1 Tɛ̀rzàlonìyà 3:3 - Mokpwe: Bakwery (New Testament)

³ Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.

1 Tɛ̀rzàlonìyà 3:3 Mawu Ofanana

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Hwègbèèlì 2:25

Kìŋgɛ̀ Dàhwitì à mà òhwa ò lì mò hvòmɛ̀nɛ̀ nanù ema, ‘Nà mà hwɛ lì ɛnɛ Rzàŋgò ò wòrzò wa ami i hvònda jà àrzɛ̀. Nà rza unda ŋgèŋgè èhwanja à hwèlì ò lìiya la ami la mòme.

Hwègbèèlì 21:11

Nà òma à mà jèe lì jò uŋmànɛlɛ, a wòwa e ŋgòlì ya ama Pàwolò, rzi a e kakana màa na meende me eni, rzi a òhwa nanù ema, “Èlìŋgɛ̀ ya wòtani e òhwi nanù ema e mòhwɛnɛ wa ene ŋgòlì, a ò kakahwa na wònyà Yudà ò Jèrurzalɛ̀mù, rzi hwa mò akɛlɛlɛ hwaŋga hwatò ema hwa rza enje wònyà Yudà.”

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ròmànì 5:3

Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

1 Kɔ̀rintìyà 4:9

Ène eyà yɔ ndi Lohwɛ̀ a jo ŋgbelì irzɔ I àpɔ̀rzìtòlò o lì hwɛ nàa hwatò ema i rza ohvɛ wòlìtò. I hwèlì ndi nàa hwatò ema hwa akɛ̀lɛ̀hwɛ̀yì e mbako nanù ema hwa ŋwa o ewòkà. Nà ohwa ndi ene eyà nanù, èhwanja hwatò hwa arzɛ nà i aŋgèlì hwa jò inja ò lì ɔ̀ŋgɔ mamɛ è ò jò gbèyɛ̀nɛ.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Hvìlipìyà 1:28

È rzi keka lì oka hwaŋga hwatò ema hwa e teŋgɛ̀nɛ̀ wɔ̀ŋgɔ̀. Inyɛ̀ ètìrzɛ̀ mèèmà me anyu o ihvonda ja arzɛ. Ène eyà e o uŋmɛ̀lɛ̀ nanù ema, wɔ̀ hwa rza o luwa lìrzùŋgàhwa ndi inyɔ e o lì luwa. Lohwɛ̀ ndi à rzekelì hwene hweyà hwe arzɛ.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

1 Tɛ̀rzàlonìyà 5:9

Lohwɛ̀ à mà tɛ̀yirzɛ nanù ema a jo rzùŋgà o lì akeyà na Rzàŋgo wa arzu Yerzù Krirztò. A rzi jo tɛ̀yirzɛ nanù ema hwètàtò wa eni hwe o jo rzihweyà.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.