1 Kɔ̀rintìyà 7:30 - Mokpwe: Bakwery (New Testament)

³⁰ O enè ŋgàna mɛnɛ, hwatò ema hwa ɛhwɛ, hwa hwɛ ndi na hwatò ema hwa rza ohvɛ ndùtù. Hwàŋga hwatò ema hwa lìŋga, hwà ɛnɛ ema hwa rza ohvi màlìŋgò. Hwàŋga hwatò ema hwa anda hweemà hwà ɛnɛ̀ nanù ema hwa rza ohvi ndàndɛ̀.

1 Kɔ̀rintìyà 7:30 Mawu Ofanana

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Lukàrzɛ̀ 6:21

Mònàmɛ̀ nà inyɔ ema è hweyà njàwò nàŋgɛ èhwanja Lohwɛ̀ à è ujìrzɛ̀. Mònàmɛ̀ nà inyɔ ema è hwèlì ò lùwa nàŋgɛ èhwanja è hwɛnì lì yɔ̀ɔ.

Lukàrzɛ̀ 6:25

Mòjèmà nà inyɔ ema è uji nàŋgɛ èhwanja è hvònda e ò jà ema e tàkàna e njàwò. Mòjèmà nà inyɔ ema è yɔ̀ɔ nàŋgɛ èhwanja è hwɛnì lì ɛ̀hwɛ nà lì eyà.

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

1 Kɔ̀rintìyà 7:29

Ìi wònyamòwè, mamɛ ema na hwɛnì lì e ohweyà e hwèlì ndi nanù ema, e hvonda ema jo òhvi anù rze ya mɔ̀nyɛ̀ e utù, o èŋgànɛ̀lɛ̀ lì wòteya naŋgɛ lì ɛ̀ndɛ o worzò, tɔ̀ ima mùnyanà ema a hwàayi molànà, a àŋgàmɛ̀nɛyi lì hwiya nanù ema jòjìyɛ̀ ya eni, i rza enje ndi eyà ya wòlìtò o lòŋgɛ la eni.

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

Hwèwulùwèlì 18:7

È mo ŋgbe rzayi-rzayi ja mètàkà na ndùtù ŋgelì ihwakɛ nàa èluhwe na lìwɔ̀wìrzɛ̀ la nyo ema à mà aŋgbɛ mɔ̀ ŋmìti. Mɔ̀ a ohwa o tenì ya ŋmèma mo eni nanù ema, ‘Nà lìyayi ndi nàa gbàta, na rza enje mòkurze mo molanà, ndèŋgànɛ̀lɛ̀ na rza o ɛhwɛ hvɛ tɔ̀ wùnyà.’

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”