1 Kɔ̀rintìyà 5:11 - Mokpwe: Bakwery (New Testament)

¹¹ È mòtò ema nà mà e tìleya nanù ema e rzi lata ŋmèmba na mɔ̀, a hwèlì ndi mòtò ema a ahwɛlɛ mɔ̀ ŋmìti e mòlòkèlì ndi à hwèlì ndɔ̀ki, njɔ̀ŋgu, a kànɛ̀lɛ̀lɛ̀ lòohwà là mòlàŋgà, a hwèlì mèhvìlì, a nyɔ mìimbà a woma tɔ̀ a hwèlì ndi ŋmìhwɛ̀. O rzi keka hvɛ tɔ̀ lì lìya o rze o lì làa tɔ̀ mòlelì na ene nyayi ya mòtò.

1 Kɔ̀rintìyà 5:11 Mawu Ofanana

Matiyò 18:17

A rzi imanɛlɛ tɛ mamɛ ema imbòŋgi jò òhwi, ò mò ɛ̀ndɛnɛ ò mìitelì, a rza emelì hvɛ tɛ lì hweyàna e hwaa mìitelì ò mò wòwe nàa mɔ̀kɔ ema a rza lòkɛ̀yì tɔ̀ e mòrzaŋgelì wa e njàŋge ya lìkànèyà.

Matiyò 23:25

“Mòjèmà na inyɔ Hwà-òkòlèlì hwa mbenda, nà Ihvàlìrzàyì, inyɔ hwatò hwa mèhvìlì! È rzàŋgirzɛ i mburzà ja mawònde na hwewòki, ndi i tenì ja awu jò òndi ndi na hwèèmà ema inyɔ e ma hvùmàne hwatò nà njɔ̀ŋgu.

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Ròmànì 13:13

Inyɛ̀ i hwɛnɛ hwɛ̀ɛ̀mɛ̀ hwe gbamù nàa hwatò ema hwa hwèlì ò ŋmàye. È rzi ɛndɛ ò indèma ema hwatò hwa nyɔ mimba rzi hwa wòma, i rzi hwɛnɛ nyìrzɛ̀ ya mòrzònje. È rzi gbeyà hweyà hwe ndɔ̀ki. È rzi tɔ̀wɔ ndèŋgànà e rzi hwɛnɛ inòna.

Ròmànì 16:17

Ìi wònyamòwè kòkò, nà è kòkòwɛ̀lɛ̀ nanù ema, è aŋgòhweya hwaŋga hwatò ema hwa jànà yùnànelì ò ìtììtènì ja anyu nà lì eŋgìrzɛ̀ hvɛ hwahvɛhvɛ hwatò. Wɔ̀ hwa teŋgɛ̀nɛ̀yi hwèyòkòlèlì ema è ma luwɛ. È rzi keka lì hwa òŋgama.

1 Kɔ̀rintìyà 10:14

Ò èŋgànɛ̀lɛ̀ rzɔ wònyamòwè kòkò e rzi keka lì kànɛlɛlɛ hwèrzùmbu.

1 Kɔ̀rintìyà 11:21

Èhwanja tɔ̀ ima mòtò a làa ndi mòlelì mo eni, e rzi hwɛ lì ambɛ̀lɛ e mbunda ya eni. Ène eyà e gbeyà lòŋgo hwa woma rzìi hwanɛ̀yi hvɛ hwa lìya na e njàwò.

1 Kɔ̀rintìyà 5:13

Lohwɛ̀ a kàyìrzɛ̀ hwaŋga hwatò ema hwa rza enje o mòndeŋgè mò wònyà Krirztò. È tìlahwì o kààtì ya Lohwà nanù ema, “È hwɛnì lì ulɛ òŋgo mòtò wa wòhwe o ìtììtènì ja anyu.”

1 Kɔ̀rintìyà 6:10

Hwàyihwɛ, è wɔ̀ ema hwa hwèlì wɔ̀ɔ, è wɔ̀ hwa mboma, è wɔ̀ hwa mèhvìlì, tɔ̀ hwaŋga ema hwa hvùmana hwatò hwema hwe awu. Tɔ̀ mɔ̀kɔ wà hwanù hwatò à rza hwɛnɛ èkì ò lìkànèyà là ama Lohwɛ̀.

1 Kɔ̀rintìyà 6:6

Ndi mòtò wa Krirztò a ɛ̀ndɛ̀nɛ̀ ŋmànyàŋgò wà èni wà ŋmèmba o kotì yà hwàkàyìrzèlì ema hwa rza hwiyɛ Lohwɛ̀ o lì hwa kàyìrzɛ̀.

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

1 Kɔ̀rintìyà 7:12

O hwanɛ̀yi hwatò, imba ndi nà è ohweyà, rzeketɛ Rzàŋgo Yerzù. Tɔ̀ ima mòtò wà wònyà Krirztò ema a ohvi mòlanà ema a rza lòkɛ̀yì Krirztò, ema a lìŋganì lì lìya na mɔ̀, òŋgo mòtò a rzi mo hvàyà o lìhwa.

1 Kɔ̀rintìyà 7:15

Ndi e mòjòmɛ̀ tɔ̀ e jòjìyɛ̀ ema e rza enje mòlòkèlì wà ama Krirztò, a inɛlɛyi tɛ ema mɔ̀ à anjìyà o lìŋgì lìhwà, inyɛ mɔ̀ à ɛ̀ndɛ. O ene tumbà hwehwɛ̀ɛlì, e mòjòmɛ̀ tɔ̀ e jòjìyɛ̀ ema e lòkɛ̀yì Krirztò e rza kakahwi na èŋge mbenda ya lìhwa. Lohwɛ̀ a jo lati ndi o lì lìya na ɛ̀yɔ̀lɛ̀.

1 Kɔ̀rintìyà 8:11

O èŋgànɛ̀lɛ̀ rzɔ, ono ŋmànyɔ̀ŋgɔ̀ wa aŋgɔ wa ama Krirztò ema mèèmà mo eni mo rza imbamɛ, ema Yerzù ama ŋwèeyà, o nyòla lì hwiye lì aŋgɔ lì ndɛ̀nɛ̀ mɔ̀ à hvàŋgahwè e?

Gàletìyà 2:12

Nà oma mɔ̀ à mà lòme lì uka aŋga, à mà nyàmɛ̀lɛ ò lì làa nà hwatò ema hwa rza enje wònyà Yudà. Ndi nà oma loŋgo là hwatò hwa wònyà Yudà ema hwa mà uwɛ̀lɛ̀lɛ̀yi ò mà Jèmìrzì ò Jèrurzalɛ̀mù rzi hwa jà ò Antìyɔ̀kì, à mà wòteyà lì timbeya ò mburza. A rzi hwɛ hvɛ lì làa nà hwaŋga hwatò ema hwa rza enje wònyà Yudà. Mɔ̀ à mà hwɛ lì gbèeyà nanù èhwanja à mà hwɛ lì oka hwatò ema hwa mà hwɛ lì ohwa nanù ema hwa hwɛni lì enda hwatò ema hwa rza enje wònyà Yudà wɔ̀ŋgɔ̀.

Ɛ̀hvìrzìyà 5:18

È rzì woma mboma yà mimba, èhwanja mà è tìmbìrzɛ̀ ndi hwèèti hwe hwatò. Ndi tɔ̀ nanù, inyɛ Èlìŋgɛ̀ yà Wòtani e hwɛ o tenì ya anyu.

Ɛ̀hvìrzìyà 5:5

È hwɛnì lì hwiya nanù ema tɔ̀ ima mòtò ema a hwèlì mòrzònje, rzìi a à gbeyà hweyà hwe mbindo tɔ̀ ema a hwèlì wɔ̀ɔ̀, a rza o kpèeyà o lìkànèyà la ama Krirztò na Lohwɛ̀, ndèŋgàna a rza o luwa hwèèmà hwe gbamù ema Lohwɛ̀ a ohwi nanù ema a ŋgba. È mòtò ema a hwèlì wɔ̀ a gbèyi ndi nàa mòtò ema a kànɛ̀lɛ̀lɛ̀ ma hvɛhvɛ mohwà.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.

2 Tɛ̀rzàlonìyà 3:14

È hwèlì tɛ nanù ema o hwèlì mòtò ema a rza emelɛ o lì oŋgàma màmɛ ema e tìlahwì o tenì ya ene kààtì, e mo ika mìirzɔ. È rzi hwɛnɛ tɔ̀ eyà o lì mo gbeyàna, aŋga nanù oma à mà enya.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

2 Yòwanìrzɛ̀ 1:10

Ò èŋgànɛ̀lɛ̀ rzɔ, tɔ̀ ima mòtò à è jɛ̀lɛ̀lɛ̀yi tɛ rzìi à è jàneyà hwèokòlelì ema hwe rza uwɛ̀lɛ̀lɛ̀yi ò mà Krirztò, è rzìi mò kpɛ̀lɛ̀ ò ndawò yà anyu tɔ̀ nà lì mò kàrzɛ nàa mɔ̀kɔ wà ŋmèmba.

Hwèwulùwèlì 2:14

Ndi nà ohvi ŋgùrzù jà hweyà ò lì è teŋgɛ̀nɛ̀. È òhvi hwatò ò ìtììtènì jà anyu ema hwa oŋgama hwèyòkòlèlì hwe ama Bàlàamì. Bàlàamì mɔ̀ ndi à mà uŋmɛ̀lɛ̀ Bàlàkì ò lì timba la wònyà Irzàyɛ̀lì ò lì gbeyà wòhwe nà oma à mà lèè mòlelì ema mò mà ŋgbàhwɛ mahvɛhvɛ mohwà nàa jàhwèyà. À mà gbeyà hwa mà hwɛ lì gbeyà hweyà hwe mòrzònje.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.