1 Tɛ̀rzàlonìyà 4:1 - Mokpwe: Bakwery (New Testament)

¹ Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

1 Tɛ̀rzàlonìyà 4:1 Mawu Ofanana

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Hwègbèèlì 20:27

Èhwànja ò rza enje tɔ̀ eyà ema imba na kiyi lì e òhweyà lì hvòmɛ̀nɛ̀ hweyà hwe arzɛ ema Lohwɛ̀ a kimi lì gbeyà.

Ròmànì 8:8

Èŋge ŋgàna e uŋmɛ̀lɛ̀ ndi nanù ema, hwaŋga hwatò ema hwa òŋgama ndi hweyàrzèlì hwe e nyàmà ya nyò, hwa rza tànɛyi lì òkirzɛ Lohwɛ̀ mɔ̀nyɛ̀ŋgì.

1 Kɔ̀rintìyà 11:23

Nà ma loma lì e akɛlɛlɛ hwèyòkòwèlì ema nà mà lùwànè Rzàŋgo. O wòŋgo wùù ema Rzàŋgo Yerzù à mà àhwirzɛ̀hwɛ̀, à mà wowa ehvòòto yɔ̀kɔ.

1 Kɔ̀rintìyà 15:1

Ìi hwa ŋmanyàŋgò hwa ami na indomɛ̀ ja ami, na arza lì e ɔ̀ŋgɛ̀lɛ̀nɛ̀ o Ŋmɛ̀ndì mò Gbamù ema, nà mà e ohweyà. Inyɔ ema mo àyimànɛ̀lɛ̀, o nyòla mòŋgo ŋmɛ̀ndì ɔ̀ndeŋgàtɛ̀ malòkɛ̀ ma anyu ma imbami.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 5:9

O èŋgànɛ̀lɛ̀ rzɔ, mèèmà me arzu me arzɛ me hwɛni ndi lì hwɛ o lì lìŋgirzɛ Yerzù o mamɛ ya arzɛ ema i gbeyà, ŋga i hwɛ o nyàmà ya nyo tɔ̀ i rzi hwɛ.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Ɛ̀hvìrzìyà 4:20

Ndi e hvonda ema hwà mà o òkolɛ lì hvomɛ̀nɛ̀ Krirztò, rzeketɛ ene tumba lòŋgɛ ɔ̀ndi hwà mà e ohweyà nanù ema e hwɛni lì hwɛnɛ.

Ɛ̀hvìrzìyà 5:17

O èŋgànɛ̀lɛ̀ rzɔ è rzì hwɛ nàa hwèeti hwe hwatò. È àŋgàmɛ̀nɛ̀ ndi lì rzɔ̀ŋgìtɛ̀nɛ̀ eyà ema e Rzàŋgo e arzà nanù ema e gbèyè ndèŋgàna ye e gbeyà.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 1:9

Nà kanɛ̀ nanù ema, è ndiŋgɛ ema e ohvani Lohwɛ̀ ndèŋgànɛ̀lɛ̀ e yɔ ema e àwòhvànɛ̀lɛ̀yi mɔ̀kɔ na ɔnɛyi e ɛndɛ ndi o worzo nanù mɛnɛ. Ndeŋgànɛ̀lɛ̀ nà kànɛ hvɛ nanù ema inyɛ e hwiye hweyà hwe ama Lohwɛ̀, ndèŋgànɛ̀lɛ̀ e rzɔ̀ŋgìtɛ̀nɛ̀ o lì kakohwa hweyà ema hwe lɔ̀wu na e hweyɔ ema hwe rza lɔ̀wu.

Hvìlipìyà 3:14

Nà hwèlì ndi lì taka o lì ɛndɛ o worzo natɛ̀ɛ na uka èki ema na àŋgàmɛ̀nɛ̀yi lì rzuweya aŋga nanù na luwa etaŋgi ema Lohwɛ̀ à mà no uteya o ŋmanyu yà lohwà. Mɔ̀ à mà no hwɛlɛ nanù ema na ɛndɛ o ŋmanyu yà lohwà lì akeyà na Yerzù Krirztò.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

Kòlòrzìyà 2:6

Kànàtɛ inyɔ e ma emeyà Yerzù Krirztò nàa e Rzàŋgo ya anyu, e hwɛ ndi o lì gbeyà hweyà na oma mɔ̀ à arza nanù ema e gbeye.

1 Tɛ̀rzàlonìyà 3:12

I kànɛ nanù ema, inyɛ e Rzàŋgo e gbeye e ndìŋgɛ ema e ahwɛnɛnɛ mɔ̀kɔ na ɔ̀nɛyi na o hwatò hwa arzɛ e ahwàtɛ na lì hvuhva nyayi hvɔ̀kɔ hvɛ na oma e ndìŋgɛ ya arzu ema je e hwɛnelì yɔ hvɛ e ahwàtɛ.

1 Tɛ̀rzàlonìyà 4:2

Èhwànja inyɔ e ma màa lì hwiya mamɛ Rzàŋgo Yerzù à mà jo kànèyà nanù ema je e okolɛ.

1 Tɛ̀rzàlonìyà 5:12

Ìmbunda ja arzu kòkò, je e rzorzomeya o lì ŋgba hwaŋga hwatò ema hwa e oŋgowàna èluhwe rzayi-rzayi. Wɔ̀ ndi hwa e timbaa, na o lì e okòlɛ nɛ mòŋgɛ ma anyu ma aŋgàmɛnɛ lì hwɛ nàa hwatò hwa ama Krirztò.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

2 Tɛ̀rzàlonìyà 2:1

Ìi wònyàmòwe kòkò, o nàŋgɛ nanù je e tìleya o lì hvomɛ̀nɛ̀ etimbàko ya hwejèelì hwe ama Rzàŋgo wa arzu Yerzù Krirztò, ndèŋgànɛlɛ na oma irzɔ̀ jo ò hwɛ̀ɛ mòndeŋgè na mɔ̀. Nà e rzorzomeya nanù ema,

2 Tɛ̀rzàlonìyà 3:1

Ìi wònyàmòwe o lì hvomɛ̀nɛ̀ hwehvɛhvɛ hweyà, imba na e ohweyà nanù ema e hwɛ ndi o lì jo kànɛlɛlɛ nanù mɛnɛ ema, ŋmɛ̀ndì mò gbamù mò ama Rzàŋgo mò hwɛ ndi o lì nyàleya hwahvɛhvɛ hwatò, ndèŋgànɛ̀lɛ̀ inyɛ hwatò hwa mo emeyà na èluhwe nyayi hvɔ̀kɔ na oma mo ma hwɛ na inyɔ.

2 Tɛ̀rzàlonìyà 3:13

Ndi inyɔ wònyàmòwe kòkò, e rza hwɛni lì ɔ̀tɔ̀ o lì gbeyà hweyà hwe gbamù.

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

Hibrù 11:6

Mòtò a rza ohvi tɛ lìlòkɛ̀ a rza tànɛyi a òkìrzɛ̀ Lohwɛ̀ mɔ̀nyɛ̀ŋgì. Èhwanja tɔ̀ njɛnɛ ema a arza o lì jà o lì kombɛnɛ Lohwɛ̀ a àŋgàmɛ̀nɛ̀yi lìlòkɛ̀ nanù ema Lohwɛ̀ a hwèlì. Ndèŋgana a lòkɛ̀ nanù ema Lohwɛ̀ a taŋgeya hwatò ema hwa arza lì mo nɔ̀ŋgɔ o mburza.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.

Hibrù 13:22

Ìi wònyànyàŋgo hwa ami, na e atɛkɛyi nanù ema, e òkànèyà manù màyòwà kɔ̀yi-kɔ̀yi. Ène kààtì ema na e tìleya e rza wahwi.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.