1 Tìmotì 1:20 - Mokpwe: Bakwery (New Testament)

²⁰ Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.

1 Tìmotì 1:20 Mawu Ofanana

Matiyò 18:17

A rzi imanɛlɛ tɛ mamɛ ema imbòŋgi jò òhwi, ò mò ɛ̀ndɛnɛ ò mìitelì, a rza emelì hvɛ tɛ lì hweyàna e hwaa mìitelì ò mò wòwe nàa mɔ̀kɔ ema a rza lòkɛ̀yì tɔ̀ e mòrzaŋgelì wa e njàŋge ya lìkànèyà.

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 19:33

Lòŋgò la hwatò hwà mà kulɛ ndi nanù ema, Alɛ̀rzàndrìyà ndi à mà hwɛnɛ e njɔ̀mì. Kanatɛ mɔndi hwatò hwa wònyà Yudà hwà mà òme ò lì hvuŋgana. Alɛ̀rzàndrìyà rzi a karzɛ lìya la eni ò ŋmanyu ò lì arza lì òhwa eyà ò lì arzùŋgɛ̀ ò marzò ma hwaŋga hwatò.

1 Kɔ̀rintìyà 11:32

Ndi i kàyìrzɛ̀hwɛ tɛ na lì kɔ̀kìrzɛ̀hwɛ̀ na e Rzàŋgo, i rza kɔ̀kìrzɛ̀hwɛ̀ na ene rze.

2 Kɔ̀rintìyà 10:6

È hvonda ema e o gbeyɛ na oma Krirztò a arza nanù ema e gbeye na mèèmà me anyu me arzɛ, o eŋge hvonda ɔ̀ndi irzɔ jo ò rzekeya o lì kɔ̀kìrzɛ̀ tɔ̀ ima mòtò ema awuŋmɛ̀lɛ̀ nanù ema mɔ̀ à rza o gbeyà na oma Krirztò a arza nanù ema a gbeye.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Tɛ̀rzàlonìyà 3:15

Ndi e rzi mo wowa nàa mɔ̀kɔ̀yèlì. Ndi nàa ŋmanyàŋgò wa anyu mɔ̀kɔ wa ama Krirztò e mo kòkòwɛ̀lɛ̀ o lì wowa hvonda.

1 Tìmotì 5:15

Imba na ohwa ene eyà nanù èhwanja lòŋgo la mene mekurze me hwalana wɔ̀ hwà mà wòteyà lì gbèeyà hweyà ema mòkarzɛ̀ a arza nanù ema hwa gbeye.

2 Tìmotì 2:14

O hwɛ ndi o lì ɔ̀ŋgɛ̀lɛ̀nɛ hwaŋga hwatò ema hwa lòkɛ̀ hwene hweyà, o hwa kòkòwɛ̀lɛ̀ o worzo hwa ama Lohwɛ̀ nanù ema, hwa rza akanjɛnɛ mɔ̀kɔ na ɔ̀nɛyi lì hvomɛ̀nɛ̀ eyà ya Lohwà. Ène nyayi ya hvenda e rza oŋgowàna, ndi e hvàŋga lìlòkɛ̀ la hwaŋga ema hwa e òkànèyà.

2 Tìmotì 2:17

Lòŋgo là hwatò ema hwa ohwa iŋgi tumba ja mbɔrzi i hwèlì ndi Hàmɛ̀nùrzi nà Hvìlɛ̀tùrzì. Jòòhwì ja awu i hwèlì ndi nàa lìrziyɛyi ema lì rza kuwa lì laa mòtò o tenì.

2 Tìmotì 3:2

O eŋge hvonda o hwɛ hwatò hwa ikuka, hwatò ema hwa lìŋgàni wolì, hwaŋga ema hwa ayèkirzɛ̀, hwaŋga ema hwa hwɛnyɛnɛ, hwaŋga ema hwa rza hweyàna irzàŋgo na inyàŋgo ja awu, hwaŋga ema hwa rza ekɛnɛ na hwatò ema hwa rza gbeyà mamɛ ema Lohwɛ̀ a arza nanù ema hwa gbeye.

Hibrù 12:5

È rzi hvoŋga e mbɔrzi ema Lohwɛ̀ à mà gbeyàne o lì ètìrzɛ̀ mèèmà me anyu na oma a me hwɛlɛ nanù ema hwàanà hwa eni. A ma ohwa nanù ema, “È ŋmanà wa ami, Lohwɛ̀ a o lomèlì tɛ o wòhwe ema o gbèyi, o rzi kpa ŋmèma a o lomèlì tɛ.

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.

Hwèwulùwèlì 3:19

Nà kanja na lì kɔ̀kìrzɛ̀ hwaŋga ema na lìŋgàni. O eŋgànɛlɛ rzɔ̀ e hwɛnɛ e nyɔ̀ŋgi o lì ayèŋgowɛ̀ o wòhwe wo anyu.