1 Tɛ̀rzàlonìyà 2:7 - Mokpwe: Bakwery (New Testament)

⁷ Tɔ̀ nɛ irzɔ̀ nàa i àpɔ̀rzìtòlò ja ama Krirztò, i ma hwɛnɛ e wònja o lì e hwànirzɛ muna, ndi i rzi gbeye nanù. Ndi i ma arzihwirzɛ o ìtììtènì ja anyu nàa e nyàŋgo ya hwàna e aŋgoweya hwàanà hwa eni.

1 Tɛ̀rzàlonìyà 2:7 Mawu Ofanana

Hwègbèèlì 13:18

Eyà ya mènìmènìi me meya mɔ̀ à mà kàkànà hwègbèèlì hwe awu ŋmèma ò tenì ya mòrzànjɛ.

1 Kɔ̀rintìyà 2:3

Nà mà hwɛ̀ nà inyɔ ò e mbowà ya anyu ndɛɛ̀ndɛ nà rzi tanɛ o lì gbeyà ene èwòlò, èhwanja ŋmèmà mà ami mo ma tumeya na wɔ̀ŋgɔ̀.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 13:4

È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

1 Tɛ̀rzàlonìyà 2:11

Inyɔ e hwi nanù ema i ma e aŋgoweya gbamù na oma e rzàŋgo e aŋgoweya hwàanà hwa eni.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.