1 Tìmotì 1:16 - Mokpwe: Bakwery (New Testament)

¹⁶ Ndi Lohwɛ̀ à mà nò òkeya ììlì ò lì arza nanù ema, Yerzù Krirztò à ò nò uŋmɛ̀lɛ̀ lì àjùùlɛ̀ là eni là arzɛ ò lì nò làkìrzɛ̀ imba ema nà ohvi wòhwe ema wò koki lì aka wòhwe wò hwànɛ̀yì hwatò. Ène eyà, è mà hwɛ ndi nanù ò lì ŋgba ɛ̀mɛ̀nɛ̀nì ò hwatò ema hwa ò mò lòkɛ̀ nà lì lùwa lòŋgɛ là gbìndèyà.

1 Tìmotì 1:16 Mawu Ofanana

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 23:43

Yerzù, rzìi a tìmbirzɛlɛlɛ nanù ema, “Nà ò òhweyà è jɔ̀kɛ̀ ema, yàwònò ò hwɛ nà ìmba ò pàlàdìrzì.”

Lukàrzɛ̀ 7:47

O lì òhwà la jɔ̀kɛ̀, è ndìŋgɛ ema ò nò mòlanà a nò uŋmɛ̀lɛ̀, e mò jànelì lì làkìrzɛ̀nɛ̀ la wòhwe wa eni wa àrzɛ. Tɔ̀ njɛnɛ ema a lù lìlàkìrzɛ̀nɛ̀ lìrzàlì a uŋmɛ̀lɛ̀ hvɛ ndi ndìŋgɛ rzàlì.”

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 3:36

Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 6:54

Ndi tɔ̀ njɛnɛ ema a lelì e nyàmà nyò ya ami rzi a nyɔ hvɛ màyija ma ami a ò luwa lòŋgɛ la gbìndèyà ndèŋgàna na hvùmùlɛ̀ òŋgò mòtò ò wùnyà wò lìrzukù.

Hwègbèèlì 13:39

Ndeŋgànɛ̀lɛ̀ inyɔ e hwiye nanù ema, tɔ̀ ima mòtò ema a mò lòkɛ̀yi Lohwɛ̀ a mò emeyà ò wòrzò wò eni nàa mòtò ema a hwèlì ehve-ehve. Imbenda ja ama Mòrzè i rzi tanɛyi lì mò gbeyà nanù ema Lohwɛ̀ a mò emeyà.

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

2 Kɔ̀rintìyà 4:1

Ìilì ja ama Lohwɛ̀ jɔ ndi i gbèyi ema jo òhwe mono ŋmɛ̀ndì o èŋgànɛ̀lɛ̀ i rza kpa mèèmà.

Ɛ̀hvìrzìyà 1:12

À mà gbeyà ndi nanù, aŋga nanù irzɔ ema i mà lòmɛ lì ika lìhvìta là arzu ò mà Yerzù Krirztò, jò ò ohva ɛ̀ɛ̀mɛ̀ ema è ò gbeyɛ hwahvɛhvɛ hwatò ò lì mò eka èhwanja ò è ŋginyà yà eni ndɛnɛ.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

1 Pètrò 3:20

Hweŋge hwèlìŋgɛ̀ hwe hwèlì ndi hwèlìŋgɛ̀ ema hwe rzi hweyàne Lohwɛ̀ natɛ̀ɛ na e kòòhwà. O e hvonda ema Lohwɛ̀ à mà hwa ŋgbe hvoka hvonda ema e wawi o lì hwɛmɛ wòhwe wo awu. O eŋge hvonda ema Nowà à mà hwɛ lì oŋga wɔ̀ɔ̀lɔ̀ wo ndɛnɛ. Hwàmbi ya hwatò mɛnɛ ndi hwà mà hwɛ o tenì ya woŋgo wɔ̀lɔ̀ wo ndɛnɛ. Hwà mà rzùŋgahwà ndi na malìhwa.

2 Pètrò 3:15

Inyɛ̀ e hwiye nanù ema na oma e Rzàŋgo e hvàŋga hvonda o lì jà, e hwèlì ndi nanù ema inyɛ mɔ̀ à ŋgbe hwatò e hvonda o lì luwa lì rzùŋgàhwa. Nànù ndi Pàwolò mɔ̀ hvɛ à mà gbeyàne lìhwiyè ema Lohwɛ̀ à mà mo ŋgbe o lì e tìleya e kààti.

2 Pètrò 3:9

È Rzàŋgo e rza ɛndɛ ndi hviyayi, o lì gbeyà mamɛ ema mɔ̀ à kàkɛ̀nɛyi. Lòŋgo la hwatò hwa ɔ̀ŋgɛlɛ nanù ema mɔ̀ à hwèlì hviyàyi. Ndi à mà e àjùlɛ̀nɛ̀ ehwànja mɔ̀ à rza arza nanù ema tɔ̀ mòtò tɔ̀ mɔ̀kɔ a wɔ̀lɛnɛ lòŋgɛ la eni. A arza nanù ema hwatò hwa arzɛ hwa tikowe o wòhwe hwa awu.