1 Tìmotì 4:10 - Mokpwe: Bakwery (New Testament)

¹⁰ O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

1 Tìmotì 4:10 Mawu Ofanana

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Matiyò 27:43

À lòkɛ̀yì nanù ema Lohwɛ̀ a hwèlì na mɔ̀ ndèŋgànɛ̀lɛ̀ hvɛ a hwèlì ndi è Ŋmanà wà amà Lohwɛ̀. Òole! Inyɛ̀ Lohwɛ̀ a mò òŋgòwane rzɔ naŋgɛ inyɛ jɛ̀ɛ̀ ɛnɛ.”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 4:42

Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

1 Kɔ̀rintìyà 15:10

Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

2 Kɔ̀rintìyà 1:10

Tɔ̀ nɛ i mà kombɛ̀nɛ̀ è kpelì, Lohwɛ̀ à mà jo rzùŋga. I hwèlì tɛ o ndùtù, à jò rzùŋga ndi nanù mɛnɛ. Lìhvìta là arzu lì hwèlì ndi ema Lohwɛ̀ à ò jò rzùŋga hvɛ i hvonda ja arzɛ, i hwèlì tɛ ò ndùtù.

1 Tìmotì 2:3

O lɔ̀wu o lì kànɛ̀lɛlɛ hwatò nanù. Ndeŋgànɛ̀lɛ̀ iŋgi nyayi ja màkanɛ̀ i lìŋgìrzɛ Lohwɛ̀.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

1 Tìmotì 3:15

Nà e tìleya hwene hweyà ema e hwɛyi o lì hwe gbèeyà aŋga nanù na rza akɛlɛ tɛ lì jà, e hwɛni lì hwiya ɛ̀ɛ̀mɛ̀ ema hwatò hwa Lohwà hwa àŋgàmɛ̀nɛ̀yi lì hwɛnɛ. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ ndi à hwa ɔŋgeya. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ a hwèlì lòŋgɛ. Moŋgo ŋmèmba mo hwèlì ndi nàa lìwondi na ɛ̀ɛkɛ̀ ema hwe rzulɛ gbamù eyà ya Lohwà.

1 Tìmotì 6:17

O kòkòwɛ̀lɛ̀ hwaŋga hwatò ema hwa nàmì kɔ̀yi-kɔ̀yi nanù ema hwa rzi a ekirzɛ o lì kumba ìŋgèŋgè, ndèŋgàna hwa rzi ika mèèmà me awu o mònàmɛ̀ mo awu ema mo kuwa, ndi hwa ika ndi mèèmà me awu o ma Lohwɛ̀. Mɔ̀ ndi à hwèlì e mɔ̀ ema a jo ŋgba hwèèmà hwe arzɛ ema ja arza aŋga nanù jo òka mɔ̀nyɛ̀ŋgì.

Hibrù 11:26

Mɔ̀ à mà lùtèyà ema o lì luwa ìrzɔnì o nyòla è Mɔ̀ ema à Ɔ̀kirzɛ̀hwɛ̀yi a hwèlì mòrzàhwelì ema mo akayi mònàmɛ̀ mo arzɛ ema mo hwèlì o tenì ya èkomè ya Ìjiptò. A ma gbeyà ndi nanù èhwanja à mà hwɛ lì ambɛlɛlɛ mòrzawèlì ema Lohwɛ̀ a mo ŋgba o e hvonda ema e o jɛ̀ɛ̀.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.