1 Kɔ̀rintìyà 7:31 - Mokpwe: Bakwery (New Testament)

³¹ Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

1 Kɔ̀rintìyà 7:31 Mawu Ofanana

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

1 Kɔ̀rintìyà 7:29

Ìi wònyamòwè, mamɛ ema na hwɛnì lì e ohweyà e hwèlì ndi nanù ema, e hvonda ema jo òhvi anù rze ya mɔ̀nyɛ̀ e utù, o èŋgànɛ̀lɛ̀ lì wòteya naŋgɛ lì ɛ̀ndɛ o worzò, tɔ̀ ima mùnyanà ema a hwàayi molànà, a àŋgàmɛ̀nɛyi lì hwiya nanù ema jòjìyɛ̀ ya eni, i rza enje ndi eyà ya wòlìtò o lòŋgɛ la eni.

1 Kɔ̀rintìyà 7:30

O enè ŋgàna mɛnɛ, hwatò ema hwa ɛhwɛ, hwa hwɛ ndi na hwatò ema hwa rza ohvɛ ndùtù. Hwàŋga hwatò ema hwa lìŋga, hwà ɛnɛ ema hwa rza ohvi màlìŋgò. Hwàŋga hwatò ema hwa anda hweemà hwà ɛnɛ̀ nanù ema hwa rza ohvi ndàndɛ̀.

1 Kɔ̀rintìyà 9:18

Màmɛ rzɔ̀ e hwèlì etàŋgì ya amì e? Ètaŋgi ya ami e hwèlì ndi, o lì ohwa Ŋmɛ̀ndì mò Gbamù mo ama Lohwɛ̀, e rzi hwɛ tɔ̀ mòtò tɔ̀ mɔ̀kɔ lì no taŋgeya. Èya èŋge ndeŋgatɛ na rza gbeyàna è wònjà ya ami na ohwa tɛ Ŋmɛ̀ndì mò Gbamù mo òma Lohwɛ̀.

Hibrù 12:27

Nà oma à mà ohwe nanù ema, “Nànù mɛnɛ,” e jo uŋmɛ̀lɛ̀ nanù ema Lohwɛ̀ a o ulɛ hwèèmà hwe arzɛ ema hwe ma nyiŋga o rze. Hweŋge hwèèmà hwe hwèlì ndi hwèèmà ema à mà wèkè. A o gbeyà nanù aŋga nanù hwèèmà ema hwe rza o nyiŋga hwe o lìiya.

Jèmìrzì 4:14

Inyɔ e rza hwi tɔ̀ nɛ ema lòŋgɛ la anyu la ŋmɛlɛ ema wo o jɛɛ lì o hwɛ̀ɛ. Mòŋgɛ ma anyu ma gbèyi ndi nàa lìmbàki ema lì ɛneyà o ŋmanà hvoka wa hvondà rzìi lì nyɔ̀ŋgɔ.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.