1 Kɔ̀rintìyà 7:26 - Mokpwe: Bakwery (New Testament)

²⁶ Li hvomɛ̀nɛ̀ monò motaka o naŋgɛ, o lɔ̀wu ema hwatò hwa lìya e rzi hwɛ lìhwa na lì hwaahwa.

1 Kɔ̀rintìyà 7:26 Mawu Ofanana

Matiyò 24:19

È ò hwɛ wòhwe ò meŋge mèenyà nà hwalanà ema hwa lìti memi ma awu na e wɔ̀ ema hwa nyɔŋgirzɛ hwàna!

Lukàrzɛ̀ 21:23

È ò hwɛ wòhwe ò mèŋge mèenyà nà hwaŋga hwalanà ema hwa lìti meemì. Nà ì nyàŋgò ema ì nyɔ̀ŋgìrzɛ̀ ŋmɛ̀ɛŋgɛ me hwanà. O ò hwɛ hvɛ wòhwe nà mètàkà rzayì-rzayì ò rze lì hvòmɛ̀nɛ̀ hwanù hwatò.

1 Kɔ̀rintìyà 7:1

Nàŋgɛ lì hvomɛ̀nɛ̀ hweyà ema e ma no tìleya, o lɔ̀wu nanù ema e mòtò wà mùnyanà a rzìi hwaa.

1 Kɔ̀rintìyà 7:27

È hwèlì tɛ ema o hwàayi, o rzi hvaya jòjìyɛ̀ ya aŋgɔ. Ndi o rzi hwàayi tɛ, o rza arza tɔ̀ jòjìyɛ̀.

1 Kɔ̀rintìyà 7:28

Ndi inyɔ hwatò hwa wunyanà e hwàayi tɛ, oma e rza gbèyi tɔ̀ eyà ya wòhwe. Ndi o ene hvonda ya naŋgɛ, molànà a hwàahwì tɛ a rza gbèyi tɔ̀ eyà yà wòhwe. Tɔ̀ nɛ, lìhwa lì jànà rzayì-rzayì ja mètàkà na mètàkà ndi na rza o lìŋgàna nanù ema ya akeyà mene mètàkà me arzɛ.

1 Kɔ̀rintìyà 7:8

Nà e ohweyà rzɔ inyɔ ema e rza hwaahwɛ tɔ̀ lìhwa, na mekurze nanù ema, o lɔ̀wu ema e rzìi hwaahwa tɔ̀ lìhwa, na oma imba hvɛ na rza hwàayi.

2 Tɛ̀rzàlonìyà 2:2

e rzi keka lì ahwèŋgɛ̀ o lì tameya màlùtèyà ma anyu, tɔ̀ e rzi keka lì emeyà nanù ema na oma hwatò hwa ohwa nanù ema wùùnya wo ama Rzàŋgo wo ma uka. Aŋgàmɛnɛ hwatò hwa hwèlì hwa lùteyà nanù ema, irzɔ i ma ohwa ene eyà na oma èlìŋgɛ̀ e ma jo lìyɛlɛ o lì ohwa hweyà ema i ma ohwe, tɔ̀ na oma i ma hwɛ lì e ohweyà ŋmɛ̀ndì mò gbamù, tɔ̀ na oma i ma e tìleya e yɔ o kààti. Ndi irzɔ i rzi gbeye nanù.

1 Pètrò 4:17

È hvonda e ma uka ema hwèkàyìrzèlèlì hwe hwɛni lì wòteyà ema Lohwɛ̀ a hwɛni lì wòteyà lì kàyìrzɛ̀ hwatò. Mɔ̀ a o wòteyà ndi o lì kàyìrzɛ̀ hwatò hwa eni. È hwèlì tɛ nanù ema Lohwɛ̀ a tanɛ tɛ lì jo wotàneya irzɔ ema i hwèlì hwatò hwa ama Krirztò, mamɛ e o hwɛ e mbàko ya hwaŋga hwatò ema hwa rza lòkɛ̀ɛ Ŋmɛ̀ndì mò Gbamù ema mo uwɛ̀lɛ̀lɛ̀yì o ma Lohwɛ̀ e?