1 Kɔ̀rintìyà 9:12 - Mokpwe: Bakwery (New Testament)

¹² È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:12 Mawu Ofanana

Lukàrzɛ̀ 11:52

“Èwòma nà inyɔ hwà-òkòlèlì hwa mbenda! Inyɔ è ùti hwèlìhvòwànì hwe lìyòhva la è ndawò yà lìhwiyè. È rza àrza lì kpèeyà, è rza emeyà hwahvɛhvɛ hwatò hwa kpèeyà.”

Hwègbèèlì 18:3

Èhwanja mɔ̀ hvɛ à mà hwɛ ndi mòòŋgelì wa màwòndò na òma wɔ hvɛ hwà mà hwɛ, ò eŋgànɛ̀lɛ̀ mɔ̀ hvɛ à mà lìya rzìi a à gbeyà èwòlò na wɔ̀.

Ròmànì 15:22

Hwene hweyɔ̀ndɔ ema nà mà hwɛ lì ɛndɛ hweyɔ ndi hwe ma gbeyà ema na rzi tànɛyi lì e jèeyà.

1 Kɔ̀rintìyà 13:7

È mòtò ema a uŋmɛ̀lɛ̀ hwatò e ndìŋgɛ, a rza kìnyɛ̀lɛ̀, a ohvi lì lòkɛ̀ ihvonda ja arzɛ. A hwɛnì lìhvìtà ihvonda ja arzɛ, a kakànà hvɛ hwèèmà hwe arzɛ mèèmà ihvonda ja arzɛ.

1 Kɔ̀rintìyà 6:7

È ɛnelì ndi nanù ema è àwòhvànɛ rzɔ̀mɔ̀nì inyɔ nà inyɔ, ene è uŋmɛ̀lɛ̀ ndi nanù ema è tòni rzayì-rzayì. O lɔ̀wu ema ŋmànyàŋgò wà aŋgɔ a o arzarzɛ, lì aka ema ò mò ɛ̀ndɛnɛ o hwèkàyìrzèlì. Mamɛ ndeŋgatɛ è rza hwɛ̀mi ema hwanù hwatò hwa è ɔnje e?

1 Kɔ̀rintìyà 9:14

Molandako mɔ̀kɔ mɛnɛ ndi e Rzàŋgo à mà kòkòwɛlɛyì nanù ema, hwaŋga hwatò ema hwa ohwa Ŋmɛ̀ndì mò Gbamù, mo ama Lohwɛ̀, hwa hwɛnì ndi lì wòŋgòwahwa na hwaŋga hwatò ema hwa lùwa mòŋgo Ŋmɛ̀ndì mò Gbamù.

1 Kɔ̀rintìyà 9:15

Ndì tɔ̀ nanù, imba na rzi gbeyànì ini wònjà tɔ̀ wùnyà. Ndèŋgana, na rza tìla naŋgɛ nanù, o lì lùtèyà ema na arza lì wòteya naŋgɛ o lì ji gbeyàna. Ò jɔ̀kɛ̀, na emelì lì ŋwa, lì aka ema tɔ̀ mòtò tɔ̀ mɔ̀kɔ a no gbeyà nanù ema imba na rza hwɛnɛ kumba ya lì àyekìrzɛ o èwòlò ya ami.

1 Kɔ̀rintìyà 9:16

Ndi tɔ̀ nanù, o lì ohwa Ŋmɛ̀ndì mò Gbamù mo òma Lohwɛ̀, mo rza enje ndi eyà ema na hwɛnì lì ayèkìrzɛ̀lɛ̀lɛ̀. Nà kɔ̀mɛ̀lɛ̀hwɛyi ndi na Lohwɛ̀ o lì ohwa Ŋmɛ̀ndì mò Gbamù mo ama Lohwɛ̀. È hwèlì ndi èwoma na imba e hwèlì tɛ ema imba na rza ohwi mono Ŋmɛ̀ndì mò Gbamù mo ama Lohwɛ̀!

1 Kɔ̀rintìyà 9:18

Màmɛ rzɔ̀ e hwèlì etàŋgì ya amì e? Ètaŋgi ya ami e hwèlì ndi, o lì ohwa Ŋmɛ̀ndì mò Gbamù mo ama Lohwɛ̀, e rzi hwɛ tɔ̀ mòtò tɔ̀ mɔ̀kɔ lì no taŋgeya. Èya èŋge ndeŋgatɛ na rza gbeyàna è wònjà ya ami na ohwa tɛ Ŋmɛ̀ndì mò Gbamù mo òma Lohwɛ̀.

1 Kɔ̀rintìyà 9:2

Tɔ̀ è hwɛ ndi nanù ema lòŋgo la hwatò hwa rza emelì ema na hwèlì ndì àpɔ̀rzìtòlò, ndi o inyɔ na hwèlì ndi mɔ̀kɔ. Nà oma e hwèlì nà Rzàŋgo, inyɔ hwiti e hwèlì ndi nàa ɛ̀mɛ̀nɛ̀nì yà ami ema nà hwèlì ndi àpɔ̀rzìtòlò.

2 Kɔ̀rintìyà 11:12

Ène eyà ema na gbeyà nàŋgɛ nanù, na hwɛnì ndi lì e gbeyà nanù mɛnɛ aŋga nanù na rza ŋgba i àpɔ̀rzìtòlò ja mòlàŋgà ehvolo ema hwa kùmbe i kòkò ja awu nanù ema hwa gbeyà ndi molemilemi mo èwòlò ema irzɔhvɛ i gbeyà.

2 Kɔ̀rintìyà 11:20

Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.

2 Kɔ̀rintìyà 2:12

Nà oma na ama ùke o mbowà ya Trɔ̀wàrzì, o lì ohwa Ŋmɛ̀ndì mò Gbamù mo òma Krirztò, nà mà ùŋmanɛlɛ nanù ema Lohwɛ̀ à mà màa lì no lìhvoweya e njiya o lì gbeyà èwòlò ya eni.

2 Kɔ̀rintìyà 6:3

Irzɔ i rza keka tɔ̀ mòtò e njiya ya eni aŋga nanù lùurzè lì rza ɛneya o èwòlò ema i hwèlì lì gbeyà.