1 Tìmotì 1:9 - Mokpwe: Bakwery (New Testament)

⁹ Lohwɛ̀ a rza gbèelì ndi e mbenda o hwaŋga hwatò ema hwa tɛmi ehve-ehve. Lohwɛ̀ mɔ̀ à ika ndi e mbenda o hwaŋga hwatò ema hwa rza hweyàna e mbenda, na o hwatò ema hwa rza gbeyà mamɛ ema mɔ̀ à arza. È mbenda ya ama Lohwɛ̀, e hwèlì ndi o hwaŋga hwatò ema hwa rza ohve Èlìŋgɛ̀ ya Lohwà na o hwaŋga hwatò ema hwa gbèeyà wòhwe. È mbenda ya ama Lohwɛ̀ e hwèlì ndi o hwaŋga hwatò ema hwa rza oka Lohwɛ̀ wɔ̀ŋgɔ̀ na o hwatò hvɛ ema hwa ohwa hweyà hwe wòhwe lì teŋgɛ̀nɛ Lohwɛ̀. Lohwɛ̀ à mà gbeyà e mbenda o hwaŋga hwatò ema hwa oŋwa i tatɛ̀ na i nyàŋgo ja awu, na o hwaŋga hvɛ ema hwa oŋwa hwahvɛhvɛ hwatò.

1 Tìmotì 1:9 Mawu Ofanana

Matiyò 10:21

Hwatò hwa ò ŋgba wònyanyàŋgò hwa awu ò màà mà hwahvɛhvɛ hwatò ò lì hwa òŋwa. Irzàŋgo hvɛ ì gbeyànà hwàànà hwa awu nanù mɛnɛ, hwàànà hwa teŋgɛ̀nɛ̀ irzàŋgo nà inyàŋgò ja awù ò lì arza nanù ema hwà òŋwahwe.

Ròmànì 1:30

Hwa lìŋgàni lì òhwa ò lì hvàŋga mìinà mà hwatò, hwa kɔ̀wu Lohwɛ̀, hwa hwɛ̀nyɛ̀nɛ̀, hwa rza ŋgbɛ̀ɛ̀nɛ̀ èluhwe, hwa àyèkìrzɛ̀, wɔ̀ hwa lìŋgàni ndi ò lì tɛ̀yìrzɛ̀ nɛ̀ hwa gbeyà wòhwe, ndèŋgàna hwa rza hweyàna irzàŋgo nà inyàŋgò ja awu.

Ròmànì 4:13

Mamɛ ema i hwi e hwèlì ndi nanù ema, natɛ̀ɛ na e kòhwa Lohwɛ̀ a mà òhweyà Abràhamù nà e nyɔ̀ŋgɔ̀nì ya eni nanù ema a hwa ŋgba è rze ò màà mà awu. Lohwɛ̀ a rza òhwe ndi nanù èhwanja Abràhamù à mà ika e mbenda, Lohwɛ̀ à mà òhwa ndi nanù èhwanja Abràhamù à mà mò lòkɛ̀ ndèŋgàna Lohwɛ̀ à mà mò wòwa ndi nàa mòtò ema à tɛmi ehve-ehve nà Lohwɛ̀.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

Ròmànì 6:14

O èŋgànɛ̀lɛ̀ e rza hwɛnì lì hwɛmɛ wòhwe wò e kànèyà, èhwanja e rza lìya ò rze ya e mbenda ndi e hwèlì ndi ò rze ya e ndèli ya ama Lohwɛ̀.

Gàletìyà 3:19

Mamɛ rzɔ è mà hwɛ lìtiŋga ema Lohwɛ̀ à mà ŋgbe è mbenda e? À mà hwa ŋgba è mbenda ò lì uŋmɛ̀lɛ̀ hwatò mamɛ wòhwe wò hwèlì, eŋge mbenda è mà àŋgàmɛ̀nɛ̀yi lì hwɛ natɛ̀ɛ nà ò è hvonda ema è ŋmanà wà è nyɔ̀ŋgɔ̀nì yà ama Abràhamù ema Lohwɛ̀ à mà kàkɛ̀nɛ̀ à mà hwɛni lì jà. Lohwɛ̀ à mà ŋgba ì aŋgèlì è mbenda ò lì ŋgba Morzè. Morzè ndi à mà hwɛ è mòtò wà ìtììtènì ema à mà tɛ̀meyà è mòtò wà hwènàmà nà Lohwɛ̀.

Gàletìyà 5:18

Èlìŋgɛ̀ ya ama Lohwɛ̀ ye e timbi tɛ, nanù oma e rza enje o rze ya e mbenda hvɛ.

Gàletìyà 5:21

ìnòna o hwatò, lì woma la mimba, lì emirzɛ na o lì gbeyà hwehvɛhvɛ hweyà hwe wòhwe na hwene ema nà mà ohwɛ. Nà e kòkòwɛ̀lɛ̀ naŋgɛ na oma nà mà lome lì gbeyà, hwaŋga ema hwa gbeyà hwene hweyà, hwa rza o rzaŋgohwa mònàmɛ̀ ema mo hwèlì o lìkànèyà là ama Lohwɛ̀.

Gàletìyà 5:23

Èlìŋgɛ̀ yà Wòtani yɔ ndi e gbeyà mòtò a arzìirzɛ na lì alɛ̀mbɛ mo ŋmìti. O rza enje tɔ̀ mbenda lì teŋgɛ̀nɛ hwene hweyà.

2 Tɛ̀rzàlonìyà 2:8

Èŋge hvonda ndi e mòtò wa wòhwe a o wuluwahwɛ. Mɔ̀ a hwèlì ndi mòtò ema Rzàŋgo Yerzù a o òŋwɛ na muulu mo e wàna ya eni, ndèŋgànɛlɛ a o mo hvàŋga na ŋmàye mo eni mo nyo ema mo mɔ̀tɛ̀lɛ̀ rzàyi-rzàyi e hvonda ema mɔ̀ à o jɛ̀ɛ̀.

1 Tìmotì 4:7

O rza ohva tɔ̀ eyà o lì gbeyàna maŋga màyìtò ema mà uŋmɛ̀lɛ̀ nanù ema hwatò hwa rza lòkɛ̀ Lohwɛ̀ ndèŋgàna o rzi ohva tɔ̀ eyà o lì gbeyàna màyìtò ma èèti. Ndi o hwɛ ndi o lì okowa o ihvonda ja arzɛ na oma Lohwɛ̀ a arza nanù ema o gbeye.

1 Tìmotì 6:20

Ìi Tìmòtì, o keke o ɛnɛ nanù ema o gbèyi èwòlò gbamù ema Lohwɛ̀ a o rzekelì nanù ema o gbeye. O rzi hwɛnɛ hvonda na hweyà ema hwatò hwa ohwa ema hwe rza oŋgowàna o lì lòkɛ̀ Lohwɛ̀. O rzi hwɛnɛ hvɛ hvonda na mamɛ loŋgo la hwatò hwa ohwa nanù ema eyà yɔ̀kɔ e hwèlì jɔ̀kɛ̀, ndèŋgàna hwahvɛhvɛ hwatò hwa ohwa nanù ema ehvɛhvɛ eyà ndi e hwèlì e jɔ̀kɛ̀. Ndi wɔ̀ hwa arzɛ hwà mà gbeyà lùurzè na oma hwa ohwi nanù ema, “Imba ndi na hwèlì e mòtò ema a hwi.”

2 Tìmotì 2:16

O rzɔnjɛ̀lɛ̀ imbɔrzi ja arzɛ ja èèti na mbɔrzi ema i rza ohvɛ wòlìto, èhwanja hwatò hwa ohwa tɛ iŋgi tumba ja mbɔrzi eŋge e hwa gbeyà ndi o lì gbeyà hweyà ema Lohwɛ̀ a rza arza nanù ema hwa gbeye.

2 Tìmotì 3:2

O eŋge hvonda o hwɛ hwatò hwa ikuka, hwatò ema hwa lìŋgàni wolì, hwaŋga ema hwa ayèkirzɛ̀, hwaŋga ema hwa hwɛnyɛnɛ, hwaŋga ema hwa rza hweyàna irzàŋgo na inyàŋgo ja awu, hwaŋga ema hwa rza ekɛnɛ na hwatò ema hwa rza gbeyà mamɛ ema Lohwɛ̀ a arza nanù ema hwa gbeye.

Tàyìtùrzì 1:10

Nà ohwa ndi ene eyà nanù ehwànja, rzayi-rzayi ja hwatò hwa rzɔ̀rzɔ̀ o lì ika lìkànèyà la ama hwàtimbèlì wa ŋmèmba. Hwanu hwatò hwa okolɛ hwahvɛhvɛ hwatò na e mbɔrzi ema e rza ohvɛ janda ndèŋgànɛ̀lɛ̀ hwa lukɛlɛ hwatò. Rzayi-rzayi ja hwanu hwatò ema hwa okolɛ ene nyàyi ya hwèyòkòlèlì, hwa hwèlì ndi hwatò ema hwa hwèlì o eŋge ehvehva ema e ohwa nanù ema, hwa àŋgàmɛ̀nɛ̀ o lì endà hwatò.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 1:6

Mòtìmbèlì wa ŋmèmba a àŋgàmɛ̀nɛ̀ ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòjòmɛ̀ mò jòjìyɛ̀ mɔ̀kɔ, ndèŋgànɛ̀lɛ̀ hwàanà hwa eni hwa àŋgàmɛ̀nɛ̀yi lì lòkɛ̀ Yerzù Krirztò. Hwa àŋgàmɛ̀nɛ̀yi lì ohva hwègbèèlì hwe gbamù aŋga nanù tɔ̀ mòtò a rza tànɛ lì hwa hwɛlɛ nanù ema hwa hwèlì maniya tɔ̀ hwa hwèlì bùlubùlu.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Hibrù 11:31

Lìlòkɛ̀ lì ɔ̀ndi lì ma gbeyà ema e molanà wa àkpàlà ema à mà hwɛ̀lɛ̀hwɛ̀ Ràhàbì a rzi ŋwɛ ehvonda ema hwatò ema hwà mà hwɛnɛ maniya oma Lohwɛ̀ hwà mà ŋwe. Ène eyà e ma gbèyɛ̀nɛ nanù èhwanja mɔ̀ à mà hwɛ à mà loma lì emeyà hwaŋga hwatò ema hwà mà ja o jututa o lì inja e mbowà, o ndawò ya eni.

Hibrù 12:16

È àŋgàmɛ̀nɛ̀yi lì ɛnɛ nanù ema tɔ̀ mɔ̀kɔ wa anyu a rza hwɛnɛ lòŋgɛ la mòrzònje, ndèŋgàna e rzi gbeyà hweyà nàa hwatò ema hwa rza ohvɛ tɔ̀ eyà o lì gbeyà na Lohwɛ̀, nàa Èrzàwù à mà gbeye. Èrzàwù à mà àhwirzɛ̀ è wònjà ya eni nàa e molulu wa ŋmanà wa mùnyanà o nyòla lìhvurzu la mòlelì.

1 Pètrò 2:7

Lìni lìŋyàyi lì e hwɛnelì wòlìto inyɔ ema e mo lòkɛ̀yi, ndi hwatò ema hwa rza mo lòkɛ̀ lì gbèyi ndi nàa, “Lìnyàŋyi ema hwà-òŋgèlì hwà mà rzɔnjɛ̀lɛ̀, lì ɔndi lì ma jɛ̀ɛ̀ lìŋyàyi la wòlìto wo ndɛnɛ.”

1 Pètrò 3:20

Hweŋge hwèlìŋgɛ̀ hwe hwèlì ndi hwèlìŋgɛ̀ ema hwe rzi hweyàne Lohwɛ̀ natɛ̀ɛ na e kòòhwà. O e hvonda ema Lohwɛ̀ à mà hwa ŋgbe hvoka hvonda ema e wawi o lì hwɛmɛ wòhwe wo awu. O eŋge hvonda ema Nowà à mà hwɛ lì oŋga wɔ̀ɔ̀lɔ̀ wo ndɛnɛ. Hwàmbi ya hwatò mɛnɛ ndi hwà mà hwɛ o tenì ya woŋgo wɔ̀lɔ̀ wo ndɛnɛ. Hwà mà rzùŋgahwà ndi na malìhwa.

1 Pètrò 4:18

Nà oma e tìlahwì o kààtì ya Lohwà nanù ema, “È hwèlì tɛ nanù ema e ambi ema hwatò ema hwa tɛmi ehve-ehve hwa rzùŋgàhwè, nɛ rzɔ yo ò hwɛ̀ɛ na hwaŋga hwatò ema hwa gbeyà wòhwe na hwaŋga ema hwa rza lòkɛ̀ Lohwɛ̀ e?”

Judɛ 1:15

Mɔ̀ à ò kàyìrzɛ hwatò hwa arzɛ hwa è rze yà mɔ̀nyɛ̀. Hwàto hwa arzɛ ema ɛ̀ɛ̀mɛ̀ yà awu è rza enje nàa ɛ̀ɛ̀mɛ̀ yà hwatò hwa Lohwà mɔ̀ à hwa tùùlɛ̀ ŋmàŋgo, ndèŋgànɛlɛ à ò kɔ̀kìrzɛ̀ hwatò hwa wòhwe ema hwa rza oka Lohwɛ̀ wɔ̀ŋgɔ̀. À ò hwa kɔ̀kìrzɛ̀ ò nyòla hweyà hwe wòhwe ema wɔ̀ hwa ohwa ò lì mò tèŋgɛ̀nɛ̀.”

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.