1 Kɔ̀rintìyà 7:17 - Mokpwe: Bakwery (New Testament)

¹⁷ Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

1 Kɔ̀rintìyà 7:17 Mawu Ofanana

Matiyò 19:12

È hwɛni lì hwiya nanù ema, màandà mà kòki ɔ̀ndeŋgàtɛ̀ lòŋgò la hwatò hwa rza hwaa hwalana. Èhwanja nanù ndi lòŋgò la awu hwà mà ŋyahwɛnɛ, hwanɛ̀yi hvɛ hwatò ndi hwà mà hwa gbeyà ò lì hwɛ nanù, lòŋgò hvɛ hwa agbèelɛ ndi nanù aŋga nanù hwa gbèeyà èwòlò ya lìkànèyà là ama Lohwɛ̀. Inyɛ̀ e mɔ̀ ema a tanɛ ò lì emeyà hwene hwèyòkòlèlì inyɛ a hwe emeyà.”

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

1 Kɔ̀rintìyà 11:16

Ndi mòtò a arza tɛ lì tàànà ene eyà hvenda, mamɛ ya arzɛ na hwɛnì lì ohwa e hwèlì ndi nanù ema irzɔ tɔ̀ miitelì me arzɛ i rza ohvi ehvɛhvɛ ɛ̀ɛ̀mɛ̀ ya lì kanɛ̀ Lohwà.

1 Kɔ̀rintìyà 11:34

Tɔ̀ ima mòtò ema a hweyàa e njàwò, a lee o ndawò ya eni aŋga nanù a rza gbeyà eyà ema Lohwɛ̀ a e kàyìrzɛ̀ e arzàŋganɛ tɛ. Ndi lì hvomɛ̀nɛ̀ hwenɛyi hweyà, na jelì tɛ na e ohweyà nɛ e hwɛnì lì hwe gbèeyà.

1 Kɔ̀rintìyà 14:33

Èhwanja Lohwɛ̀ a rza enje Lohwà la lùwànje, a hwèlì ndi Lohwà la ɛ̀yɔ̀lɛ̀. Nànù ndi e hwɛnì lì hwɛ o hwèlìyelì hwe hwatò hwa ama Lohwà.

1 Kɔ̀rintìyà 16:1

Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.

1 Kɔ̀rintìyà 4:17

Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

1 Kɔ̀rintìyà 7:18

Ène ŋgàna e hwèlì ndi ema, e mòtò ema à mà loma lì endàhwà, ndèŋgàna Lohwɛ̀ a e mo hvɔ̀rzɔ̀, a rza tànɛyi lì keka o lì ulɛ hwetɛ̀ndɛ hwe lì endàhwà. Oŋgo mùnyanà mɔhvɛ ema a rzi endàhwɛ̀ ndèŋgàna Lohwɛ̀ a e mo hvɔ̀rzɔ̀, a rzi keka lì endàhwà.

1 Kɔ̀rintìyà 7:24

Ìi wònyànyàŋgò hwa ami, na arza ema inyɔ e lìiya ndi o ŋmèmba na Lohwɛ̀ nàa e hvonda ema à mà e hvɔ̀rzè.

1 Kɔ̀rintìyà 7:7

Nà lìŋgànì nanù ema inyɔ hwa arzɛ e hwɛ ndi nàa imba ema na rza hwàayi. Ndi tɔ̀ ima mòtò a ohvi e ja eni jàhwèyà, ema Lohwɛ̀ a mo ŋgbelì, mɔ̀kɔ a ohvi e nyìrzɛ̀ ya lìhwà, ɔ̀nɛyi mɔ̀hvɛ a rza ohvi.

2 Kɔ̀rintìyà 11:28

O ŋmanyu ya hwenè hweyà hwe arzɛ, nà mà ohva hvɛ e nyɔ̀ŋgi wùnyà tɛ o lì oŋgeya ŋmèmba me arzɛ ema me ma hwɛ o rze ya lìkànèyà lì ami.

2 Kɔ̀rintìyà 8:18

I mo òmani na ɔhvɛhvɛ ŋmanyàŋgo wa arzu wa Krirztò ema a hwiyɛnɛyi o ŋmèmba me arzɛ na oma a ohwa Ŋmɛ̀ndì mò Gbamù.

Gàletìyà 1:22

O eŋge hvonda ŋmèmba mò hwatò hwa mìitelì mò erzòokà ya Jùdeyà hwa rzi no hwiye hvɛ tɔ̀.

1 Tɛ̀rzàlonìyà 2:14

Ìi wònyàmòwe kòkò, nyayi ya eyà yɔ̀kɔ mɛnɛ ema e ma e gbèyɛ̀nɛ o mèemba me hwatò hwa ama Lohwɛ̀ ema hwa lòkɛ̀ Yerzù Krirztò ema hwa hwèlì o Jùdeyà, yɔ ndi e ma e gbèyɛ̀nɛ inyɔ hvɛ. Inyɔ e ma tàkìrzɛ̀hwɛ o màà mà hwanu hwatò na oma wɔ̀ hvɛ hwà mà take o màà mà hwatò hwa Irzàyɛ̀lì.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.