1 Tìmotì 1:6 - Mokpwe: Bakwery (New Testament)

⁶ Lòŋgo la hwatò hwà mà rzɔ̀njɛlɛ hwene hweyà o eŋgànɛ̀lɛ̀ e ma hwa gbeyà ema hwà mà eŋgama èhwanja hwa ohwa ndi hweyà hwe ndɔ̀ki.

1 Tìmotì 1:6 Mawu Ofanana

Matiyò 18:12

Mamɛ inyɔ e lùteyà ema mòtò à gbeyà à hwɛnì tɛ ègbe yà mɛ̀lɛ̀ŋgù rzìi mɔ̀kɔ mò wɔ̀ɔ̀ e? À rza ò lìya menìlùùwà nà lùùwà ema mè lèeyà ò mòòlì rzìi à ɛ̀ndɛ lì arza è mɔ̀ ema mò wɔ̀ e?

1 Tìmotì 5:15

Imba na ohwa ene eyà nanù èhwanja lòŋgo la mene mekurze me hwalana wɔ̀ hwà mà wòteyà lì gbèeyà hweyà ema mòkarzɛ̀ a arza nanù ema hwa gbeye.

2 Tìmotì 2:18

Wɔ̀ hwà mà hwɛmɛ lìlòkɛ̀ la jɔ̀kɛ̀ ndèŋgàna hwa hwèlì hwa okolɛ nanù ema irzɔ ema i lòkɛ̀yi, Lohwɛ̀ à mà màa lì jo hvùmùlɛ̀. Ini nyayi ja hwèyòkòlèlì hwe hvàŋga lìlòkɛ̀ la loŋgo la hwatò.

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

Tàyìtùrzì 1:10

Nà ohwa ndi ene eyà nanù ehwànja, rzayi-rzayi ja hwatò hwa rzɔ̀rzɔ̀ o lì ika lìkànèyà la ama hwàtimbèlì wa ŋmèmba. Hwanu hwatò hwa okolɛ hwahvɛhvɛ hwatò na e mbɔrzi ema e rza ohvɛ janda ndèŋgànɛ̀lɛ̀ hwa lukɛlɛ hwatò. Rzayi-rzayi ja hwanu hwatò ema hwa okolɛ ene nyàyi ya hwèyòkòlèlì, hwa hwèlì ndi hwatò ema hwa hwèlì o eŋge ehvehva ema e ohwa nanù ema, hwa àŋgàmɛ̀nɛ̀ o lì endà hwatò.

Tàyìtùrzì 3:9

Ndi inyɔ e rza alɛ̀mbɛ̀nɛ hvenda ya èetì, o lì ohwa nɛ inyɔ̀ŋgɔ̀nì i ma wòteyà. È rzɔ̀njɛlɛ ihvenda, na metàŋgo lì hvomɛ̀nɛ̀ e mbenda ya wònyà Yudà. È rza akakumɛnɛ hwene hweyà ehwànja, hwe hwèlì ŋgandì ndeŋgànɛlɛ hwe rza ohvi tɔ̀ mɔ̀rzɛ̀ŋgi.