1 Kɔ̀rintìyà 8:4 - Mokpwe: Bakwery (New Testament)

⁴ O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.

1 Kɔ̀rintìyà 8:4 Mawu Ofanana

Makòrzì 12:29

Yerzù rzìi a mò alàhwɛ̀ nanù ema, “È mbenda ema e òhvi wòlìtò lì aka ja arzɛ e hwèlì ndi è mbenda ema e òhwa nanù ema, ‘Ìi hwatò hwa Irzàyɛ̀lì e òkànèyà: Rzàŋgò Lohwà la anyu mɔ̀ mɛnɛ ndi à hwèlì e Rzàŋgò.

Hwègbèèlì 14:15

“Mamɛ ndèŋgàtɛ è gbeyà nanù e? Irzɔ hvɛ ì hwèlì ndi hwatò hwa hwènàmà nà òma è hwèlì. Irzɔ ì mà jà anu ò lì è òhweyà ŋmɛ̀ndì mò gbamù mò ama Yerzù, aŋga nanù è hwɛ̀mɛ̀ hwenè hweyà ema hwe hwèlì ŋgundu, aŋga nanù è òŋgama Lohwɛ̀ là lòŋgɛ ema mɔ̀ ndi à hwèki è ŋmanyu nà è rze nà ŋmàànjà nà hwèèmà hwe arzɛ ema hwe hwèlì ò tènì yà awu.

Hwègbèèlì 15:20

Eyà ema irzɔ i hwɛni ò lì gbeyà e hwèlì ndi ò lì hwa tìleyà kààtì nanù ema, hwa rzi làa tɔ̀ mòlèlì ema mò ŋgbààhwà nàa màhwèyà ò hwèrzùmbù èhwanja mòŋgò mòlèlì mò rza rzàŋgi, hwa kiye mòrzònje, hwa kìye ò lì làa hwèembè ema hwe ŋwelì mòtìmà, ndèŋgànɛ̀lɛ̀ hwa rzi laa hvɛ màyija.

Hwègbèèlì 19:26

O naŋgɛ rzɔ, inyɔ hwiti e ma ɛni, na lì hweyà eyà ema ònò mòtò Pàwolò a gbeyà. Mɔ̀ a òhwa nanù ema mòhwa ema mà wòndɛhwɛyi na màà mà hwatò hwa hwènàmà ma rza enje mòohwa. Ndeŋgànɛ̀lɛ̀ mɔ̀ à mà gbeyà rzayi-rzayi ja hwatò e ma hwa hwèlì ò Ɛ̀hvɛ̀rzɔ̀rzì na hwèrzòòkà hwe arzɛ hwe Èrzìyà, hwa lòkɛ̀ nanù ema hweyà ema mɔ̀ à òhwa hwe hwèlì ndi e jɔ̀kɛ̀.

1 Kɔ̀rintìyà 8:1

Nàŋgɛ rzɔ, imba na ohwa lì hvomɛ̀nɛ̀ mòlelì ema mo ŋgbahwa hwèrzùmbu nàa jàhwèyà. Ɛ̀ɛ, i hwi nanù ema, e ohwahwi nanù ema, “Irzɔ hwa arzɛ i hwɛnì lìhwiyè.” Lini lìhwiyè rzɔ, lì jo gbeyà irzɔ hwa arzɛ i hwɛnì kumba. Ndi e ndìŋgɛ e jo ètìrzɛ̀.

1 Kɔ̀rintìyà 8:10

O hwèlì tɛ mòtò ema ŋmèma mo eni mo rza imbamɛ, a ye ɛnɛ tɛ inyɔ ema e ohwa nanù ema e ohvi lìhwiyè e lèeyà o mòokà mo hwèrzùmbu, e rza ɛnɛ nanù ema èŋge nyayi eyà e tànɛyi lì mo kɔ̀mɛ̀lɛ̀ ema a lee mòlelì ema hwa ŋgbelì nàa jàhwèyà o hwèrzùmbu e?

1 Kɔ̀rintìyà 8:11

O èŋgànɛ̀lɛ̀ rzɔ, ono ŋmànyɔ̀ŋgɔ̀ wa aŋgɔ wa ama Krirztò ema mèèmà mo eni mo rza imbamɛ, ema Yerzù ama ŋwèeyà, o nyòla lì hwiye lì aŋgɔ lì ndɛ̀nɛ̀ mɔ̀ à hvàŋgahwè e?

Gàletìyà 4:8

O marzalɛ ema e rzi hwiyɛ Lohwɛ̀, e ma hwɛ ndi hwàkòmì o moohwa ema mà rzi hwɛ̀ɛ tɔ̀ eyà.

Ɛ̀hvìrzìyà 4:6

Lohwɛ̀ lɔ̀kɔ̀ ndi irzɔ hwa arzɛ i gbèeyà ndèŋgàna mɔ̀ ndi à hwèlì Tatɛ̀ hwa irzɔ hwa arzɛ. Mɔ̀ ndi à jo kànèyà irzɔ hwa arzɛ. À jò gbeyà irzɔ hwa arzɛ ò lì gbèeyà tɔ̀ mamɛ ema à arza nanù ema i gbeye, ndèŋgànà mɔ̀ à hwèlì ò tenì yà irzɔ hwa arzɛ nà èlìŋgɛ̀ yà eni yà arzɛ.

1 Tìmotì 1:17

Ŋmàye nà èluhwe hwe hwɛ nà Lohwɛ̀ ò gbìndèyà nà ò gbìndèyà. Mɔ̀ ndi à hwèlì è kiŋgɛ ò gbìndèyà nà gbìndèyà. Mɔ̀ ndi à hwèlì è mɔ̀ ema hwatò hwa rza ɛni nà mììrzɔ̀ mà awu ndeŋgànɛ̀lɛ̀ à rza ŋwa. Mɔ̀ ŋmìti mɛ̀nɛ ndi à hwèlì Lohwɛ̀. Inyɛ̀ wò lìya nanù.

1 Tìmotì 2:5

È hwiyawi nanù ema o hwèlì ndi Lohwà lɔ̀kɔ̀ mɛnɛ. Ndeŋgànɛ̀lɛ̀ o hwèlì ndi mòtò mɔ̀kɔ mɛnɛ ema a jàni Lohwɛ̀ na hwatò hwa hwènàmà o lì rzɔ̀ŋgìtɛ̀nɛ̀ lɔ̀kɔ. Oŋgo mòtò a hwèlì ndi Yerzù Krirztò.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.