1 Tɛ̀rzàlonìyà 1:6 - Mokpwe: Bakwery (New Testament)

⁶ Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

1 Tɛ̀rzàlonìyà 1:6 Mawu Ofanana

Matiyò 16:24

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Hwègbèèlì 13:52

Hwàtò ema hwà mà lòkɛ̀ Yerzù ò mbòwa ya Antìyɔ̀kì hwà mà ònda na mɔ̀nyɛ̀ŋgì na Èlìŋgɛ̀ yà Wòtani.

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

1 Kɔ̀rintìyà 11:1

Imba Pàwolò na ohwi nanù ema e no wowe nàa èèmbanelì na oma imba hvɛ na nɔ̀ŋgɔ hwèèmbanelì hwe ama Krirztò.

1 Kɔ̀rintìyà 11:2

I wònyàmowe, imba na e èki rzayì-rzayì nanù ema inyɔ e no ika o màlùtèyà ma anyu i hvonda ja arzɛ rzìi e nɔ̀ŋgɔ hvɛ hwèyòkòwèlì hwe ama Krirztò na oma imba hvɛ nà mà e okolɛ̀.

1 Kɔ̀rintìyà 4:16

O èŋgànɛ̀lɛ̀ rzɔ na e kɔ̀mɛ̀lɛ̀ nanù ema e gbeye hweyà ema imba na gbeyà.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

2 Kɔ̀rintìyà 8:5

Hwà mà gbeyà lì aka na oma i ma ɔ̀ŋgɛ̀lɛ̀. Hwà mà loma lì ŋgbà mòŋgɛ ma awu oma Rzàŋgo. O mburzà hvonda hvɛ hwà mà ŋgbà mòŋgɛ màa awu o màa marzu na oma Lohwɛ̀ à mà hwa arzane nanù ema hwa gbeye.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Ɛ̀hvìrzìyà 5:1

Ɛ̀ɛmɛ̀ ya anyu e hwɛni ndi lì hwɛ nàa e ya ama Lohwɛ̀ èhwanja e hwèlì ndi hwàanà hwa eni ema mɔ̀ à lìŋgàni rzayi-rzayi.

Hvìlipìyà 3:17

Ìi wònyàmòwe kòkò, inyɛ e late e oŋgame màtaŋgà mà ami nanù mɛnɛ, ndèŋgànɛ̀lɛ̀ inyɔ e injàneyà hwatò ema hwa gbeyà na oma inyɔ e ma ɛnɛ na oma irzɔ i gbeyà.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.

2 Tɛ̀rzàlonìyà 3:7

Èhwànja inyɔ hwiti e hwi nanù ema e àŋgàmɛ̀nɛ̀yi lì jo embàneyà. I rzi hwɛ rzìŋga e hvonda ema i ma hwɛ na inyɔ.

2 Tɛ̀rzàlonìyà 3:9

I ma gbeyà nanù rzeketɛ ema i rzi hwɛnɛ wònjà o lì e ohweyà nanù ema e jo òŋgòwànè. Ndi i ma hwɛ lì gbeyà nanù aŋga nanù tɔ̀ ima lìtumba la eyà ema i gbèeyà, e o hwɛ ndi nàa embànelì ema inyɔ hvɛ e aŋgàmɛnɛ lì oŋgama.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Hibrù 10:34

Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

1 Pètrò 1:6

Ène eyà ye e jàneya màlìŋgo rzayi-rzayi, tɔ̀ nɛ o ŋmanà hvoka hvonda inyɔ e hwɛni lì luwa nyayi na nyayi ja màkèkìrzɛnɛ.

1 Pètrò 1:8

Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.

1 Pètrò 3:13

Njɛnɛ a tànɛyi o lì e hvàŋga e hwèlì tɛ nanù ema e hwɛni mèèmà me lì gbeyà hweyà hwe gbamù e?

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.