1 Kɔ̀rintìyà 9:22 - Mokpwe: Bakwery (New Testament)

²² Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

1 Kɔ̀rintìyà 9:22 Mawu Ofanana

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

Ròmànì 14:1

È emeyà hwatò hwa arzɛ ema lìlòkɛ̀ la awu lì ɔtɔ̀wù, e rzi keka lì tɔ̀wɔ na wɔ̀ lì hvòmɛ̀nɛ̀ hweŋge hweyà hwe arzɛ ema hwa lutelì nanù ema hwa àŋgàmɛ̀nɛ̀ lì gbeyà na hweŋge ema hwa rza àŋgàmɛ̀nɛ̀ ò lì gbeyà.

Ròmànì 14:2

Lìlòkɛ̀ la lòŋgò la hwatò lì hwa ŋgbelì e wònja ò lì laa tɔ̀ mamɛ, ndi hwatò ema lìlòkɛ̀ la awu lì rza imbamɛ hwa rza laa tɔ̀ ima yòma.

Ròmànì 15:1

Irzɔ ema jò imbami ò lìlòkɛ̀ inyɛ jò òŋgòwane e wɔ̀ ema hwa rza imbamɛ ò màlòkɛ̀ ma awu. I rza alìŋgìrzɛ irzɔ hwiti.

Ròmànì 15:2

Tɔ̀ ima mɔ̀ wa arzu a àŋgàmɛ̀nɛ̀ ndi ò lì gbeyà hweyà nyayi ema hwe lìŋgirzɛ ŋmanyàŋgò wa eni aŋga nanù òma lì lòkɛ̀ la ama òŋgò ŋmanyàŋgò wa aŋgɔ̀ lì ma òŋwa.

1 Kɔ̀rintìyà 10:33

È gbèyè ndi nà oma imba nà gbeyà. Nà kèka lì okìrzɛ̀ tɔ̀ ima mɔ̀ mɔ̀nyɛ̀ŋgì o hweyà hwe arzɛ ema na gbeyà, na rza ɔ̀ŋgɛ̀lɛ̀ ndi hweyà hwe ami mɛnɛ ndi o gbamù wo hwatò hwa arzɛ aŋga nanù Lohwɛ̀ a hwa rzùŋgà wɔ̀ hwa arzɛ.

1 Kɔ̀rintìyà 7:16

Inyɔ ijòjìyɛ̀ ema e lòkɛ̀ Krirztò e rza hwi nanù ema, inyɔ eŋga, mèjòmɛ̀ me anyu ema me rza lòkɛ̀yi Krirztò me tànɛyi lì rzùŋgàhwà e? Tɔ̀ inyɔ mèjòmɛ̀ ema e lòkɛ̀ Krirztò e rza hwi nanù ema, inyɔ ye eŋga ijòjìyɛ̀ ja anyu ema i rza lòkɛ̀ Krirztò i tànɛyi lì rzùŋgàhwà e?

1 Kɔ̀rintìyà 8:13

O èŋgànɛ̀lɛ̀, e hwèlì tɛ nanù ema mòlelì imba nà làa mɔ̀ ndi mò gbeyà ema ŋmànyàŋgò wà ami wà Krirztò a unde o wòhwe, imba nà rza làa mòŋgo mòlelì hvɛ. Aŋga nanù nà rza gbeyà ema ŋmànyàŋgo wà ami à rzi unda hvɛ ò wòhwe.

1 Kɔ̀rintìyà 9:19

Nà hwèlì ndi imba mbiti, na rza enje o rze ya tɔ̀ mòtò tɔ̀ mɔ̀kɔ. Nà ma ayèŋgowɛ̀ ndi mokome mo hwatò hwa arzɛ, o lì jànà rzayì-rzayì ja hwatò òma Krirztò.

1 Kɔ̀rintìyà 9:23

Nà gbeyà hweyà hwe arzɛ nanù, ò lì nyàlìrzɛ̀ Ŋmɛ̀ndì mò Gbamù mò ama Lohwɛ̀, aŋga nanù imba hvɛ na lùwa mònàmɛ̀ ema mo hwèlì o monò Ŋmɛ̀ndì mò gbamù.

2 Kɔ̀rintìyà 11:29

Mòtò a rza imbami tɛ o hweyà hwe ama Lohwɛ̀, imba hvɛ na hweyà ndi molemilemi na oma mɔ̀ hvɛ a hweyà. Hwa tonirzɛ tɛ mòtò o lì unda o wòhwe, e no tàkìrzɛ̀ rzayi-rzayi.

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.