1 Kɔ̀rintìyà 9:16 - Mokpwe: Bakwery (New Testament)

¹⁶ Ndi tɔ̀ nanù, o lì ohwa Ŋmɛ̀ndì mò Gbamù mo òma Lohwɛ̀, mo rza enje ndi eyà ema na hwɛnì lì ayèkìrzɛ̀lɛ̀lɛ̀. Nà kɔ̀mɛ̀lɛ̀hwɛyi ndi na Lohwɛ̀ o lì ohwa Ŋmɛ̀ndì mò Gbamù mo ama Lohwɛ̀. È hwèlì ndi èwoma na imba e hwèlì tɛ ema imba na rza ohwi mono Ŋmɛ̀ndì mò Gbamù mo ama Lohwɛ̀!

1 Kɔ̀rintìyà 9:16 Mawu Ofanana

Matiyò 25:16

È mògbèèlì ema à mà lùwa hwekòlì hweta hwe wòlì, à mà hwa ika ò nyòŋga rzìi à yàlɛ̀ hwehvɛhvɛ hwekòlì hweta hwe wòlì.

Lukàrzɛ̀ 9:62

Yerzù à mà mò òhweyà nanù ema, “Tɔ̀ ima mòtò ema a wòtelì lì tiyà èki rzìi a hvɛ̀ŋgɛ ò mburzà, à rza tanɛ̀yi lì gbeyà èwòlò ò rze ya lìkànèyà là ama Lohwɛ̀.”

Hwègbèèlì 4:20

Irzɔ i rza tànɛyi lì hwɛmɛ ò lì òhwa lì hvòmɛ̀nɛ̀ mamɛ irzɔ hwiti je ɛni na mìirzɔ̀ ma arzu na lì hwèyàna hvɛ màatò ma arzu.”

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Hwègbèèlì 9:6

Ò nàŋgɛ̀ rzɔ tɛ̀mɛ̀nɛ̀ ò ŋmanyu ò ɛndɛ ò kpèeyà ò eŋge mbòwà ndɛ̀ɛ̀ndɛ̀, ò òhwàhwɛlɛ mamɛ ema ò hwɛni lì gbeyà.”

Ròmànì 1:14

Èwòlò ema imba nà hwɛni è hwèlì ndi ò lì òhweyà tɔ̀ ima mòtò ŋmɛ̀ndì mò gbamù, tɔ̀ hwa hwɛ ndi hwatò hwa mbowà tɔ̀ hwatò hwa wàŋga.

Ròmànì 15:17

O hwehwɛ̀ɛlì hwe ami na Yerzù Krirztò, na tanɛyi lì kumba e ŋgeŋge ya ami na kumba ò nyòla èwòlò ema na gbèeya Lohwɛ̀.

Ròmànì 4:2

A ma ikahwa tɛ ehve-ehve na Lohwɛ̀ ò hweyà ema à mà gbeye, ò ma a òhvi yòma ema ayèkirzɛ ndi rzeketɛ ò wòrzò wò ama Lohwɛ̀.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:14

Molandako mɔ̀kɔ mɛnɛ ndi e Rzàŋgo à mà kòkòwɛlɛyì nanù ema, hwaŋga hwatò ema hwa ohwa Ŋmɛ̀ndì mò Gbamù, mo ama Lohwɛ̀, hwa hwɛnì ndi lì wòŋgòwahwa na hwaŋga hwatò ema hwa lùwa mòŋgo Ŋmɛ̀ndì mò Gbamù.

2 Kɔ̀rintìyà 2:12

Nà oma na ama ùke o mbowà ya Trɔ̀wàrzì, o lì ohwa Ŋmɛ̀ndì mò Gbamù mo òma Krirztò, nà mà ùŋmanɛlɛ nanù ema Lohwɛ̀ à mà màa lì no lìhvoweya e njiya o lì gbeyà èwòlò ya eni.

Kòlòrzìyà 4:17

Ndeŋgànɛ̀lɛ̀ e ohweyà Achipurzi nanù ema, “A hwiye kɔ̀yi-kɔ̀yi nanù ema a hwɛni o lì kulɛ èwòlò ema Rzàŋgo a mo ŋgbelì o lì gbeyà.”