1 Kɔ̀rintìyà 5:8 - Mokpwe: Bakwery (New Testament)

⁸ O èŋgànɛ̀lɛ̀ rzɔ ya anjàwòlɛ̀ o ene ndèma, rzeketɛ na lìwu la mbarzi lì hvènya, na ehwindi ya mbolowa. Ɛ̀ɛmɛ̀ ya arzu ihvonda ja arzɛ e hwɛnì ndi lì hwɛ nàa hwatò hwa ama Lohwɛ̀, ene ŋgàna e hwèlì ndi ema i rza gbeyà hweyà hwe wòhwe ndèŋgàna i rza ohva hvɛ ɛkɔ̀ni. Irzɔ i hwɛnì lì hwɛnɛ hwɛ̀ɛ̀mɛ̀ hwe hvènya, o lì oŋgamà Krirztò na ŋmèma mɔ̀kɔ, i hwɛnì hvɛ lì ohwa e jɔ̀kɛ̀.

1 Kɔ̀rintìyà 5:8 Mawu Ofanana

Matiyò 16:12

Hwà-òkòwèlì hwa eni rzìi hwa rzɔ̀ŋgìtɛ̀nɛ̀ nanù ema Yerzù a rzi hwɛ̀ ndi lì hwa òhweyà ema hwa aŋgòhweyà ehwindi ema hwa gbeyàna hwèhvòòtò. Ndi à mà hwɛ ndi lì hwa òhweyà ema hwa àŋgòhweyà hwèyòkòlelì hwe Ihvàlìrzàyì na Irzàdùrzì.

Matiyò 16:6

Yerzù rzìi a hwa òhweyà nanù ema, “È àŋgòhweyà ehwìndi yà Ihvalìrzàyì nà Irzàdùrzì.”

Makòrzì 8:15

Yerzù rzìi a hwa kòkòwɛ̀lɛ̀ nanù ema, “È àŋgòhweyà ehwìndi yà Ihvalìrzàyì nà è yà ama Hɛ̀rɔ̀dì.”

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Yòwanìrzɛ̀ 1:47

Nà òma Yerzù à mà ɛnɛ Nàtànìyɛ̀lì à jà rzìi à òhwa lì mò hvòmɛ̀nɛ̀ nanù ema, “Ɔ̀ŋgɔ tɛ, è timɛtìmɛ yà ŋmanà wà mùnyanà hwa Irzàyɛ̀lì ònò mòtò ema à rza òhvɛ̀yi tɔ̀ njɔ̀mi!”

1 Kɔ̀rintìyà 3:3

Èhwanja e hwèlì e nɔ̀ŋgɔ ndi hweyà hwe e nyàmà yà nyo. È a ohvanɛyi inona mɔ̀kɔ na ɔ̀nɛyi. È tɔ̀wɔ hvɛ metaŋgo mɔ̀kɔ na ɔ̀nɛyi. Rzeke hwenè hweyà hwe uŋmɛ̀lɛ̀ nanù ema hwègbèèlì hwe wòhwe hwe e nyàmà ya nyo hwe hwèlì hwe e kànèyà e? Rzekè inyɔ e hwèlì e lìya ndi nàa hwatò hwa ène rze.

1 Kɔ̀rintìyà 5:1

Nà lùu hvotɛ nanù ema o hwèlì mòrzònje ò ìtììtènì ja anyu. Èŋge nyàyi yà mòrzònje ema tɔ̀ hwaŋga ema hwa rza hwiyɛ Lohwɛ̀ hwa rza gbeyà. Nà ohwàhwɛ̀lɛ̀ nanù ema mòtò mɔ̀kɔ hwa anyu a wòwani rzaŋgo wà eni jòjìyɛ̀ wà eni ò lì mò nàŋgana.

1 Kɔ̀rintìyà 5:6

Èŋge kumba ya anyu e rza lɔ̀wu tɛɛ. Inyɔ e rza hwi nanù ema ene nyayi ya wòhwe e gbèyi ndi nàa ŋmanà ehwindi ema e agbɛlɛ lìwu la mbarzi la ehvòòto e?

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

2 Kɔ̀rintìyà 8:8

Nà rza e kànèyà ndi ema e gbeye ndi nanù. Ndi na oma na ɛnɛ hwatò ema hwa lòkɛ̀ hwa oŋgòhwànà hwanɛ̀yi hwatò, na arza nanù ema inyɔ hvɛ e awuŋmɛ̀lɛ̀ na oma e lìŋgàni hwanɛ̀yi hwatò.

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.