1 Kɔ̀rintìyà 7:10 - Mokpwe: Bakwery (New Testament)

¹⁰ Rzàŋgo Yerzù rzɔ ndi à ohwèlì hwatò ema hwa hwààyì nà hwaŋga ema hwa hwààhwi hwenè hweyà rzeketɛ imba. A ohwi ndi nanù ema è jòjìyɛ̀ è rzi hwɛmɛ mòjòmɛ̀ mò eni.

1 Kɔ̀rintìyà 7:10 Mawu Ofanana

Matiyò 5:32

Ndi imba nà è òhwèyà nanù ema, tɔ̀ ima mòtò ema à hvayì jòjìyɛ̀ wà eni ò lìhwa, è rzi hwɛ ema à mò lùwànì njɔ̀mi yà mòrzònje, rzi òŋgò mòlanà à hwààhwà òhvɛhvɛ munyanà, nanù òma è mòjòmɛ̀ wà eni ema à mò hvayi ò lìhwa mɔ̀ ndi à mò gbèyi ema à gbèyè mòrzònje. Tɔ̀ ima mòtò hvɛ ema à hwàà è mòlanà ema à hvayahwi ò lìhwa nanù òma mɔ̀ hvɛ à undi ò mòrzònje mò lìhwa.”

Makòrzì 10:2

Lòŋgò là Ihvalìrzàyì hwa mà jà ò lì mò kèkirzɛ̀. Hwa mò ijòwa nanù ema, “Ò jò òhweyà, è mbenda è arzu è ŋgbelì mòjòmɛ̀ wònjà nanù ema à hvayè jòjìyɛ̀ wà eni e?”

Lukàrzɛ̀ 16:18

“Tɔ̀ ima mòtò ema à hvayì jòjìyɛ̀ wà èni ò lìhwa, rzìi a hwàà òhvɛhvɛ mòlanà, òma à gbèyi mòrzònje. Tɔ̀ imà mòtò hvɛ ema à hwààyi mòlanà ema à hvayahwì ò lìhwa, òma a gbèyi mòrzònje.

1 Kɔ̀rintìyà 7:11

“Ndi imba nà è òhweyà ema, jòjìyɛ̀ a hwɛmi tɛ e mòjòmɛ̀ wà eni, a rzi keka lì hwaahwa ohvɛhvɛ mùnyanà, tɔ̀ a gbeye màrzèèlì na è mòjòmɛ̀ wà eni.” È mòjòmɛ̀ a rzi keka lì hvàya e jòjìyɛ̀ yà eni o lìhwa.

1 Kɔ̀rintìyà 7:12

O hwanɛ̀yi hwatò, imba ndi nà è ohweyà, rzeketɛ Rzàŋgo Yerzù. Tɔ̀ ima mòtò wà wònyà Krirztò ema a ohvi mòlanà ema a rza lòkɛ̀yì Krirztò, ema a lìŋganì lì lìya na mɔ̀, òŋgo mòtò a rzi mo hvàyà o lìhwa.

1 Kɔ̀rintìyà 7:15

Ndi e mòjòmɛ̀ tɔ̀ e jòjìyɛ̀ ema e rza enje mòlòkèlì wà ama Krirztò, a inɛlɛyi tɛ ema mɔ̀ à anjìyà o lìŋgì lìhwà, inyɛ mɔ̀ à ɛ̀ndɛ. O ene tumbà hwehwɛ̀ɛlì, e mòjòmɛ̀ tɔ̀ e jòjìyɛ̀ ema e lòkɛ̀yì Krirztò e rza kakahwi na èŋge mbenda ya lìhwa. Lohwɛ̀ a jo lati ndi o lì lìya na ɛ̀yɔ̀lɛ̀.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

1 Kɔ̀rintìyà 7:40

Ndi o màlùtèyà ma ami, à ò lìŋga, e hwèlì tɛ ema a rza o hwàahwa ohvɛhvɛ mùnyanà. Èlìŋgɛ̀ yà ama Lohwɛ̀ yɔ̀ndi è nò lìyɛ̀lɛ̀ o lì e ohweyà hwenè hweyà hwe arzɛ.

1 Kɔ̀rintìyà 7:6

Nà e òhwèlì ndi ene eyà nàa màyowà, rzeketɛ lìkànèyà ndi na e kànelì.