1 Kɔ̀rintìyà 6:9 - Mokpwe: Bakwery (New Testament)

⁹ Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

1 Kɔ̀rintìyà 6:9 Mawu Ofanana

Matiyò 19:29

Tɔ̀ ima mòtò hvɛ ema à mà hwɛmɛ mandawò me enì, wònyànyàŋgò tɔ̀ indòmɛ ja eni, e rzaŋgò tɔ̀ e nyàŋgò, hwàànà na erzaŋgò ya eni ya arzɛ ò nyòla ami a hwe lùwa egbe ya ŋgelì, a lùwa hvɛ lòŋgɛ la gbìndèyà.

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Lukàrzɛ̀ 21:8

Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.

Hwègbèèlì 20:32

O naŋgɛ nanù na e lì ò màà mà ama Lohwɛ̀ nanù ema a e ɔŋgeya. Ŋmɛ̀ndì ema nà mà e òhweyà lì hvòmɛ̀nɛ̀ e ndèli ya ama Lohwɛ̀ mò e òŋgòwàna. Nà hwɛni ŋginyà ò lì e ètìrzɛ̀ ndèŋgànɛ̀lɛ̀ na e ŋgba e ndèli ema Lohwɛ̀ à mà rzekeya hwatò hwa eni.

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

Ròmànì 1:18

Hwètàtò hwe ama Lohwɛ̀ hwe awuluhwɛyi lì anjiya ò ŋmanyu yà lohwà, lì teŋgɛ̀nɛ̀ wòhwe hwa arzɛ ema hwatò hwa gbeyà nà hweyà hwe wòhwe hwe arzɛ ema hwatò hwa gbeyà. Hweŋge hweyà hwe wòhwe hwe iŋgà hwatò ò lì nɔ̀ŋgɔ è jɔ̀kɛ̀.

1 Kɔ̀rintìyà 15:33

I rzi ɔnjɔwɔ, “Yorza ya wòhwe e hvaŋga ɛ̀ɛ̀mɛ̀ ya gbamù.”

1 Kɔ̀rintìyà 15:50

I wònyàmowe, mamɛ ema na e ohweyà e hwèlì ndi nanù ema, yòma ema e wèkahwì ema ya ohvi nyo na màyija, e rza tanɛ lì lùwa hweyà hwe lìkànèyà la ama Lohwɛ̀. I nyo ema jo ò hwɛ natɛ̀ɛ nà ò mòlìkɛ̀ i rza o lùwa hweyà ema hwe o hwɛ natɛ̀ɛ na o mòlìkɛ̀.

1 Kɔ̀rintìyà 3:16

Nà lòkɛ̀yi nanù ema e ayèmbɛ inyɔ hwa arzɛ nanù ema e hwèlì ndi nàa e Ndawò yà Lohwà. Ndèŋgana èlìŋgɛ̀ ya ama Lohwɛ̀ e hwèlì, e lìyayi o ìtììtènì ja anyu.

1 Kɔ̀rintìyà 5:1

Nà lùu hvotɛ nanù ema o hwèlì mòrzònje ò ìtììtènì ja anyu. Èŋge nyàyi yà mòrzònje ema tɔ̀ hwaŋga ema hwa rza hwiyɛ Lohwɛ̀ hwa rza gbeyà. Nà ohwàhwɛ̀lɛ̀ nanù ema mòtò mɔ̀kɔ hwa anyu a wòwani rzaŋgo wà eni jòjìyɛ̀ wà eni ò lì mò nàŋgana.

1 Kɔ̀rintìyà 5:10

Nà rza ohwa ndi lì teŋgɛ̀nɛ̀ hwatò ema hwa rza lòkɛ̀yi Lohwɛ̀, tɔ̀ nɛ lòŋgo hwa hwèlì mɔ̀lɔ̀kɔ̀rzɔ̀ mo mòrzònje, e wɔ̀ hwa hwèlì wɔ̀, hwayihwɛ lòŋgo hvɛ ema hwa kanɛ̀lɛ̀lɛ̀ hwèrzùmbu. È rza tànɛyi lì hwaŋga ini nyayi ja hwatò natɛ̀ɛ na lìrzako ema e lìyà e rze.

1 Kɔ̀rintìyà 5:11

È mòtò ema nà mà e tìleya nanù ema e rzi lata ŋmèmba na mɔ̀, a hwèlì ndi mòtò ema a ahwɛlɛ mɔ̀ ŋmìti e mòlòkèlì ndi à hwèlì ndɔ̀ki, njɔ̀ŋgu, a kànɛ̀lɛ̀lɛ̀ lòohwà là mòlàŋgà, a hwèlì mèhvìlì, a nyɔ mìimbà a woma tɔ̀ a hwèlì ndi ŋmìhwɛ̀. O rzi keka hvɛ tɔ̀ lì lìya o rze o lì làa tɔ̀ mòlelì na ene nyayi ya mòtò.

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

1 Kɔ̀rintìyà 6:18

È rzɔ̀rzè mòrzònje. Tɔ̀ ima nyayi ya wòhwe ema mòtò a gbeyà mo rzà mò hvàŋga è nyo yà eni nàa wòhwe wo mòrzònje wo gbeyà ndi è mòtò ema à gbeyà ndi mòrzònje, à gbeyà wòhwe lì teŋgɛ̀nɛ̀ e nyo yà èni.

1 Kɔ̀rintìyà 6:19

È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.

1 Kɔ̀rintìyà 9:24

È rza hwi nanù ema o lìhwaŋgi tɔ̀ ima mòtò a hwaŋga, ndi mòtò mɔ̀kɔ mɛnɛ ndi à rzuwa rzi a lùwa morzawelì e? O èŋgànɛ̀lɛ̀ e hwaŋge lìhwaŋgi e luwe morzawelì.

2 Kɔ̀rintìyà 12:21

Nà oka wɔ̀ŋgɔ̀ hvɛ nanù ema na e jɛlɛlɛ hvɛ tɛ, Lohwɛ̀ a o no enyìrzɛ̀ o worzo hwa anyu. Ndèŋgànɛ̀lɛ̀ na o hwɛ rzɔ̀lùu èhwanja rzayì-rzayì ja hwatò ò ìtììtènì ja anyu hwa lìmelì ndi o lì gbeyà hweyà hwe wòhwe ema hwà mà hwɛ lì gbeyà o mòlòmɛ̀ e rzi hwɛ lì atìkòwɛ̀ o lì gbeyà mamɛ ema Lohwɛ̀ a arza. Hwa gbeyà hweyà hwe mbindo, hwa gbeyà hweyà hwe mòrzònje na lì gbeyà hweyà hwe mbindo ema hwe hwa jànà ìrzɔnì.

Gàletìyà 6:7

È rza alukɛlɛ inyɔ hwiti. Tɔ̀ mòtò a rzi keka lì ɔ̀ŋgɛ̀lɛ̀ nanù ema a tanɛ a lukɛlɛ Lohwɛ̀. Tɔ̀ mamɛ ema mòtò a oni, yɔ̀ ndi à hwɛni lì rzàŋgà.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Hibrù 12:16

È àŋgàmɛ̀nɛ̀yi lì ɛnɛ nanù ema tɔ̀ mɔ̀kɔ wa anyu a rza hwɛnɛ lòŋgɛ la mòrzònje, ndèŋgàna e rzi gbeyà hweyà nàa hwatò ema hwa rza ohvɛ tɔ̀ eyà o lì gbeyà na Lohwɛ̀, nàa Èrzàwù à mà gbeye. Èrzàwù à mà àhwirzɛ̀ è wònjà ya eni nàa e molulu wa ŋmanà wa mùnyanà o nyòla lìhvurzu la mòlelì.

Hibrù 13:4

Tɔ̀ ima mòtò ema a hwèlì o ndawò ya lìhwa a hwɛnì lì ŋgbà lìhwa èluhwe. Mojomɛ na jòjìyɛ̀ hwa rza hwɛni lì gbeyà mòrzònje mo Lìhwa o tenì ya lìhwa la awu. Lohwɛ̀ à kàyìrzɛ̀ hwaŋga ema hwa gbeyà hweyà hwe morzonje na e wɔ̀ ema hwa gbèeyà morzonje mo lìhwa.

Jèmìrzì 1:16

Ìi wònyànyàŋgò wà ami kòkò, e rzi keka lì alùkɛ̀lɛ̀nɛ inyɔ hwiti.

1 Yòwanìrzɛ̀ 3:7

Inyɔ ema e hwèlì nàa hwàanà hwa ami, e rzi keka lì emeyà nanù ema tɔ̀ mòtò tɔ̀ mɔ̀kɔ a e lùkɛlɛ. È mɔ̀ ema a gbèyi mamɛ ema e hvomɛ̀nɛ̀ nanù oma a hwèlì ehve-ehve, ŋgàna hvɔ̀kɔ na oma mɔ̀ Krirztò a hwèlì ehve-ehve.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.