1 Kɔ̀rintìyà 9:3 - Mokpwe: Bakwery (New Testament)

³ Jà alàhwɛ̀ ja amì jɔ inì ò hwàŋgà hwatò ema hwa teŋgɛ̀nɛ̀yi lìkànèyà la ami.

1 Kɔ̀rintìyà 9:3 Mawu Ofanana

Lukàrzɛ̀ 12:11

È rzɔ̀mɔ̀nɛ̀hwɛ tɛ ò ndawò ja màkanɛ̀, ò màrzò ma hwàtìmbèlì hwa mbòwà, nà hwàkànèlì hwa kàrzàmi, ò lì è kàyìrzɛ̀, è rzì àtàkirzɛ nɛ e kaya tɔ̀ mamɛ ema e hwɛnì lì òhwà.

Hwègbèèlì 22:1

“Hwa tatɛ̀ na wònyànyàŋgò hwa ami, e nò òkànèyà na òma na kàya mònò ŋmàŋgò ema na rza òhvɛ tɔ̀ njɔ̀mi ò màrzò ma anyu.”

Hwègbèèlì 25:16

Ndi imba nà mà hwa òhweyà nanù ema hwatò hwa Ròmànì hwa òhvi ɛ̀ɛ̀mɛ̀ ema e hwèlì ndi nanù ema ò rza tànɛ lì akɛlɛ e mbàkò ema mòtò a tùu ŋmàŋgò e rzi hwɛ nanù ema mɔ̀ à kayirzɛ̀hwɛyi ò marzò ma hwaŋga hwatò ema hwa mò rzɔ̀mɔ̀ni. Hwa àŋgàmɛ̀nɛ̀yi lì mò ŋgba ehvòlò ò lì kaya ŋmàŋgò mò eni.

1 Kɔ̀rintìyà 14:37

È hwèlì tɛ ema o hwèlì mòtò mɔ̀kɔ ema à ɔŋgɛ̀lɛ ema mɔ̀ à hwèlì ndi Mòòhwèlì wà Èlìŋgɛ̀ tɔ̀ mòtò ema a ŋgbàahwì jàhwèyà ema jo uwɛ̀lɛ̀lɛ̀yi o hwèlìŋgɛ̀, inyɛ a hwiye nanù ema, mamɛ ya arzɛ̀ ema na hwèlì na e tìleya nanù, hwe hwèlì ndi hweyà ema Rzàŋgo A ohwi ama e gbeye.

1 Kɔ̀rintìyà 9:2

Tɔ̀ è hwɛ ndi nanù ema lòŋgo la hwatò hwa rza emelì ema na hwèlì ndì àpɔ̀rzìtòlò, ndi o inyɔ na hwèlì ndi mɔ̀kɔ. Nà oma e hwèlì nà Rzàŋgo, inyɔ hwiti e hwèlì ndi nàa ɛ̀mɛ̀nɛ̀nì yà ami ema nà hwèlì ndi àpɔ̀rzìtòlò.

1 Kɔ̀rintìyà 9:4

Irzɔ̀ i rza hwɛnì wònjà ò lì lìya o màandà mà anyu o lì làalɛ̀nɛ na lì nyɔ̀lɛnɛ na inyɔ e?

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 13:3

O eŋge hvonda ndi e o hwiyɛ nanù ema, tɔ̀ mamɛ ema na ohwa e uwɛ̀lɛ̀lɛ̀yi ndi oma Krirztò. Rzeketɛ ema Krirztò a rza imbami o hweyà hwe arzɛ ema a gbeyà, ndi à uŋmɛ̀lɛ̀ ndi e ŋginyà ya eni o ìtììtènì ja arzu.

2 Kɔ̀rintìyà 13:5

Inyɛ̀ tɔ̀ ima mɔ̀ wa anyu a àyijànè lòŋgɛ la eni kɔ̀yi-kɔ̀yi o lì hwiya ŋga a lìya ndi nàa hwatò ema hwa lòkɛ̀yì. Imba na hwi nanù ema e hwi nanù ema tɔ̀ ima mɔ̀ wa anyu a hwi nanù ema Yerzù Krirztò a hwèlì o tenì ya eni. È hwèlì tɛ nanù ema tɔ̀ ima mɔ̀ wa anyu a àyijànè mɔ̀ ŋmìti ɔ̀ndi e hwiya o jɔ̀kɛ̀ nanù ema e hwèlì na Krirztò.

Hvìlipìyà 1:17

Ndi hwaŋga ema hwa no nòneyà wɔ̀ hwa rza ohwa ŋmɛ̀ndì mò gbamù na mèèmà me gbamù, wɔ̀ hwa mo ohwa ndi o lì arzeelɛ wɔ̀ hwiti hwema. Wɔ̀ hwa gbeyà nanù, o màlùtèyà nanù ema imba na o hweyà wòhwe èhwanja na hwèlì o hwèwòwà.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

2 Tìmotì 4:16

Tɔ̀ mòtò a rzi no tɛmeya o mburza e ŋgèlì ya worzo ema hwà mà no jàne o hwèkayirzelì. Hwatò hwa arzɛ hwà mà no rzɔ̀rzɔ̀. Nà kanɛ̀ nanù ema Lohwɛ̀ a hwa làkìrzɛ̀.