1 Kɔ̀rintìyà 9:20 - Mokpwe: Bakwery (New Testament)

²⁰ È hvonda ema nà mà hwɛ na hwatò hwa wònyà Yudà, nà mà gbeyà hweyà hwe ami nàa imba hvɛ na hwèlì ndi mɔ̀kɔ wa awu, aŋga nanù hwa lòkɛ̀ Krirztò. È hvonda ema nà mà hwɛ na hwaŋga hwatò ema hwa ika i mbenda ja hwatò hwa wònyà Yudà, imba hvɛ nà mà ika ndi iŋgi mbenda. Tɔ̀ nɛ na rzi hwɛ o rze ya iŋgi mbenda. Nà ma gbeyà ndi nanù, aŋga nanù hwaŋga hwatò hwa lòkɛ̀ Krirztò.

1 Kɔ̀rintìyà 9:20 Mawu Ofanana

Hwègbèèlì 16:3

Nà òma Pàwolò à mà arze lì wòwa Tìmòtì ò lì ɛndɛ na mɔ̀, à mà mò endà. A ma gbeyà ndi nanù ehwànja à mà hwiya nanù ema hwatò hwa wònyà Yudà ema hwa hwèlì ò eŋge erzòòkà hwà mà hwiya nanù ema e tatɛ̀ ya ama Tìmòtì à mà hwɛ ndi mòtò wa Grìki.

Hwègbèèlì 18:18

Pàwolò ama lìya na hwàlòkèlì ò mbòwa ndɛnɛ ya Kɔ̀rintò rzayì-rzayì ja mèenyà, rzìi a hwɛmɛ hwàlòkèlì a kpèeyà ò melì me ŋmànja, rzìi a aka ŋmànja ò lì uka ò erzòòkà ya Rzìrìyà. O yɔ̀ndɔ ya eni, à mà ɛ̀ndɛ̀nɛ̀ Prìrzìlà na Akwìlà. Ndèŋgànà a e anjiya ò mbòwa ndɛnɛ ya Rzɛ̀nkreyà, à mà rzòòwa lìhvumbu la eni la mòhvò èhwanja ò ma hwɛ hweyi ema à mà aàtɛ.

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Gàletìyà 2:19

È hwèlì tɛ ndi o lì nɔ̀ŋgɔ e mbenda mɛnɛ nanù oma nà mà ŋwa. Nànù oma e mbenda yɔ yiti yɔ ndi e no òŋwi. Ndi Yerzù Krirztò à mà no ulɛ o tenì ya e mbenda aŋga nanù na tanɛ lì gbèeyà Lohwɛ̀.

Gàletìyà 4:21

Inyɛ̀ na e ijowe hwaŋga ema hwa arza o lì hwɛ o rze ya mbenda: e rza hweyà mamɛ e mbenda e ohwa e?

Gàletìyà 4:5

Lohwɛ̀ à mà mo òma o lì jo kɔ̀tɔ̀ o rze ya e mbenda aŋga nanù irzɔ i timba o lì hwɛ hwàanà hwa ama Lohwɛ̀.

Gàletìyà 5:18

Èlìŋgɛ̀ ya ama Lohwɛ̀ ye e timbi tɛ, nanù oma e rza enje o rze ya e mbenda hvɛ.