1 Kɔ̀rintìyà 7:34 - Mokpwe: Bakwery (New Testament)

³⁴ Èhwanja e nyɔ̀ŋgì ya eni ya akàhwanɛ̀ o mèèmà mo eni. È molànà ema a rzi hwàahwì, tɔ̀ e mɔ̀ ema a rzi hwi mùnyanà, a ika ndi mèèmà mo eni mo arzɛ o lì gbèeyà Rzàŋgo, èhwanja mɔ̀ à ika ndi mèèmà mo eni ma arzɛ, o lì gbeyà Rzàŋgo nà è nyo na èlìŋgɛ̀ yà eni ya arzɛ̀. Ndi e molànà ema a hwàahwì mɔ̀ à luteyà ndi hweyà hwe ene rze ya mɔ̀nyɛ̀, aŋga nanù, mɔ̀ à tànɛyi lì òkìrzɛ̀ e mòjòmɛ̀ wà eni mɔ̀nyɛ̀ŋgì.

1 Kɔ̀rintìyà 7:34 Mawu Ofanana

Yòwanìrzɛ̀ 10:13

È mògbèèlì a hwaŋga e ya eni, èhwanja a akàhwì ndi ò lì gbeyà èwòlò, rzeketɛ ema a hwɛni hvònda ya mèŋge mɛ̀lɛ̀ŋgù.”

Ròmànì 6:13

È rzi inyɛ tɔ̀ èhvàrzù yɔ̀kɔ ya anyu ya enama ya nyò e gbeyànɛhwɛ nàa ɛ̀ɛkɛ̀ ò lì gbeyàna wòhwe. Ndi e aŋgbɛ inyɔ hwìti ò ma Lohwɛ̀ nàa hwatò ema hwa hvɔ̀ɔtɔ̀wi ò kpelì rzìi hwa ŋgbàhwi lòŋgɛ lì hvènya. È ŋgbe inyò ja anyu ja arzɛ ò ma Lohwɛ̀ aŋga nanù, mɔ̀ à e gbeyàna ò lì gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

1 Kɔ̀rintìyà 6:20

À mà è àndana nà wolì wo ndɛnɛ, o èŋgànɛ̀lɛ e gbeyànè inyo ja anyu o èluhwe ya ama Lohwɛ̀.

1 Kɔ̀rintìyà 7:33

Ndi e mòtò wa mùnyanà ema a hwàayi a lùteyà ndi hweyà hwe ene rze, o lì arza lì òkìrzɛ̀ jòjìyɛ̀ wà eni mɔ̀nyɛ̀ŋgì.

1 Kɔ̀rintìyà 7:35

Nà ohwa ndi hwenè hweyà o gbamù wà anyu rzeketɛ o lì e wùnana, na arza ema e gbeyè tɔ̀ mamɛ̀ ema e òŋgòwàna lì gbèeyà Rzàŋgo gbamù nà mèèmà me anyu me arzɛ.

2 Kɔ̀rintìyà 11:28

O ŋmanyu ya hwenè hweyà hwe arzɛ, nà mà ohva hvɛ e nyɔ̀ŋgi wùnyà tɛ o lì oŋgeya ŋmèmba me arzɛ ema me ma hwɛ o rze ya lìkànèyà lì ami.

2 Kɔ̀rintìyà 8:16

Nà èki Lohwɛ̀ nanù ema a ŋgbelì Tàyìtùrzì ŋmèma mo lì e òŋgòwàna, na oma a no ŋgbelì imba hvɛ.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

1 Tɛ̀rzàlonìyà 5:23

Inyɛ̀ Lohwɛ̀ mɔ̀ ŋmìti ema a jo ŋgba ɛ̀yɔ̀lɛ̀ inyɛ a gbeeye inyɔ e hwɛ wòtani o hweyà hwe arzɛ. Inyɛ̀ e tɛ̀yirzɛ èlìŋgɛ̀ na inyɔ hwa arzɛ gbamù, ndèŋgànɛ̀lɛ̀ e rzi hwɛnɛ tɔ̀ lìtɔ̀tì tɔ̀ lɔ̀kɔ la màatò ma wòhwe o nyo ya anyu natɛ̀ɛ na e hvonda ema e Rzàŋgo ya arzu Yerzù Krirztò a o jɛ̀ɛ̀.

1 Tìmotì 3:5

Nà ohwa ndi nanù èhwanja mòtò a rza tànɛyi tɛ o lì timba e la eni lìtumba gbamù, nɛ rzɔ mɔ̀ à tànɛyi o lì ɔŋgeya ŋmèmba mo hwatò hwa Lohwɛ̀ e?

1 Tìmotì 5:5

Mokurze mo molanà ema mo hwèlì ŋmìti ndèŋgàna mo rza ohvɛ mòtò ema a mo ɔŋgeya, mo ika ndi ŋmèma mo eni na Lohwɛ̀. Mono mokurze mo molanà mo lìmeya ndi o lì kanɛ̀ ŋmerze na wuu o lì akowana ema Lohwɛ̀ a mo òŋgowane.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.