1 Kɔ̀rintìyà 5:3 - Mokpwe: Bakwery (New Testament)

³ Ndi tɔ̀ nɛ na rza enje na inyɔ o naŋgɛ, na e ɔ̀ŋgɛ̀lɛ̀ ihvonda ja arzɛ. O èŋgànɛ̀lɛ̀ rzɔ nà mà màa lì akɛlɛ hwèkayirzelì hwe ami o lì teŋgɛ̀nɛ̀ e mɔ̀ ema a gbèyi ene nyayi ya eyà.

1 Kɔ̀rintìyà 5:3 Mawu Ofanana

1 Kɔ̀rintìyà 5:12

Nà rza hwɛnì tɔ̀ wònjà o lì ohwa nanù ema hwa kɔ̀kìrzɛ̀ hwatò ema hwa rza enje hwatò hwa Lohwɛ̀. Ndi e hwèlì ndi èwòlò ya anyu o lì kàyìrzɛ̀ hwaŋga hwatò ema hwa hwèlì o tenì ya mòndeŋgè mò hwatò hwa Lohwɛ̀, ema hwa gbeyà wòhwe.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 10:11

Hwàŋga hwatò ema hwa ohwa nanù, wɔ̀ hwa hwi nanù ema tɔ̀ mamɛ ema na tìlì o kààtì e hvonda ema na rza enje na inyɔ, e hvonda ema na hwèlì na inyɔ na e gbeyà.

2 Kɔ̀rintìyà 13:2

È hvonda ema nà mà e jèeya o ŋgèlì ema e ùkirzɛ̀ ihwakɛ, nà mà e ohweyà nanù ema na o kɔ̀kìrzɛ̀ hwatò ema hwa gbeyà wòhwe o ìtììtènì ja anyu. Nà hwèlì na hwa ohweyà hvɛ nàŋgɛ, ndèŋgànɛlɛ na ohweyà hvɛ hwahvɛhvɛ hwatò ema wɔ̀ hvɛ hwa gbeyà wòhwe tɔ̀ nàŋgɛ ema na rza enje na inyɔ. È hvonda ema na o jɛ̀ɛ̀ hvɛ na rza o òkeya tɔ̀ mòtò tɔ̀ ììlì.

Kòlòrzìyà 2:5

Tɔ nɛ na rza enje na inyɔ o nyo, na hwèlì na inyɔ o èlìŋgɛ̀. Tɔ nɛ imba na rza enje na inyɔ na ohvi mɔ̀nyɛ̀ŋgì nanù ema lì lòkɛ̀ la anyu o ma Krirztò lì imbami nanù mɛnɛ.

1 Tɛ̀rzàlonìyà 2:17

Ìi wònyàmòwe kòkò, jo òhwa nanù ema i ma akakowɛ na inyɔ o ŋmanà hvòkà ya hvonda. Tɔ̀ nɛ i rza enje ndi èki yɔ̀kɔ na inyɔ, i hwèlì lì e ɔ̀ŋgɛlɛ nanù mɛnɛ. Nà oma i hwɛni e nyɔ̀ŋgi ndɛnɛ o lì e ɛnɛ, i ma atàkìrzɛ̀ rzayi-rzayi o lì e ɛnɛ hvɛ.