1 Kɔ̀rintìyà 9:23 - Mokpwe: Bakwery (New Testament)

²³ Nà gbeyà hweyà hwe arzɛ nanù, ò lì nyàlìrzɛ̀ Ŋmɛ̀ndì mò Gbamù mò ama Lohwɛ̀, aŋga nanù imba hvɛ na lùwa mònàmɛ̀ ema mo hwèlì o monò Ŋmɛ̀ndì mò gbamù.

1 Kɔ̀rintìyà 9:23 Mawu Ofanana

Makòrzì 8:35

Èhwanja tɔ̀ njɛnɛ ema à arzùŋgɛ̀ lòŋgɛ là eni à lì wɔ̀lɛnɛ. Ndi tɔ̀ njɛnɛ ema à wɔ̀lɛ̀nɛ̀yì lòŋgɛ là eni ò nyòla ami nà ò gbàmu wò mònò Ŋmɛ̀ndì mò Gbamù, à lùwa lòŋgɛ là gbìndèyà.

Ròmànì 11:17

Lòŋgò la hwèkɔ̀kɔ̀ hwe màyi ma Njàhwɛ̀ ema mà ònahwi ma mà rzenjòwahwa, ò lì ikahwa ò mayi ma Njàhwɛ̀ ema mà rza ònahwɛ. Inyɔ hwatò ema e rza enje wònyà Yudà, e gbeye ndi nàa hweŋge hwèkɔ̀kɔ̀ hwe mayi ma Njàhwɛ̀ ema mà rza ònahwɛ ema hwe ɔhvɛ hwe luwa ndi maŋga malìhwa mɛnɛ ema meŋge meyaŋga me mayi ma Njàhwɛ̀ ema me ònahwi ma luwa.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

1 Kɔ̀rintìyà 9:24

È rza hwi nanù ema o lìhwaŋgi tɔ̀ ima mòtò a hwaŋga, ndi mòtò mɔ̀kɔ mɛnɛ ndi à rzuwa rzi a lùwa morzawelì e? O èŋgànɛ̀lɛ̀ e hwaŋge lìhwaŋgi e luwe morzawelì.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

Gàletìyà 2:5

Ndi èhwanja ì ma arza lì e kombɛlɛlɛ è jɔ̀kɛ̀ ema è hwèlì ò Ŋmɛ̀ndì mò Gbamù, ì rzi hwa ŋgbe tɔ̀ hvonda tɔ̀ hvɔ̀kɔ.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

2 Tìmotì 2:6

È mògbeyà mbota ema a gbèyi èwòlò ya gbamù, mɔ̀ ndi à àŋgàmɛ̀nɛ̀yi o lì hwɛ e mòtò wà worzo ò lì laa e mbota ya worzo.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.