1 Kɔ̀rintìyà 6:12 - Mokpwe: Bakwery (New Testament)

¹² Mɔ̀kɔ wà anyu à tànɛyi a ohwa nanù ema, “Nà hwɛnì wònjà lì gbeyà tɔ̀ mamɛ ema na lìŋganì.” Nà è jɔ̀kɛ̀! Ndi nà ohwi ema rzeketɛ tɔ̀ ima eyà ndi ye è lɔ̀ɔni. Nà tànɛyi lì ohwa nanù ema mɔ̀kɔ wà anyu a tànɛyi hvɛ lì ohwa nanù ema, na ohvì wònjà o lì gbeyà tɔ̀ mamɛ ema na lìŋgàni, ndi o rza enje tɔ̀ eyà ema e tànɛyi lì no gbeyà ema na timbeya mòkòmì.

1 Kɔ̀rintìyà 6:12 Mawu Ofanana

Yòwanìrzɛ̀ 5:10

Nà òma hwàkànèlì hwa wònyà Yudà hwa mà ɛnɛ òŋgò mòtò ema Yerzù à mà wɔ̀wìrzɛ̀ rzìi hwa mò ijòwa nanù ema, “Wùùnyà wò yàwònò wò hwèlì ndi Wùùnyà wò lì Arzìyòlɛ̀. È hwèlì ndi eyà è teŋgɛ̀nɛ̀ è mbenda ema ò hwanɛ̀ lìkɔ̀kɔ̀ lì aŋgɔ̀ nà lì ahwànà.”

Ròmànì 7:14

I hwi nanù ema e mbenda ema jò òhwa nanù e hwèlì ndi eyà ya hwèlìŋgɛ̀ ndi imba nà hwèlì ndi e mòtò wa hwènàmà ema na àhwirzɛ̀hwɛ̀ nàa mòkòmì ò wòhwe.

1 Kɔ̀rintìyà 8:4

O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.

2 Tɛ̀rzàlonìyà 3:9

I ma gbeyà nanù rzeketɛ ema i rzi hwɛnɛ wònjà o lì e ohweyà nanù ema e jo òŋgòwànè. Ndi i ma hwɛ lì gbeyà nanù aŋga nanù tɔ̀ ima lìtumba la eyà ema i gbèeyà, e o hwɛ ndi nàa embànelì ema inyɔ hvɛ e aŋgàmɛnɛ lì oŋgama.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.