1 Tìmotì 1:3 - Mokpwe: Bakwery (New Testament)

³ Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

1 Tìmotì 1:3 Mawu Ofanana

Hwègbèèlì 18:19

Hwà mà uka ò mbòwà ndɛnɛ ya Ɛ̀hvɛ̀rzɔ̀rzì. Nà òma hwà mà uke aŋga Pàwolò à mà lìiya Prìrzìlà na Akwìlà, rzìi a ɛ̀ndɛ ò ndawò ya màkanɛ̀ ya wònyà Yudà ò lì kòhwa na wònyà Yudà.

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

Ròmànì 16:17

Ìi wònyamòwè kòkò, nà è kòkòwɛ̀lɛ̀ nanù ema, è aŋgòhweya hwaŋga hwatò ema hwa jànà yùnànelì ò ìtììtènì ja anyu nà lì eŋgìrzɛ̀ hvɛ hwahvɛhvɛ hwatò. Wɔ̀ hwa teŋgɛ̀nɛ̀yi hwèyòkòlèlì ema è ma luwɛ. È rzi keka lì hwa òŋgama.

2 Kɔ̀rintìyà 11:4

Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Hvìlipìyà 2:24

Nà lòkɛ̀yì nanù ema e Rzàŋgo e o emeyà nanù ema imba hvɛ na o ehvɛhvɛ ŋmanà mbɔ.

1 Tìmotì 4:11

O keke o gbèyi nanù o òhweyà na lì okolɛ hwatò ema hwa lòkɛ̀yì hwene hweyà.

1 Tìmotì 4:6

O òkolɛ tɛ hwatò ema hwa lòkɛ̀ Yerzù hwene hweyà, e hwɛ ndi nanù ema o hwɛ ndi mògbèèlì hwa gbamù hwa ama Yerzù Krirztò. O ètìrzɛ̀hwɛ o èlìŋgɛ̀ èhwanja o ŋmɛ̀ndì ema o lòkɛ̀yi, ndeŋgànɛ̀lɛ̀ hvɛ hwèyòkòwèlì hwe ama Lohwɛ̀ ema o nɔ̀ŋgɔ.

1 Tìmotì 5:7

O òhweyà hwatò hwa ŋmèmba hwene hweyà aŋga nanù tɔ̀ mòtò a rza tànɛyi lì ohwa tɔ̀ eyà ya wòhwe lì hwa teŋgɛ̀nɛ.

1 Tìmotì 6:10

Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.

1 Tìmotì 6:17

O kòkòwɛ̀lɛ̀ hwaŋga hwatò ema hwa nàmì kɔ̀yi-kɔ̀yi nanù ema hwa rzi a ekirzɛ o lì kumba ìŋgèŋgè, ndèŋgàna hwa rzi ika mèèmà me awu o mònàmɛ̀ mo awu ema mo kuwa, ndi hwa ika ndi mèèmà me awu o ma Lohwɛ̀. Mɔ̀ ndi à hwèlì e mɔ̀ ema a jo ŋgba hwèèmà hwe arzɛ ema ja arza aŋga nanù jo òka mɔ̀nyɛ̀ŋgì.

1 Tìmotì 6:3

O hwèlì loŋgo la hwatò ema hwa okolɛ hwèyòkòlèlì ema hwe rza hvomɛ̀nɛ̀. Hwèyòkolelì hwe awu hwe rza enje nyayi hvɔ̀kɔ na hwèyòkòlèlì hwe ama e Rzàŋgo ya arzu Yerzù Krirztò ema hwe okolɛ hwatò ò lì gbeyà na oma Lohwɛ̀ a àrzeyà.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Yòwanìrzɛ̀ 1:7

Hwàlùkèlì rzayì-rzayì hwa mà kpèeyà ò rze, hwatò ema hwa rza emeyà nanù ema Yerzù Krirztò à mà ŋyàahwa ò rze nàa mòtò wà hwènàmà. Tɔ̀ ima mòtò wà nanù à hwèlì ndi molùkelì ndèŋgàna è mɔ̀kɔ̀yèlì wà ama Krirztò.

Hwèwulùwèlì 2:14

Ndi nà ohvi ŋgùrzù jà hweyà ò lì è teŋgɛ̀nɛ̀. È òhvi hwatò ò ìtììtènì jà anyu ema hwa oŋgama hwèyòkòlèlì hwe ama Bàlàamì. Bàlàamì mɔ̀ ndi à mà uŋmɛ̀lɛ̀ Bàlàkì ò lì timba la wònyà Irzàyɛ̀lì ò lì gbeyà wòhwe nà oma à mà lèè mòlelì ema mò mà ŋgbàhwɛ mahvɛhvɛ mohwà nàa jàhwèyà. À mà gbeyà hwa mà hwɛ lì gbeyà hweyà hwe mòrzònje.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.