1 Tɛ̀rzàlonìyà 1:10 - Mokpwe: Bakwery (New Testament)

¹⁰ Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

1 Tɛ̀rzàlonìyà 1:10 Mawu Ofanana

Matiyò 1:21

À ò ŋya ŋmanà wà mùnyanà, o ò mò kpɛ̀ ndi lìinà Yerzù, èhwanja à ò òŋgirzɛ hwatò wà eni ò wòhwe wò awu.”

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Lukàrzɛ̀ 2:25

O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.

Lukàrzɛ̀ 3:7

Yòwanìrzɛ̀ à mà ijòwa è ŋgìndì ema è ma jà ema a hwa lùhwìrzɛ̀ nanù ema, “Inyɔ hvèyi! Njɛnɛ à è kòkòwɛ̀lɛ̀ nanù ema e hwaŋgè è kɔ̀kìrzɛ̀ yà ama Lohwɛ̀ ema e jà e?

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

Hwègbèèlì 17:31

Èhwanja mɔ̀ à mà rzekeya wùnyà nanù ema mɔ̀ à ò kàyìrzɛ̀ e rze ya arzɛ na hwèkàyìrzèlèlì hwe ehve-ehve. A ma hvɔ̀rzɔ̀ e mòtò ema a kàyìrzɛ mòŋgò ŋmàŋgò. Ndeŋgànɛ̀lɛ̀ mɔ̀ à mà uŋmɛ̀lɛ̀ hwatò hwa arzɛ nanù ema òŋgò mòtò a lòŋgamɛnɛyi na òma à mà mò hvùmùlɛ̀ ò kpelì.”

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Hwègbèèlì 3:21

Yerzù a lòma lì lìya hvɔni ò ŋmanyu yà lohwà natɛ̀ɛ e hvònda e ɔlɛ ema Lohwɛ̀ a tikòwa hweyà hwe arzɛ rzi hwe timba hwe hvènya. Nànù ndi Lohwɛ̀ à mà gbeye natɛ̀ɛ na e kòhwa nanù ema hwà-òhwèlì hwa hwèlìŋgɛ̀ hwa Wòtani hwa òhweyà hwatò.

Hwègbèèlì 4:10

inyɔ hwatò hwa arzɛ hwa Irzàyɛ̀lì e hwiye rzɔ ndi nanù ema, ònò mòtò ema a e tɛmelì ò wòrzò à mà wɔ̀wìrzɛ̀hwɛ ndi na e ŋginyà ema e hwèlì ò lìna la ama Yerzù Krirztò, mòtò wa Nàrzàrɛ̀tì. È ma wòmeyà ò mbarza, ndi Lohwɛ̀ à mà mò hvùmùlɛ ò kpelì.

Ròmànì 1:4

O hwehwɛ̀ɛlì hwe èlìŋgɛ̀, Lohwɛ̀ à mà uŋmɛ̀lɛ̀ ò lì akeyà nà màyìmbì ma Èlìŋgɛ̀ yà Wòtani nanù ema mɔ̀ à hwèlì ndi è Ŋmanà wà ama Lohwɛ̀, na òma à mà mò hvùmùlɛ ò kpelì. Oŋgò Ŋmanà a hwèlì ndi Rzàŋgò wa arzu Yerzù Krirztò.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 4:25

O nyòla wòhwe wò arzu ɔ̀ndeŋgàtɛ̀ Lohwɛ̀ à mà ŋgba Krirztò ema a jò ŋwèeyà. A ma hvùmùlɛhwɛ ò kpelì, aŋga nanù a jò tɛmìrzɛ ehve-ehve na Lohwɛ̀.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

1 Kɔ̀rintìyà 1:7

Ène ŋgàna ò eŋgànɛ̀lɛ̀, è rzi hvondi lì lùwa tɔ̀ mònàmɛ̀ tɔ̀ mɔ̀kɔ nà omà è ambɛ̀lɛ̀lɛ̀ nanù ema, Rzàŋgo wà arzu Yerzù Krirztò à awùlùhwɛ mɔ̀ ŋmìti.

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

Hvìlipìyà 3:20

Ndi o irzɔ, i hwèlì ndi hwatò ema e mbowà ya awu e hwe ndi o ŋmanyu yà lohwà. Ndeŋgànɛ̀lɛ̀ ja ambɛlɛlɛ e Mòrzùŋgèlì hwa arzu, Rzàŋgo Yerzù Krirztò nanù ema mɔ̀ à anjiye o ŋmanyu yà lohwà a timbe o rze ya mɔ̀nyɛ̀.

Kòlòrzìyà 1:18

Mɔ̀ ndi à hwèlì mòòhvò mò hwatò ema hwa mò lòkɛ̀yì, ndèŋgànɛlɛ wɔ̀ hwa hwèlì ndi nàa è nyo yà eni. Mɔ̀ ndi à ŋgba hwaŋga hwatò lòŋgɛ ehwànja mɔ̀ ndi à hwèlì è mòtò wà worzo ema Lohwɛ̀ à hvùmùlɛ̀yi ò kpelì, ndèŋganɛlɛ ema mɔ̀ ndi à ò hwɛ natɛ̀ɛ nà ò gbìndèyà. Ène eyà è mà gbèyɛ̀nɛ̀ ndi nanù aŋga nanù mɔ̀ à hwɛ ò lì kànèyà hweyà hwe arzɛ.

1 Tɛ̀rzàlonìyà 1:7

Ò eŋgànɛ̀lɛ̀ rzɔ ɛ̀ɛ̀mɛ̀ yà anyu è mà hwɛ ndi nàa embànelì ò ìtììtènì jà hwatò ema hwa lòkɛ̀yi, ema hwa hwèlì ò erzòòkà yà Màrzèdonìyà nà Àkayiyà.

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

1 Tɛ̀rzàlonìyà 2:7

Tɔ̀ nɛ irzɔ̀ nàa i àpɔ̀rzìtòlò ja ama Krirztò, i ma hwɛnɛ e wònja o lì e hwànirzɛ muna, ndi i rzi gbeye nanù. Ndi i ma arzihwirzɛ o ìtììtènì ja anyu nàa e nyàŋgo ya hwàna e aŋgoweya hwàanà hwa eni.

1 Tɛ̀rzàlonìyà 5:9

Lohwɛ̀ à mà tɛ̀yirzɛ nanù ema a jo rzùŋgà o lì akeyà na Rzàŋgo wa arzu Yerzù Krirztò. A rzi jo tɛ̀yirzɛ nanù ema hwètàtò wa eni hwe o jo rzihweyà.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 10:27

Ndi mòtò a lìmelì tɛ o lì gbeyà wòhwe, nanù oma wɔ̀ɔŋgɔ̀ ndi wo mo hwɛ o tenì nanù ema Lohwɛ̀ a mo tùulɛ̀ màaŋgo ò Wùnyà wo Hwèkàyìrzèlì. Hwa mo rzɛlɛ o tenì ya mùùnya mondɛnɛ ema mo rzɛlɛ hwaŋga ema hwa teŋgɛ̀nɛ Lohwɛ̀.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

2 Pètrò 3:12

Inyɛ̀ è hwɛnɛ ene ɛ̀ɛ̀mɛ̀ nà oma è ambɛlɛlɛ wùùnyà ema Lohwɛ̀ à mà rzèkeyà nanù ema Krirztò à jà. È à tàkirzɛ aŋga nanù woŋgo wùnyà wò akɛlɛ lì jà. Ò wòŋgo wùnyà mùùnya mò kùwa lì rzɛ̀lɛ̀ lìwòhwɛ là ŋmanyu là arzɛ ndèŋgànɛ̀lɛ̀ mò rzɛ̀lɛ̀ hwèèmà hwe arzɛ ema hwe hwèlì ò ŋmanyu.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.