1 Kɔ̀rintìyà 9:5 - Mokpwe: Bakwery (New Testament)

⁵ Irzɔ̀ ì rza hwɛnì wònjà ya lì ahwànà jòjìyɛ̀ ema e hwèlì ndì mɔ̀nɔ̀ŋgèlì mɔ̀kɔ wa ama Krirztò na irzɔ e? Nà oma inɛyi àpɔ̀rzìtòlò i gbeyà e? Rzeke nanù ndi wònyanyàŋgò wa ama e Rzàŋgo na Pètrò hwa gbeyà e?

1 Kɔ̀rintìyà 9:5 Mawu Ofanana

Matiyò 13:55

“Rzeke mɔ̀ à hwèlì ndì e ŋmanà wa ama e kaminda e? Rzeke Màlìyɛ̀ ndì a hwèlì e nyàŋgò ya eni e? Rzeke Jèmìrzì, Jòrzɛ̀hvù, Rzimɔ̀ni na Jùdàrzì hwa hwèlì ndì wònyànyàŋgò hwa enì e?

Matiyò 8:14

Nà òma Yerzù à mà uke ò è ndawò yà ama Pètrò, à mà ɛnɛ Pètrò nyàŋgò wà eni wà lìhwa, à naŋgani è ŋgɔwu ò lìnɔ̀ŋgɔ.

Makòrzì 1:30

È nyàŋgò yà lìhwa yà àma Rzìmɔ̀nì è mà hwɛ nà lìyèti ò lìnɔ̀ŋgɔ̀. Nà òmà Yerzù à mà ùke aŋga, à mà òhwahwɛlɛ lì hvòmɛ̀nɛ̀ jòòkì ja ama òŋgò mòlanà.

Makòrzì 6:3

Rzèke ònò mòtò à hwèlì ndi kaminda e? Rzeke e ŋmanà wà mà Màlìyɛ̀ ònò e? Rzeke wònyànyàŋgò hwa eni hwa hwèlì ndi Jèmìrzì, Jòrzɛ̀hvù, Jùdà na Rzìmɔ̀nì, e? Rzeke ì ndòmɛ ja eni ì hwèlì ò mbòwà na irzɔ e?” Rzìi hwa mò tatana.

Lukàrzɛ̀ 6:15

Matìyò, Tɔ̀marzì, Jèmìrzì, è ŋmanà wà ama Alhvàyèyùrzì, Rzìmɔ̀nì mòtò ema lì emèyà la eni lì rza àyèŋgòwɛ̀,

Lukàrzɛ̀ 8:20

Mòtò mɔ̀kɔ rzìi a òhweyà Yerzù nanù ema, “È nyàŋgò, nà wònyanyàŋgò, hwa aŋgɔ̀ hwa tɛmì ò èwòkà. Hwa àrza lì ò ɛnɛ̀.”

Yòwanìrzɛ̀ 1:42

Àndèlè rzìi à jànà Rzimɔ̀nì ò mà Yerzù, Yerzù rzìi à ɔ̀ŋgɔ Rzìmɔ̀nì kòò à mò òhweyà nanù ema, “Lìinà lì aŋgɔ lì hwèlì ndi Rzimɔ̀nì è ŋmanà wà mùnyanà hwa ama Yòwanìrzɛ̀. Ndi ò nàŋgɛ ò hwɛ̀lɛ̀hwɛ̀ ndi Rzɛ̀hvàrzì.” (Lìni lìna lì hwèlì ndi nyayi hvɔ̀kɔ nà Pètrò ema jànda ì hwèlì ndì ema èwòmɛ̀ yà lìŋyàyi).

Yòwanìrzɛ̀ 2:12

O mburzà ya ene eyà, Yerzù à mà ɔ̀ndɔ̀ ò mbòwà ndɛ̀ɛ̀ndɛ̀ yà Kàpɛ̀nàwɔ̀mì na nyàŋgò wa eni, na wònyanyàŋgò wà eni, na Hwà-òkòwèlì hwa eni. Hwà mà lìya aŋga ò ŋgurzu ja hwèyù.

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

Ròmànì 16:1

Nà e òhweyà nanù ema e ndòmɛ ya arzu ema e hwɛ̀lɛ̀hwɛ̀ Hvòbe, ema a òŋgòwàna lì gbeyà èwòlò ò ŋmèmba ema mò hwèlì ò mbòwa ya Rzɛ̀nkrèyà, a gbèeyà èwòlò ya gbamù.

1 Kɔ̀rintìyà 1:12

Nà ohwa ndi nanù èhwanja, lòŋgò là anyù è hwèlì è ohwà naŋgɛ̀ nanù ema, “Nà hwèlì ndi mɔ̀nɔ̀ŋgèlì wà hwèyòkòwèlì hwe amà Pàwolò.” Hwanɛ̀yì wɔ̀ hvɛ̀ hwa hwèlì hwa ohwà nanù ema, “Nà oŋgama ndì hwèyòkòwèlì wà ama Apòlòrzì.” Tɔ̀ “Nà oŋgamà ndi hwèyòkòwèlì hwe ama Pètrò,” tɔ̀ “Nà oŋgamà ndi hwèyòkòwèlì hwe ama Krirztò.”

1 Kɔ̀rintìyà 7:15

Ndi e mòjòmɛ̀ tɔ̀ e jòjìyɛ̀ ema e rza enje mòlòkèlì wà ama Krirztò, a inɛlɛyi tɛ ema mɔ̀ à anjìyà o lìŋgì lìhwà, inyɛ mɔ̀ à ɛ̀ndɛ. O ene tumbà hwehwɛ̀ɛlì, e mòjòmɛ̀ tɔ̀ e jòjìyɛ̀ ema e lòkɛ̀yì Krirztò e rza kakahwi na èŋge mbenda ya lìhwa. Lohwɛ̀ a jo lati ndi o lì lìya na ɛ̀yɔ̀lɛ̀.

1 Kɔ̀rintìyà 7:39

Ò eŋgànɛ̀lɛ̀ e jòjìyɛ̀ e hwɛnì ndi lì hwɛ na e mòjòmɛ̀ wà eni o lìhwa la awu o lòŋgɛ la arzɛ. Ndi mòjòmɛ̀ wà eni a ŋwelì tɛ a hwɛnì wònjà lì hwaahwa tɔ̀ ima mùnyanà ema a lìŋgàni. Ndi òŋgo mùnyanà a hwɛnì ndi lì hwɛ o ŋmèmba mo ama Krirztò.

1 Kɔ̀rintìyà 7:7

Nà lìŋgànì nanù ema inyɔ hwa arzɛ e hwɛ ndi nàa imba ema na rza hwàayi. Ndi tɔ̀ ima mòtò a ohvi e ja eni jàhwèyà, ema Lohwɛ̀ a mo ŋgbelì, mɔ̀kɔ a ohvi e nyìrzɛ̀ ya lìhwà, ɔ̀nɛyi mɔ̀hvɛ a rza ohvi.

1 Kɔ̀rintìyà 7:8

Nà e ohweyà rzɔ inyɔ ema e rza hwaahwɛ tɔ̀ lìhwa, na mekurze nanù ema, o lɔ̀wu ema e rzìi hwaahwa tɔ̀ lìhwa, na oma imba hvɛ na rza hwàayi.

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

1 Tìmotì 3:2

O eŋgànɛ̀lɛ̀, e mòtimbèlì hwa ŋmèmba, a hwɛni ndi lì hwɛ mòtò ema a rza luwahwa màtonà. Ndèŋgàna a hwɛni ndi lì ohva jòjìyɛ̀ hvɔ̀kɔ. A hwɛni ndi lì hwɛ mòtò ema a alɛ̀mbɛ mɔ̀ ŋmìti, mòtò ema a lùtèyà kɔ̀yi-kɔ̀yi, mòtò ema hwatò hwa ŋgba èluhwe, a hwɛni ndi lì hwɛ mòtò ema a kàrzɛ hwàyɛ̀nì o ndawò ya eni, na mòtò ema a hwi o lì okolɛ hwatò.

1 Tìmotì 4:3

Hwanu hwà-òkòlèlì hwa mòlàŋga wɔ̀ hwa okolɛ hwatò nanù ema hwa rzi keka lì hwaa. Ndeŋgànɛ̀lɛ̀ hvɛ ema hwatò hwa rzi laa tumba ja melelì. Lohwɛ̀ à mà weka ndi meŋge melelì nanù ema hwatò hwa me lee. Ndi hwaŋga ema hwa hwi ŋmɛ̀ndì mò gbamù, hwa mo lòkɛ̀yi na lì eka Lohwɛ̀ o meŋge melelì.

1 Tìmotì 5:2

O wowe hvɛ hwàmbaki hwa hwalana wòlìto na oma o wowi e nyàŋgo ya aŋgɔ̀. O wowe hvɛ hwàanà hwa ŋgɔndɔ wòlìto ò a ɛnɛ oma hwa hwèlì ndi i ndomɛ ja aŋgɔ̀. O rzi keka lì lùtèyà o lì hwa gbeyàna tɔ̀ wòhwe.

Tàyìtùrzì 1:6

Mòtìmbèlì wa ŋmèmba a àŋgàmɛ̀nɛ̀ ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòjòmɛ̀ mò jòjìyɛ̀ mɔ̀kɔ, ndèŋgànɛ̀lɛ̀ hwàanà hwa eni hwa àŋgàmɛ̀nɛ̀yi lì lòkɛ̀ Yerzù Krirztò. Hwa àŋgàmɛ̀nɛ̀yi lì ohva hwègbèèlì hwe gbamù aŋga nanù tɔ̀ mòtò a rza tànɛ lì hwa hwɛlɛ nanù ema hwa hwèlì maniya tɔ̀ hwa hwèlì bùlubùlu.

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.