1 Kɔ̀rintìyà 9:25 - Mokpwe: Bakwery (New Testament)

²⁵ Tɔ̀ ima mohwaŋgelì ema a hwɛnì lì hwaŋga lìhwaŋgi, à àjùlɛ̀nɛ̀ mètàkà me arzɛ. Hwa wòŋgirzɛnɛ ndi nanù, o lì wɔ̀tìrzɛ̀hwɛ ekooto ya èluhwe ya mbonji ema e rza hwɛ natɛ̀ɛ na o mòlìkɛ̀, ndi irzɔ i gbeyà ndi èwòlò ema i lùwàna morzawelì mò mòlìkɛ̀.

1 Kɔ̀rintìyà 9:25 Mawu Ofanana

1 Kɔ̀rintìyà 15:54

È hvonda ema e nyo ema e rzɔ̀mbɔ̀ e o jà lì hwɛ e nyo ema e rza rzɔ̀mbɔ̀, ndèŋgàna e hvonda ema e nyo ema e ŋwaa, e o jà lì hwɛ e nyo ema e rza ŋwa, e o ondìrzɛ̀hwɛ̀ na oma e tìlahwì o kààtì ya ama Lohwà nanù ema, “O rza hwɛ a hwɛ hvɛ tɔ̀ kpelì hvɛ tɔ̀, Lohwɛ̀ à mà aka e kpelì.”

Gàletìyà 5:23

Èlìŋgɛ̀ yà Wòtani yɔ ndi e gbeyà mòtò a arzìirzɛ na lì alɛ̀mbɛ mo ŋmìti. O rza enje tɔ̀ mbenda lì teŋgɛ̀nɛ hwene hweyà.

1 Tìmotì 6:12

O àjùlɛ̀ o lì atàkìrzɛ̀ lì ika ŋmèma mo aŋgɔ̀ na Lohwɛ̀ na o lì mo gbèeyà. Lòŋgɛ la gbìndèyà ema Lohwɛ̀ à mà o ŋgbɛ o lì lɛmbɛ gbamù. Lohwɛ̀ à mà o ŋgba lìŋgi lòŋgɛ lìrzako ema o ma ohwe o marzo ma hwatò rzayi-rzayi nanù ema o lòkɛ̀ Krirztò.

2 Tìmotì 2:5

Èhvɛhvɛ nyàyi ya lì gbèeyà Krirztò, e hwèlì ndi nàa mòtò ema a hwaŋga lìhwaŋgi na hwahvɛhvɛ hwatò, mɔ̀ à rza tànɛyi a luwa ekòotò e rzi hwɛ nanù ema mɔ̀ à ikayi imbenda ja lìhwaŋgi.

Tàyìtùrzì 1:8

Ndi tɔ̀ nanù e mòtimbèlì wa ŋmèmba a àŋgàmɛ̀nɛ̀yi ndi lì hwɛ mòtò ema a kàrzɛ hwatò ema hwa jà o lì mo hvɛhvɛ, ndèŋgànɛ̀lɛ̀ a hwèlì ndi mòtò ema a lìŋgàna hwema hwe gbamù. A àŋgàmɛ̀nɛ̀yi ndi lì hwɛ mòtò ema a hwi lì àwòhvɛ̀ la eni na hwahvɛhvɛ hwatò, mòtò ema hwègbèèlì wa eni hwe tɛnɛ̀nɛ̀, ema a hwèlì wòtani, ndèŋgànɛ̀lɛ̀ a hwèlì mòtò ema àkuwɛ̀ɛ mɔ̀ ŋmìti.

Tàyìtùrzì 2:2

O òkolɛ hwàwululu hwa wùnyànà o lì hwiya nɛ hwa hwɛnɛ lìkànèyà mòŋgɛ ma awu, hwa gbeye hweyà nyayi ema hwatò wo o hwà ŋgbɛɛ èluhwe, ndèŋgànɛ̀lɛ̀ wɔ̀ hwa a gbeyà hweyà na gbaŋgo wo nɔ̀kɔ̀wu. Hwa àŋgàmɛ̀nɛ̀yi ndi lì ɛndɛ o worzo o lì lòkɛ̀ Krirztò, hwa àŋgàmɛ̀nɛ̀yi ndi lì ɛndɛ o worzo o lì hwɛneya hwahvɛhvɛ hwatò e ndìŋgɛ, ndèŋgànɛ̀lɛ̀ hwa àŋgàmɛ̀nɛ̀yi ndi lì ɛndɛ o worzo o lì luwa mètàkà ema hwa luwa o nyòla lìlòkɛ̀ la awu.

Hibrù 12:28

Kanatɛ irzɔ ima ŋgbàhwe lìkànèyà ema lì rza nyiŋgirzɛhwɛ. Inyɛ̀ irzɔ i ŋgbe Lohwɛ̀ jeka na lì mo kanɛ̀ nyayi ema e mo lìŋgirzɛ. Inyɛ̀ je e gbeye na wɔ̀ŋgɔ̀ na èluhwe ya arzɛ.

Hibrù 12:4

È njuma ema e ana o lì jànà wòhwè o lìrzùkù, e rzi uka lìmɛni ema hwa tànɛyi lì e oŋwa.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

2 Pètrò 1:6

O ŋmanyu ya lìhwiyè la anyu, e hwi hvɛ lì àwòhvɛ̀lɛ̀ la anyu. O ŋmanyu ya lì àwòhvɛ̀lɛ̀ la anyu, e kake mèèmà me anyu. O ŋmanyu ya lì kaka la mèèmà me anyu, ɛ̀ɛ̀mɛ̀ ya anyu e àŋgàmɛ̀nɛ̀yi ndi lì hwɛ nàa ɛ̀ɛ̀mɛ̀ ya hwatò hwa Lohwà e hwɛni lì hwɛ.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.

Hwèwulùwèlì 4:10

È hvonda ema hwe mà hwɛ lì emba, eŋge mbàŋgɛ yà hwàmbaki nà hwànìi hwa mà kpa ò worzo wò ama è mɔ̀ ema à lìyayi ò konda yà lìkànèyà, ema à hwèlì ò lòŋgɛ ò gbìndèyà nà ò gbìndèyà. Wɔ̀ hwa mà hwɛ lì mò ŋgba èluhwe, rzìi hwa hvimba hwèkòòtò hwe awu ò rze, ò worzo wò è konda yà lìkànèyà rzìi hwa à emba nanù ema,

Hwèwulùwèlì 4:4

Ihvɛhvɛ mbàŋgɛ ja konda na inɛyi ja lìkànèyà i ma tòŋga eŋge konda, ndèŋgànɛ̀lɛ̀ mbàŋgɛ ya hwàmbaki na hwànìi, hwà mà lìya o ŋmanyu ja iŋgi konda. Hwà mà wɔ̀tɔ̀ màatù ma mbɔ̀mi rzìi hwa wɔ̀tɔ̀ hvɛ hwèkòòtò hwe gòòlù o meyohvo me awu.