1 Kɔ̀rintìyà 5:5 - Mokpwe: Bakwery (New Testament)

⁵ È ŋgbe rzɔ òŋgo mòtò o ma Mòkarzɛ̀, oma èŋge nyo ya eni ya wòhwe e ma hvàŋgahwà o lì mo rzuŋga èlìŋgɛ̀ ya eni o wùnyà ema Rzàŋgo Yerzù a jà.

1 Kɔ̀rintìyà 5:5 Mawu Ofanana

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Lukàrzɛ̀ 22:31

“Rzìmɔ̀nì e, ìi Rzìmɔ̀nì e, òkànèyà tɛ! Mòkarzɛ̀ à lu wònjà ò lì e kèkirzɛ nà ò lì e kakòwa. À ikà e hwa gbamù nà è hwa wòhwe. Nà òmà mòtò a rzɛ̀ŋgbɛ ì mbàrzi ò lì ulɛ hweyarza.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

1 Kɔ̀rintìyà 11:32

Ndi i kàyìrzɛ̀hwɛ tɛ na lì kɔ̀kìrzɛ̀hwɛ̀ na e Rzàŋgo, i rza kɔ̀kìrzɛ̀hwɛ̀ na ene rze.

1 Kɔ̀rintìyà 5:13

Lohwɛ̀ a kàyìrzɛ̀ hwaŋga hwatò ema hwa rza enje o mòndeŋgè mò wònyà Krirztò. È tìlahwì o kààtì ya Lohwà nanù ema, “È hwɛnì lì ulɛ òŋgo mòtò wa wòhwe o ìtììtènì ja anyu.”

2 Kɔ̀rintìyà 10:6

È hvonda ema e o gbeyɛ na oma Krirztò a arza nanù ema e gbeye na mèèmà me anyu me arzɛ, o eŋge hvonda ɔ̀ndi irzɔ jo ò rzekeya o lì kɔ̀kìrzɛ̀ tɔ̀ ima mòtò ema awuŋmɛ̀lɛ̀ nanù ema mɔ̀ à rza o gbeyà na oma Krirztò a arza nanù ema a gbeye.

2 Kɔ̀rintìyà 12:7

O lì arza nanù ema na rza a uŋmɛ̀lɛ̀ imba mbiti o hweyà hwe mànyakà hwɛ̀ndɛnɛ ema Lohwɛ̀ a no uŋmɛ̀lɛ̀ na o lì gbeyà ema na hweye. A gbeyà nanù ema na hwɛni nyàmbɛ o nyo ya ami ema e no ŋgba mòrziyò mondɛnɛ. Ène nyàmbɛ e ma hwɛ ndi nàa meerzenja ema Mòkarzɛ̀ à mà ome o lì no tàkìrzɛ̀ aŋga nanù na rza ohva kumba.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

Hvìlipìyà 1:6

Nà lòkɛ̀yi nanù ema Lohwɛ̀ ema à mà wòteyà ò lì gbeyà hwene hwèwòlò hwe gbamù ò ìtììtènì ja anyu, à hwɛ ndi ò lì hwe gbeyà natɛ̀ɛ à hwe kulɛ̀ Wùùnyà ema Yerzù Krirztò à ò tìmbɛ̀ ò lì jà.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Pètrò 3:12

Inyɛ̀ è hwɛnɛ ene ɛ̀ɛ̀mɛ̀ nà oma è ambɛlɛlɛ wùùnyà ema Lohwɛ̀ à mà rzèkeyà nanù ema Krirztò à jà. È à tàkirzɛ aŋga nanù woŋgo wùnyà wò akɛlɛ lì jà. Ò wòŋgo wùnyà mùùnya mò kùwa lì rzɛ̀lɛ̀ lìwòhwɛ là ŋmanyu là arzɛ ndèŋgànɛ̀lɛ̀ mò rzɛ̀lɛ̀ hwèèmà hwe arzɛ ema hwe hwèlì ò ŋmanyu.

1 Yòwanìrzɛ̀ 5:16

Tɔ̀ ima mòtò ema a ɛni ŋmanyàŋgò wa eni a undi o wòhwe ema wo rza mo lìyɛlɛ o kpelì, mɔ̀ à mo kànɛ̀lɛlɛ aŋga nanù Lohwɛ̀ a mo ŋgba lòŋgɛ. Hwàto ema na ohwa nanù ema inyɔ e kànɛlɛlɛ, hwa hwèlì ndi hwatò ema wòhwe wo awu wo rza oŋwa èlìŋgɛ̀ ya awu. O hwèlì wòhwe ema wo òŋwa èlìŋgɛ̀. È hwèlì tɛ nanù ema mòtò a undi tɛ o tenì ya woŋgo wòhwe, na rza ohwa nanù ema e kànɛlɛlɛ oŋgo mòtò.