1 Tìmotì 3:16 - Mokpwe: Bakwery (New Testament)

¹⁶ Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

1 Tìmotì 3:16 Mawu Ofanana

Matiyò 1:23

“È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 28:2

Lìwòkìmɛ̀nɛ̀ ò ma hwɛ mònyìŋgìrzɛ̀nɛ̀ mò ndɛnɛ e aŋgèlì ya ama Rzàŋgò e ma uwɛ̀lɛ̀lɛ̀ ò ŋmanyu yà lohwà rzìi e jà e iŋgòlɛ lìŋgi lìŋyàyi ema lì mò umba eŋge wàna ya eŋge rzɔ̀ŋgɔ̀ rzìi a lì lìya ò ŋmanyu.

Matiyò 3:16

Ò wòtɛmɛ̀tɛmɛ̀ nà òmà Yerzù à mà lùhwìrzɛ̀hwɛ̀, rzìi à anjiya ò tenì yà màlìhwa. Ò lìŋgi lìrzàkò mɛ̀nɛ̀ è ŋmanyu yà lohwà è mà lìhvòwèyà, Yerzù rzìi mɔ̀ à ɛnɛ Èlìŋgɛ̀ yà ama Lohwɛ̀ è uhwɛ̀lɛ̀lɛ̀yi ò ŋmanyu yà lohwà rzìi è rzìhwa nàa mbeŋga è mò tɛ̀mɛ̀ ò mòhvò.

Matiyò 4:11

O èŋgànɛ̀lɛ̀ Mòkarzɛ̀ à mà hwɛmɛ Yerzù rzìi à ɛndɛ è yà eni. Aŋga ndi i aŋgèlì ì mà jè lì òŋgòwàna Yerzù.

Makòrzì 1:13

Yerzù à mà lìya ò mòrzanjɛ̀ menìmenì mè mènya, à mà kèkirzɛhwɛ nà Mòkarzɛ̀. À mà hwɛ aŋga nà inyàmà ja arzɛ ja waŋga. I aŋgèlì jà ama Lohwɛ̀ ì mà jà lì mò òŋgòwànà.

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Makòrzì 16:5

Nà òmà hwà mà àyinɛ̀lɛ̀ ò tenì ya èŋge rzɔ̀ŋgɔ̀, rzìi hwa ùŋmanɛlɛ mbèrza yɔ ndi è wɔti mòŋgòmbè, mò mbɔmi, e lìyayi ò èhvarzù ya mɔ̀ mò mòmɛ̀ la èŋge rzɔ̀ŋgɔ̀. Wɔ̀ hwa mà lɛmbeya wɔ̀ŋgɔ̀ wò ndɛnɛ̀.

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Lukàrzɛ̀ 20:44

Nà òma Kiŋgɛ Dàhwitì ŋmitɛ-ŋmitɛ à mà lòme lì mò hwɛlɛ Rzàŋgò, nɛ rzɔ è Mɔ̀ ema à Ɔ̀kirzɛ̀hwɛ̀yi a tànɛyi lì hwɛ e ŋmanà wà eni e?”

Lukàrzɛ̀ 22:43

Nà òmà Yerzù à mà hwɛ lì kanɛ̀, è aŋgèlì è mà uhweyà ò ŋmanyu yà Lohwà ò lì mò embɛ̀.

Lukàrzɛ̀ 24:4

Hwa mà wòteya lì lùteya mamɛ e ma gbèyɛnɛ nà mòŋgò ŋmìmbà. Lìwòkìmɛnɛ wùnyànà hwàhwàkɛ̀ ema hwà mà wɔtɔ̀ mbɔ̀mi ja ŋgɛ̀ŋgɛ̀lɛ-ŋgɛ̀ŋgɛ̀lɛ, hwa mà hwa wurzeya.

Lukàrzɛ̀ 24:51

Nà òmà a mà hwɛ lì hwa nàmìrzɛ̀, rzìi hwa lìiya aŋga, à kòhwà ò ŋmanyu yà Lohwà.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 20:12

Rzìi à ɛnɛ aŋgèlì ihwàkɛ i wɔ̀ti mbɔ̀mi, wɔ̀ ndi hwa lìyayi èki ema èèmbè ya ama Yerzù e ma nàŋgɛlɛhwɛ, mɔ̀kɔ ò èki ya mòhvò, ɔ̀nɛyi hvɛ ò èki ya mataŋga.

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Hwègbèèlì 1:19

Hwàtò hwa arzɛ hwa Jèrurzalɛ̀mù hwà mà hweyà lì hvòmɛ̀nɛ̀ e kpelì ya eni, ò èŋgànɛ̀lɛ̀ rzɔ hwa hwɛlɛ èŋge èki ò e mbɔrzi ya awu nanù ema, Akɛ̀ldàmà, jànda ja eni i hwèlì ndi, “Mɔnyɛ mò màyija.”)

Hwègbèèlì 10:34

Pètrò rzìi a wòteyà lì òhwa nanù ema, “Nà ma ayembɛ na e jɔ̀kɛ̀ naŋgɛ nanù ema, Lohwɛ̀ a rza uŋmɛ̀lɛ̀ ndandò.

Hwègbèèlì 14:27

Nà òma wɔ̀ hwà mà uke ò mbòwa ndɛnɛ ya Antìyɔ̀kì, wɔ̀ hwà mà rzaŋga hwatò hwa ŋmèmba èki yɔ̀kɔ rzìi hwà hwa òhweyà mamɛ ya arzɛ ema Lohwɛ̀ à mà gbèyɛ lì akeyà na wɔ̀. Wɔ hwà mà hwa òhweyà nɛ Lohwɛ̀ à mà lìhvòweya e njiya ò hwatò ema hwa rza enje wònyà Yudà, ò lì lòkɛ̀ Yerzù.

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Ròmànì 10:12

Ène e hwèlì rzɔ ò hwatò hwa arzɛ èhwanja ò rza enje hwekàhweli ema hwanu hwa hwèlì ndi wònyà Yudà, hwanu hvɛ hwa rza enje wònyà Yudà. Lohwɛ̀ a hwèlì ndi e Rzàŋgò ya hwatò hwa arzɛ, ndeŋgànɛ̀lɛ̀ hvɛ à nàmìrzɛ̀ rzayi-rzayi hwaŋga ema hwa mò hwɛlɛ.

Ròmànì 10:18

Ndi na ijòwa nanù ema, e hwèlì ndi e jɔ̀kɛ̀ ema wɔ̀ hwa rzi hweyi mòŋgò ŋmɛ̀ndì e? Jàyɛ̀, hwà mà mò hweyà. Nà òma e tìlahwì ò e kààtì ya Lohwà nanù ema, “Màalò ma hwatò ema mà ma hwɛ lì òhwa mòŋgò ŋmɛ̀ndì mà ma hwɛ̀ɛnɛ e rze ya arzɛ. Eyà ya awu e ma uka ò marzuku ma e rze ya arzɛ.”

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

Ròmànì 16:26

Ndi ò nàŋgɛ eŋge jɔ̀kɛ̀ e ma jò wuluhwàhwɛlɛ. Mɔ̀ à mà e wuluhwa nàŋgɛ na hweyà ema hwà-òhwèlì hwa hwèlìŋgɛ̀ hwà mà tile ò e kààtì ya ama Lohwɛ̀. Mɔ̀ à mà gbeye ndi nanù, aŋga nanù hwatò hwa arzɛ̀ hwa hwèkòmè hwe ya arzɛ hwa mò lòkɛ̀ na lì mò hweyàne.

Ròmànì 3:4

Ò jɔ̀kɛ̀ rzeketɛ nanù. Tɔ ima mòtò wa hwènàmà anu rze ya mɔ̀nyɛ̀ a tànɛyi lì òhwa hweyà ema hwe rza enje jɔ̀kɛ̀. Ndi Lohwɛ̀ mɔ̀ à hwèlì jɔ̀kɛ̀ ò ihvònda ja arzɛ. Nà òma e tìlahwì ò kààtì ya Lohwà nanù ema, “A òhwi tɛ eyà, hwatò hwa àŋgàmɛ̀nɛ̀yi lì hwiya nanù ema màmɛ ema a òhwa e hwèlì ndi e jɔ̀kɛ̀. Hwa ò kàyìrzɛ̀ tɛ, ò hwɛni lì kaya mòŋgò ŋmàŋgò ŋgàna ema e hvòmɛ̀nɛ̀.”

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

1 Kɔ̀rintìyà 15:47

Adàmu e mòtò wa worzò, à mà wèkahwà ndi na mɔ̀nyɛ̀ mo rze, à mà uwɛ̀lɛ̀lɛ̀yi ndi o mɔ̀nyɛ̀. È Adàmu ema e ma jà hvɛ ema uwɛ̀lɛ̀lɛ̀yi ndi o ŋmanyu a Lohwà.

1 Kɔ̀rintìyà 2:7

Lìhwiye ema i gbeyàna, lì hwèlì ndi lìhwiyè ema Lohwɛ̀ a jo ŋgbelì. Lìhwiye ema lì ma ùtàhwa natɛ̀ɛ na ò hwèwòtelì, o lìhwiyè la arzu ema Lohwɛ̀ à mà tɛ̀yirzɛ ndèŋgàna hwewòtelì hwe rze.

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

Gàletìyà 2:8

Lohwɛ̀ ema à mà hvɔ̀rzɔ̀ Pètrò o lì hwɛ e àpɔ̀rzìtòlò ya wònyà Yudà mɔ̀ mɛnɛ hvɛ ndi à mà no hvɔ̀rzɔ̀ o lì hwɛ e àpɔ̀rzìtòlò o hwaŋga hwatò ema hwa rza enje wònyà Yudà.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.

Ɛ̀hvìrzìyà 6:19

È no kànɛ̀lɛlɛ imba hvɛ, ema tɔ̀ ima hvonda ema na ohwa Èya ya ama Krirztò, Lohwɛ̀ a no ŋgba e mbɔrzi ema e hvomɛ̀nɛ̀yi. Aŋga nanù, na o tànɛyi lì ohweyà hwatò Ŋmɛ̀ndì mò Gbamù ema hwa rza rzɔ̀ŋgìtɛ̀nɛ̀ e rzìi hwɛ lì oka tɔ̀ wɔ̀ŋgɔ̀.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

2 Tɛ̀rzàlonìyà 2:7

Hweyà hwe wòhwe hwe jututa hwe ma wòteya lì wurza. È mòtò ema a lɛmbi hwene hwèèmà nyayi ema hwe rza gbèyɛ̀nɛ nàŋgɛ, mɔ̀ mɛnɛ ndi à hwe lɛmbɛ natɛ̀ɛ na e hvonda ema Lohwɛ̀ a ohwa nanù ema a hwe hwɛmɛ.

1 Tìmotì 3:9

Hwa àŋgàmɛ̀nɛ̀yi lì oŋgama e jɔ̀kɛ̀ ema Lohwɛ̀ a gbèeyà ema hwatò hwa hwiye màlùtèyà na ɛ̀ɛ̀mɛ̀ ema a arza nanù ema hwa hwɛnɛ. Hwa hwɛni lì gbeyà nanù na ŋmèma ema mo hwi mamɛ ema e lɔ̀wu.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 7:7

È hwèlì na e jɔ̀kɛ̀ nanù ema e mɔ̀ à nàmìrzɛ̀ a akayi e mɔ̀ ema a nàmìrzɛ̀hwɛ̀yi.

Hibrù 8:1

jànda jà mamɛ ema jò òhwa i hwèlì ndi nanù ema, jo òhvi ene tumba ya Pìlìrzì e Karzami ema, e lìyayi o èhvarzù ya lìya la mòmɛ̀ la e konda ya Lohwà lì karzami, o ŋmanyu yà lohwà.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

1 Pètrò 1:20

Lohwɛ̀ à mà mo hvɔ̀rzɔ̀ ndeŋgàna e rze ye e wekahwa. Ndi mɔ̀ à mà wuluwahwa o mene mèenyà me lìrzùkù o nyòla ya anyu.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

1 Yòwanìrzɛ̀ 1:2

È mɔ̀ ema a jànà lòŋgɛ à mà àyèŋgòwɛ̀ moto hwa hwènàmà, ema hwà mà ɛnɛ na mirzɔ̀ ma awu, ndeŋgànɛ̀lɛ̀ irzɔhvɛ i ma mo ɛnɛ. I mo tɛmelì mboŋgi ndèŋgànɛ̀lɛ̀ jo e ohweyà hweyà lì mo hvomɛ̀nɛ̀ mɔ̀ ema a ŋgba lòŋgɛ la gbìndèyà, mo ema à mà hwɛ na Tatɛ̀, ndèŋgànɛ̀lɛ̀ à mà jo àwùlùhweyà.

1 Yòwanìrzɛ̀ 3:5

Ndi inyɔ e hwi nanù ema Krirztò à mà jà o e rze ya mɔ̀nyɛ̀ o lì kulɛ wòhwe. Ndeŋgànɛ̀lɛ̀ inyɔ e hwi nanù ema mɔ̀ à rza ohvi tɔ̀ wòhwe.

1 Yòwanìrzɛ̀ 3:8

Tɔ̀ njɛnɛ ema a lìmelì o lì gbeyà wòhwe a hwèlì ndi e wa ama Mòkarzɛ̀, ehwànja Mòkarzɛ̀ à mà gbeyà wòhwe lì wòteyà o hwewotelì. Lìtiŋga ema è Ŋmanà wà ama Lohwɛ̀ à mà jèe o e rze ya mɔ̀nyɛ̀ lì hwèlì ndi o lì hvàŋga èwòlò ya ama Mòkarzɛ̀.

Hwèwulùwèlì 17:5

O ma hwɛ lìna o mbɔ̀mbɔ̀ ya eni ema e ma hwɛ ndi nàa wùndɛ̀ ema tɔ̀ mòtò a rzi hwiyɛ. Lìŋgi lìna lì ma hwɛ ndi, “Bàbìlɔ̀nì, e mbowà ndɛnɛ. È nyàŋgo ya hwalana hwa àkpàlà, na e hwa hwèèmà hwe ndɔ̀ki hwe e rze.”

Hwèwulùwèlì 17:7

È aŋgèlì è mà nò ijòwa nanù ema, “Mamɛ ndèŋgatɛ ò tàmì e? Nà ò telɛ̀lɛ̀ è wùndɛ̀ yà ama ono molàna nà è wùndɛ̀ yà è nyàmà yà wòhwe ema è mò ɛ̀ndɛ̀nɛ̀, ema è ohvi lìrzàmba là mèyòhvò nà lìyome là mèrzehwa.

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.