nanù ò lì ŋgba e Rzàŋgò èluhwe èhwanja hwa ŋgba Lohwɛ̀ jeka lì hvòmɛ̀nɛ̀ mòŋgò mòlelì. Hwàŋga hwatò ema hwa kiya ò lì laa lòŋgò la hwema, hwa gbeyà ndi nanù ò lì ŋgba e Rzàŋgò èluhwe ndèŋgàna hwa ŋgba Lohwɛ̀ jeka.

1 Kɔ̀rintìyà 6:13

Ohvɛhvɛ mòtò a tànɛyi lì ohwa nanù ema, “Molelì mò gbeyàhwi ndi ò lùuŋga, rzìi lùuŋga lɔ̀hvɛ lì gbeyàhwi ndi o mòlelì.” È jɔ̀kɛ̀, ndi o ò jà wùnyà ema Lohwɛ̀ a hwe hvaŋga hwe ahwàkɛ. È nyo ya arzu e rzi wèkahwì ndi ò lì gbeyà mòrzònje. Ndi è nyo yà àrzu è mà wèkahwà ndi lì gbèeyà Rzàŋgo; Rzìi Rzàŋgo a ɔ̀ŋgeyà è nyo yà àrzu.

1 Kɔ̀rintìyà 7:28

Ndi inyɔ hwatò hwa wunyanà e hwàayi tɛ, oma e rza gbèyi tɔ̀ eyà ya wòhwe. Ndi o ene hvonda ya naŋgɛ, molànà a hwàahwì tɛ a rza gbèyi tɔ̀ eyà yà wòhwe. Tɔ̀ nɛ, lìhwa lì jànà rzayì-rzayì ja mètàkà na mètàkà ndi na rza o lìŋgàna nanù ema ya akeyà mene mètàkà me arzɛ.

1 Kɔ̀rintìyà 8:8

Mòlelì mò rza tànɛyi lì jo rzaŋgirzɛ o mirzɔ̀ ma ama Lohwɛ̀, irzɔ i rza tànɛyi lì hwɛ hwatò hwa wòhwe e hwèlì tɛ nanù ema i rza mo lelì tɛ. Tɔ̀ lì hwɛ hwatò hwa gbamù e hwèlì tɛ nanù ema i mo lelì tɛ.

Kòlòrzìyà 2:16

Ò eŋgànɛ̀lɛ rzɔ, è rza emeyà nanù ema hwatò hwa è ohweyà nanù ema, inyɔ è mà gbeyà lùurzè ehwànja è làa nyàyi jà melelì tɔ̀ ehwànja è nyɔ lòŋgo là hwènyɔ̀ɔ̀nì, tɔ̀ ehwànja è ukelì nyàyi jà ndèma, tɔ̀ ò è ndèma ema è ò hwɛ è ŋgbɛndɛ è wurzi tɛ ò ŋmanyu, tɔ̀ ò è ndèma yà Wùnyà wò lì Arzìyòlɛ.

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

1 Tìmotì 4:4

Hwàŋga hwà-òkòlèlì hwa rza hvomɛ̀nɛ̀, èhwanja tɔ̀ mamɛ ema Lohwɛ̀ à mà gbeyɛ, e lɔ̀wu ndèŋgàna o rza enje lìtumba la mòlelì mɔ̀kɔ ema mo hwɛni lì kiyahwa. O eŋgànɛ̀lɛ̀ inyɛ je eke Lohwɛ̀ o lì luwa hwene hwema.

1 Tìmotì 5:14

Ɔ̀ndeŋgàtɛ̀ imba na kòkòwɛ̀lɛ̀ Hwèrzɔ̀mbɛ̀ hwe mekurze me hwalana o lì hwaahwa hvɛ na lì hwɛnɛ hwàna na o lì ɔŋgeya hvɛ i ndawò ja awu. Aŋga nanù wɔ̀ hwa rza ŋgbà hwàkɔ̀yèlì hwa arzu tɔ̀ lìtiŋga o lì ohwa wòhwe o lì jo teŋgɛ̀nɛ.

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.