1 Kɔ̀rintìyà 9:18 - Mokpwe: Bakwery (New Testament)

¹⁸ Màmɛ rzɔ̀ e hwèlì etàŋgì ya amì e? Ètaŋgi ya ami e hwèlì ndi, o lì ohwa Ŋmɛ̀ndì mò Gbamù mo ama Lohwɛ̀, e rzi hwɛ tɔ̀ mòtò tɔ̀ mɔ̀kɔ lì no taŋgeya. Èya èŋge ndeŋgatɛ na rza gbeyàna è wònjà ya ami na ohwa tɛ Ŋmɛ̀ndì mò Gbamù mo òma Lohwɛ̀.

1 Kɔ̀rintìyà 9:18 Mawu Ofanana

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

Hwègbèèlì 18:3

Èhwanja mɔ̀ hvɛ à mà hwɛ ndi mòòŋgelì wa màwòndò na òma wɔ hvɛ hwà mà hwɛ, ò eŋgànɛ̀lɛ̀ mɔ̀ hvɛ à mà lìya rzìi a à gbeyà èwòlò na wɔ̀.

Ròmànì 14:15

O tàtìrzɛ̀ tɛ ŋmanyàŋgò wa aŋgɔ̀ tɔ̀ e ndòmɛ ya aŋgɔ̀ ò mamɛ ema ò laa, nanù òma ò rza enje ò lì mò uŋmɛ̀lɛ̀ e ndìŋgɛ. O rzi gbeyà nanù ema mòlelì ema ò laa mò hvàŋge lòŋgɛ la e mòtò ema Krirztò a ŋwelɛlɛyi ò mbarza.

1 Kɔ̀rintìyà 10:33

È gbèyè ndi nà oma imba nà gbeyà. Nà kèka lì okìrzɛ̀ tɔ̀ ima mɔ̀ mɔ̀nyɛ̀ŋgì o hweyà hwe arzɛ ema na gbeyà, na rza ɔ̀ŋgɛ̀lɛ̀ ndi hweyà hwe ami mɛnɛ ndi o gbamù wo hwatò hwa arzɛ aŋga nanù Lohwɛ̀ a hwa rzùŋgà wɔ̀ hwa arzɛ.

1 Kɔ̀rintìyà 3:8

È mòtò ema a ona na e mɔ̀ ema a hvahva malìhwa hwà gbeyà ndi èwòlò yɔ̀kɔ mɛnɛ. Lohwɛ̀ a o hwa teŋgɛ̀nɛ̀ o èwòlò ya awu ema hwa gbèyi.

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

1 Kɔ̀rintìyà 8:9

È aŋgowe nɛ e gbeyàna è wònjà ya anyu ema ye ŋgbàahwì. È gbeyàne enè wònjà nyayi ema wònyànyàŋgo hwa anyu ema mèèmà me awu me rza imbamɛ o màlòkɛ̀, wɔ̀ hwa rza unda o wòhwe.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:15

Ndì tɔ̀ nanù, imba na rzi gbeyànì ini wònjà tɔ̀ wùnyà. Ndèŋgana, na rza tìla naŋgɛ nanù, o lì lùtèyà ema na arza lì wòteya naŋgɛ o lì ji gbeyàna. Ò jɔ̀kɛ̀, na emelì lì ŋwa, lì aka ema tɔ̀ mòtò tɔ̀ mɔ̀kɔ a no gbeyà nanù ema imba na rza hwɛnɛ kumba ya lì àyekìrzɛ o èwòlò ya ami.

1 Kɔ̀rintìyà 9:17

Èma hwɛ tɛ nanù ema imba ndi nà mà ahvɔ̀rzɛ̀ o lì gbeyà ene èwòlò, o ma na lùwa mòrzàhwèlì. Ndi na rza e hvɔ̀rzì, Lohwɛ̀ mɛnɛ ndi à no ŋgbelì ene èwòlò ò lì gbeyà.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

1 Tɛ̀rzàlonìyà 2:6

I rzi arze nanù ema inyɔ tɔ̀ hwahvɛhvɛ hwàtò hwa i eke.