1 Kɔ̀rintìyà 8:7 - Mokpwe: Bakwery (New Testament)

⁷ Ndi tɔ̀ nanù, rzeketɛ hwatò hwa arzɛ ndi hwa hwi ene jɔ̀kɛ̀. Lòŋgò la hwàlòkèlì hwa ama Krirztò ema hwà mà nyàmɛ̀lɛ lì kànɛ hwèrzùmbu, hwa hwèlì hwa lùtèyà natɛ̀ɛ na naŋgɛ ema hwa lelì tɛ iŋgi nyayi ja melelì, nanù oma wɔ̀ hwa hwèlì ndi o lì kànɛ hweŋga hwèrzùmbu. Mèemà me awu me rza imbami o èŋgànɛ̀lɛ̀ hwa ɔ̀ŋgɛ̀lɛ̀ ndi ema mòŋgo mòlelì mo ma hwa rzɔ̀kɔ̀.

1 Kɔ̀rintìyà 8:7 Mawu Ofanana

Hwègbèèlì 15:20

Eyà ema irzɔ i hwɛni ò lì gbeyà e hwèlì ndi ò lì hwa tìleyà kààtì nanù ema, hwa rzi làa tɔ̀ mòlèlì ema mò ŋgbààhwà nàa màhwèyà ò hwèrzùmbù èhwanja mòŋgò mòlèlì mò rza rzàŋgi, hwa kiye mòrzònje, hwa kìye ò lì làa hwèembè ema hwe ŋwelì mòtìmà, ndèŋgànɛ̀lɛ̀ hwa rzi laa hvɛ màyija.

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Ròmànì 15:14

Wònyàmòwe kòkò imba mbiti ò tɛ̀ɛ̀tɛ̀ɛ na hwi nanù ema inyɔ hwiti e òhvi mèèmà me gbamù ò lì gbeyà hweyà ema Lohwɛ̀ a arza nanù ema e gbeye, e rzɔ̀ŋgìtɛ̀nɛ̀ hweyà gbamù, ndeŋgànɛ̀lɛ̀ e tànɛyi lì àwòkòlɛ̀nɛ̀ mɔ̀kɔ na ɔ̀nɛyi.

1 Kɔ̀rintìyà 10:25

È hwɛnì wònja o lì làa tɔ̀ mamɛ ema ya ahwìrzɛ̀hwɛ o e lùwa e rzi hwɛ lì ijòwa mìijowelì ema me o jàneyà mètàkìrzɛ̀nɛ o ŋmèma, lì hvomɛ̀nɛ̀ mamɛ o andi.

1 Kɔ̀rintìyà 8:1

Nàŋgɛ rzɔ, imba na ohwa lì hvomɛ̀nɛ̀ mòlelì ema mo ŋgbahwa hwèrzùmbu nàa jàhwèyà. Ɛ̀ɛ, i hwi nanù ema, e ohwahwi nanù ema, “Irzɔ hwa arzɛ i hwɛnì lìhwiyè.” Lini lìhwiyè rzɔ, lì jo gbeyà irzɔ hwa arzɛ i hwɛnì kumba. Ndi e ndìŋgɛ e jo ètìrzɛ̀.

1 Kɔ̀rintìyà 8:4

O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.

1 Tɛ̀rzàlonìyà 5:14

Ìi wònyàmòwe kòkò, nà je e ohweyà hvɛ nanù ema e kòkòwɛ̀lɛ̀ hwatò ema hwa hwèlì rzìŋgà nanù ema hwa àŋgàmɛ̀nɛ̀yi lì gbeyà èwòlò, e embɛ̀ hwaŋga ema hwa oka wɔ̀ŋgɔ̀, e oŋgowane hwaŋga ema hwa rza ohvɛɛ ŋginyà, e a àjùlɛ̀nɛ̀ mɔ̀kɔ na ɔ̀nɛyi.