1 Kɔ̀rintìyà 7:29 - Mokpwe: Bakwery (New Testament)

²⁹ Ìi wònyamòwè, mamɛ ema na hwɛnì lì e ohweyà e hwèlì ndi nanù ema, e hvonda ema jo òhvi anù rze ya mɔ̀nyɛ̀ e utù, o èŋgànɛ̀lɛ̀ lì wòteya naŋgɛ lì ɛ̀ndɛ o worzò, tɔ̀ ima mùnyanà ema a hwàayi molànà, a àŋgàmɛ̀nɛyi lì hwiya nanù ema jòjìyɛ̀ ya eni, i rza enje ndi eyà ya wòlìtò o lòŋgɛ la eni.

1 Kɔ̀rintìyà 7:29 Mawu Ofanana

Lukàrzɛ̀ 14:20

Ohvɛhvɛ mɔ̀ hvɛ rzìi a òhwa nanù ema, ‘Nàŋgɛ mɛnɛ ndi na hwààyi. O èŋgànɛ̀lɛ̀ rzɔ nà rza ò tànɛyi lì jà.’

1 Kɔ̀rintìyà 7:28

Ndi inyɔ hwatò hwa wunyanà e hwàayi tɛ, oma e rza gbèyi tɔ̀ eyà ya wòhwe. Ndi o ene hvonda ya naŋgɛ, molànà a hwàahwì tɛ a rza gbèyi tɔ̀ eyà yà wòhwe. Tɔ̀ nɛ, lìhwa lì jànà rzayì-rzayì ja mètàkà na mètàkà ndi na rza o lìŋgàna nanù ema ya akeyà mene mètàkà me arzɛ.

1 Kɔ̀rintìyà 7:30

O enè ŋgàna mɛnɛ, hwatò ema hwa ɛhwɛ, hwa hwɛ ndi na hwatò ema hwa rza ohvɛ ndùtù. Hwàŋga hwatò ema hwa lìŋga, hwà ɛnɛ ema hwa rza ohvi màlìŋgò. Hwàŋga hwatò ema hwa anda hweemà hwà ɛnɛ̀ nanù ema hwa rza ohvi ndàndɛ̀.

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.