1 Kɔ̀rintìyà 8:1 - Mokpwe: Bakwery (New Testament)

¹ Nàŋgɛ rzɔ, imba na ohwa lì hvomɛ̀nɛ̀ mòlelì ema mo ŋgbahwa hwèrzùmbu nàa jàhwèyà. Ɛ̀ɛ, i hwi nanù ema, e ohwahwi nanù ema, “Irzɔ hwa arzɛ i hwɛnì lìhwiyè.” Lini lìhwiyè rzɔ, lì jo gbeyà irzɔ hwa arzɛ i hwɛnì kumba. Ndi e ndìŋgɛ e jo ètìrzɛ̀.

1 Kɔ̀rintìyà 8:1 Mawu Ofanana

Hwègbèèlì 15:10

Nàŋgɛ̀ rzɔ mamɛ ndèŋgàtɛ inyɔ e keka ò lì kèkirzɛ Lohwɛ̀ e? O lì gbeyà nanù ema hwatò ema hwa lòkɛ̀ Yerzù hwa hwànɛ miyuna ema imbamba ja arzu tɔ̀ irzɔ i rza tanɛ lì hwanɛ̀ e?

Hwègbèèlì 15:29

È rzi keka lì làa tɔ̀ mòlelì ema mò ma ŋgbààhwɛ̀ hwèrzùmbù. È rzi keka lì laa màyija, e kìye ò lì làa hwèembè ema hwe ŋwelì mòtìmà. È rzi gbeyà mòrzònje. È ò hwɛ gbamù e rza gbèyi tɛ hwene hweyà. Je ahvìtɛ̀ hwèlìyelì hwe gbamù.”

Hwègbèèlì 21:25

Ndi lì hvòmɛ̀nɛ̀ hwatò ema hwa rza enje wònyà Yudà, ema hwà mà tikòwɛ ò lì jà hwàlòkèlì, irzɔ i ma hwa òmeya itita nanù ema, irzɔ i ma kùlɛ̀ nanù ema, wɔ hwa rza àŋgàmɛ̀nɛ̀yi lì laa tɔ mòlèlì ema mò ma ŋgbààhwɛ̀ mahvɛhvɛ mòòhwà, tɔ̀ hwa rzi nyɔ màyija, ndèŋgànɛ̀lɛ̀ hwa rzi laa hwèembè ema hwe ŋwelì mòtìmà, ndèŋgànɛ̀lɛ̀ hwa rzi gbeyà hvɛ hweyà hwe mòrzònje.”

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

Ròmànì 12:16

È awòhwànɛ̀ wàna hvɔ̀kɔ mɔ̀kɔ na ɔ̀nɛyi. È rzi ayèkirzɛ̀. È hwɛ mbunda na hwatò ema hwa rza òhvɛ hwetɛmelì ema hwe kàrzamì. Inyɛ̀ tɔ̀ mòtò a rzi ɔ̀ŋgɛ̀lɛ̀ nanù ema mɔ̀ à hwɛni lìhwiyè rzayi-rzayi.

Ròmànì 14:10

Mamɛ ndèŋgàtɛ̀ ò kàyìrzɛ̀ wònyanyɔ̀ŋgɔ̀ e? Mamɛ ndèŋgàtɛ̀ ò niya wònyanyɔ̀ŋgɔ̀ e? Èhwanja irzɔ hwa arzɛ, i hwɛnì lì tɛ̀mɛ̀ ò wòrzò wò e kònda ya hwèkàyìrzèlèlì hwe ama Lohwɛ̀.

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Ròmànì 14:19

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

Ròmànì 14:22

Tɔ̀ mamɛ ema e lòkɛ̀yì lì hvòmɛ̀nɛ̀ hwene hweyà e hwèlì ndi ò ìtììtènì ja anyu na Lohwɛ̀. Mònàmɛ̀ mò hwèlì na hwaŋga hwatò ema hwa rza òhvɛ irzɔ̀ni ò mèèmà me awu hwa gbèyi tɛ mamɛ ema hwa hwi nanù ema e hvòmɛ̀nɛ̀yi.

Ròmànì 14:3

Hwàtò ema hwa làa tɔ̀ mamɛ, hwa rzi keka lì niya e wɔ̀ ema hwa rza làa wò làa à làa. Ndèŋgana hwatò hvɛ ema hwa rza làa lòŋgò la hwema hwa rzi kàyìrzɛ̀ hwatò ema hwa làa hwèèmà hwe arzɛ èhwanja Lohwɛ̀ a hwa emelì wɔ̀ hwa arzɛ.

Ròmànì 15:14

Wònyàmòwe kòkò imba mbiti ò tɛ̀ɛ̀tɛ̀ɛ na hwi nanù ema inyɔ hwiti e òhvi mèèmà me gbamù ò lì gbeyà hweyà ema Lohwɛ̀ a arza nanù ema e gbeye, e rzɔ̀ŋgìtɛ̀nɛ̀ hweyà gbamù, ndeŋgànɛ̀lɛ̀ e tànɛyi lì àwòkòlɛ̀nɛ̀ mɔ̀kɔ na ɔ̀nɛyi.

1 Kɔ̀rintìyà 1:5

Linì lì ahvìyànɛ̀ nà Krirztò, lì è gbèyi Lohwɛ̀ à è ŋgbelì hweyà hwe arzɛ. À è gbèyi ema è ohwe Ŋmɛ̀ndì mò Gbamù, nɛ̀ mò hwɛnì lì ohwàhwà. Nà lì è gbeyà hvɛ nanù ema è rzɔ̀ŋgìtɛ̀nɛ̀ hweyà ema hwe mò hvomɛ̀nɛ̀.

1 Kɔ̀rintìyà 10:15

Imba na e ohwìrzɛ̀nɛ̀ ndi nàa hwatò ema e hwi wotumba e àkàyìrzɛ̀ inyɔ hwiti o mamɛ ema Nà è ohweyà.

1 Kɔ̀rintìyà 10:28

Ndi mòtò a o òhwèlì tɛ nanù ema “monò mòlelì mo ma ŋgbààhwà ndi na jàhwèyà o hwèrzùmbu.” O rzi mo làa, o èhwanja òŋgo mòtò a o hwèlì, na metàkirzɛnɛ me ŋmèma.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 15:34

È timbe o mahwiye ma anyu ma jɔ̀kɛ̀, e rzìi gbeyà wòhwe hvɛ. Lòŋgò la anyu e rza hwi Lohwɛ̀. È hwɛnì ndi lì oka ìrzɔnì na oma na ohwa ene eyà.

1 Kɔ̀rintìyà 4:10

Hwatò hwa jo ɔ̀ŋgɔ ndi nàa i hwèlì ndi hwèèti hwe hwatò èhwanja i gbeyà Krirztò, ndi ò inyɔ è ɔ̀ŋgɛ̀lɛ̀ nanù ema è ohvi màhwìyè ehwànja e hweli mòtò mɔ̀kɔ nà Krirztò. Hwàto hwa ɔ̀ŋgɛ̀lɛ̀ nanù ema irzɔ i rza ohvi ŋginyà ya lì gbeyà tɔ̀ eyà, ndi inyɔ è ɔ̀ŋgɛ̀lɛ̀ nanù ema è ohvi e ŋgìnya ema è uhwɛ̀lɛlɛ ò mà Lohwɛ̀. Hwatò hwa rza jo ŋgbaà èluhwe, ndi hwa è ŋgbaà inyɔ èluhwe.

1 Kɔ̀rintìyà 4:18

Lòŋgò la anyu e ma onda na kumba, e ɔ̀ŋgɛ̀lɛ̀ nanù ema na rza e jèeyà hvɛ tɔ̀ wùnyà.

1 Kɔ̀rintìyà 4:6

Wònyanyàŋgò nà ìndòmɛ̀ jà ami è, ò hwenè hweyà hwe arzɛ ema nà ohwa, hwe hwèlì ndi ò nyòla ama Apòlòrzì nà imba, ò lì è òŋgòwàna ò lì rzɔ̀ŋgìtɛ̀nɛ̀. Nà tùhwi ndi irzɔ hwahwàkɛ nà ɛ̀mɛ̀nɛ̀nì, aŋga nanù, è okowa è mbɔrzi ema e ohwa nanù ema, “Moto à gbeyàna ndi hweyà ema hwe tìlàhwì.” Tɔ̀ mɔ̀kɔ wa anyu arza ayèkirzɛ ema o no mòtò mɔ̀ ndi à rzilɛ ɔ̀nɛyi.

1 Kɔ̀rintìyà 5:2

Nɛ inyɔ e àŋgàmɛ̀nɛ̀ lì ohva kumba, ema ene eyà e àŋgàmɛ̀nɛ̀ lì e gbeyà ema e hwɛ̀ɛ rzɔ̀lùu, e àŋgàmɛ̀nɛ̀ lì ulɛ òŋgo mòtò o ŋmèmba mo anyu.

1 Kɔ̀rintìyà 5:6

Èŋge kumba ya anyu e rza lɔ̀wu tɛɛ. Inyɔ e rza hwi nanù ema ene nyayi ya wòhwe e gbèyi ndi nàa ŋmanà ehwindi ema e agbɛlɛ lìwu la mbarzi la ehvòòto e?

1 Kɔ̀rintìyà 8:2

Tɔ̀ ima mòtò ema a ɔ̀ŋgɛ̀lɛ̀ ema a hwi eyà, nanù oma mɔ̀ à rza hwi tɔ̀ eyà na oma a àŋgàmɛ̀nɛyi lì hwiya.

1 Kɔ̀rintìyà 8:4

O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.

1 Kɔ̀rintìyà 8:7

Ndi tɔ̀ nanù, rzeketɛ hwatò hwa arzɛ ndi hwa hwi ene jɔ̀kɛ̀. Lòŋgò la hwàlòkèlì hwa ama Krirztò ema hwà mà nyàmɛ̀lɛ lì kànɛ hwèrzùmbu, hwa hwèlì hwa lùtèyà natɛ̀ɛ na naŋgɛ ema hwa lelì tɛ iŋgi nyayi ja melelì, nanù oma wɔ̀ hwa hwèlì ndi o lì kànɛ hweŋga hwèrzùmbu. Mèemà me awu me rza imbami o èŋgànɛ̀lɛ̀ hwa ɔ̀ŋgɛ̀lɛ̀ ndi ema mòŋgo mòlelì mo ma hwa rzɔ̀kɔ̀.

Ɛ̀hvìrzìyà 4:16

Krirztò à rzàŋga hwatò hwa eni ò èki yɔ̀kɔ nà oma ikɛŋgɛ jà è nyo i làta è nyo yà mòtò. Tɔ̀ ima ènàmà yà nyo è gbèyi tɛ èwòlò yà eni èwòlò, nanù oma è nyo yà arzɛ è oŋga nà lì eta. Nànù hvɛ ndi è hwèlì nà mòndeŋgè mò hwatò hwa ama Lohwɛ̀.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.

Hwèwulùwèlì 2:14

Ndi nà ohvi ŋgùrzù jà hweyà ò lì è teŋgɛ̀nɛ̀. È òhvi hwatò ò ìtììtènì jà anyu ema hwa oŋgama hwèyòkòlèlì hwe ama Bàlàamì. Bàlàamì mɔ̀ ndi à mà uŋmɛ̀lɛ̀ Bàlàkì ò lì timba la wònyà Irzàyɛ̀lì ò lì gbeyà wòhwe nà oma à mà lèè mòlelì ema mò mà ŋgbàhwɛ mahvɛhvɛ mohwà nàa jàhwèyà. À mà gbeyà hwa mà hwɛ lì gbeyà hweyà hwe mòrzònje.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.