1 Tìmotì 2:4 - Mokpwe: Bakwery (New Testament)

⁴ Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

1 Tìmotì 2:4 Mawu Ofanana

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Lukàrzɛ̀ 1:77

O ò gbeyà hwatò hwa aŋgɔ̀ ò lì hwiyà ema, Lohwɛ̀ ama hwa òŋgìrzɛ̀ èhwanja à mà làkìrzɛ̀ wòhwe wò awu.

Lukàrzɛ̀ 14:23

Òŋgò rzàŋgɛ wà èni wà ndawò rzìi a mò òhweyà nanù ema, ‘Ɛ̀ndɛ ò meyòmbò me mbòwà mà arzɛ, nà ò njuka ja mànjiyɛ ma wàŋga mà arzɛ, ò yòhwɛ̀ tɔ̀ njɛnɛ ò ùŋma ema a jèe. Aŋgà nanù, òma è ndawò yà amì e ma òndà.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 17:17

Gbeyana e jɔ̀kɛ̀ ya aŋgɔ aŋga nanù hwa tanɛ lì ò gbèeyà. Èya ya aŋgɔ e hwèlì ndi jɔ̀kɛ̀.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

2 Tìmotì 3:7

Ini nyayi ja hwalanà, hwa hwèlì ndi i hvonda ja arzɛ o lì nɔ̀ŋgɔ hwèyòkòlèlì hwe hvènya, ndi wɔ̀ hwa rza tànɛyi o lì rzɔŋgìtɛ̀nɛ̀ hwèyòkòlèlì hwe jɔ̀kɛ̀ hwe ama Lohwɛ̀.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Tàyìtùrzì 2:11

Lohwɛ̀ à mà oma e ndèli ya eni o ìtììtènì ja arzu, na oma à mà gbèye e njiya ema hwatò hwa arzɛ hwa tanɛyi lì luwa lì oŋgìrzɛ̀.

Hibrù 10:26

È hwèlì tɛ nanù ema i lìmelì ndi o lì gbeyà hweyà hwe wòhwe, ema irzɔ i ma màa lì hwiya e jɔ̀kɛ̀, tɔ̀ làhweyà tɔ̀ lɔ̀kɔ hvɛ lì rza tànɛyi lì ulɛ wòŋgo wòhwe.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

2 Pètrò 3:9

È Rzàŋgo e rza ɛndɛ ndi hviyayi, o lì gbeyà mamɛ ema mɔ̀ à kàkɛ̀nɛyi. Lòŋgo la hwatò hwa ɔ̀ŋgɛlɛ nanù ema mɔ̀ à hwèlì hviyàyi. Ndi à mà e àjùlɛ̀nɛ̀ ehwànja mɔ̀ à rza arza nanù ema tɔ̀ mòtò tɔ̀ mɔ̀kɔ a wɔ̀lɛnɛ lòŋgɛ la eni. A arza nanù ema hwatò hwa arzɛ hwa tikowe o wòhwe hwa awu.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

Hwèwulùwèlì 14:6

Nà mà ɛnɛ ehvɛhvɛ aŋgèlì è kòòhwà hvòò ò ŋmanyu yà lìwòhwɛ̀ là ŋmanyu. Èŋge aŋgèlì è mà jànà ŋmɛ̀ndì mò gbamù ema mò hwèlì natɛ̀ɛ nà ò gbìndèyà. Moŋgo ŋmɛ̀ndì mò gbamù mɔ̀ ndi à mà hwɛ lì ohweyà hwatò ema hwa hwèlì ò è rze yà mɔ̀nyɛ̀, nyàyi nà nyàyi jà hwatò, màtumba nà màtumba, nyàyi nà nyàyi jà mbɔrzi nà hwèkòmè nà hwèkòmè.