1 Kɔ̀rintìyà 4:9 - Mokpwe: Bakwery (New Testament)

⁹ Ène eyà yɔ ndi Lohwɛ̀ a jo ŋgbelì irzɔ I àpɔ̀rzìtòlò o lì hwɛ nàa hwatò ema i rza ohvɛ wòlìtò. I hwèlì ndi nàa hwatò ema hwa akɛ̀lɛ̀hwɛ̀yì e mbako nanù ema hwa ŋwa o ewòkà. Nà ohwa ndi ene eyà nanù, èhwanja hwatò hwa arzɛ nà i aŋgèlì hwa jò inja ò lì ɔ̀ŋgɔ mamɛ è ò jò gbèyɛ̀nɛ.

1 Kɔ̀rintìyà 4:9 Mawu Ofanana

Hwègbèèlì 19:29

Mòŋgò mòhvùŋgu mò ma nyàla ò e mbòwa ndɛɛndɛ ya arzɛ. È ŋgindi rzìi e hvùma Gàyiyùrzì na Arìrztàkùrzì, ema hwà mà uwɛ̀lɛ̀lɛ̀yi o Màrzèdonìyà ema hwà mà hwɛ ò mòndeŋge na Pàwolò, rzìi hwa hwà hwaŋgàna ò ndawò ya wòlìya wò mbòwa.

Hwègbèèlì 19:31

Tɔ lòŋgò la hwàkànèlì hwa eŋge erzòòkà ema hwà mà hwɛ hvɛ ndi imbunda ja ama Pàwolò wɔ hvɛ hwà mà mò òmeya ŋmɛ̀ndì, ò lì mò rzòrzòmeya nanù ema a rzi kpèeyà ò tenì ya eŋge ndawò ya hwèlìyelì.

Ròmànì 8:36

Nà òma è kààtì yà Lohwà è òhwi nanù ema, “Hwatò hwa hwèlì hwa jò òŋwa hvònda tɛ ò nyòla inyɔ. Hwa jò ɛnɛ ndi nàa mɛ̀lɛ̀ŋgù ema mè timbawi ò lì òŋwahwa.”

1 Kɔ̀rintìyà 15:19

Èma hwɛ tɛ ema màhvìtà mà arzu na Krirztò ma kùwa tɛ ndi o lìni lòŋgɛ mɛnɛ, nanù oma hwatò hwa hwɛnì lì jo òkeya ììlì rzayì-rzayì lì aka nɛ wɔ̀ hwa okeya hwahvɛhvɛ hwatò.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 6:9

Hwatò hwa jo hwi kɔ̀yi-kɔ̀yi ndi hwanɛyi hwa jo ɛnɛ ndi nàa hwèèti hwe hwatò. Hwatò hwa lùtèyà ndi nanù ema i rza o hwɛ o lòŋgɛ, ndi tɔ̀ nanù i hwèlì lòŋgɛ. I hwèlì lì luwa mètàkà o màa hwatò, tɔ̀ nɛ hwa rza jo òŋwa.

1 Tɛ̀rzàlonìyà 3:3

Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

Hibrù 10:33

O ma hwɛ hvonda ema hwatò hwà mà hwɛ lì e enyìrzɛ̀ na lì e tàkirzɛ o marzo ma hwatò. O manɛyi marzako hvɛ inyɔ e ma hwɛ na hwatò ema wɔ̀ hvɛ hwà mà hwɛ lì luwa iŋgi nyayi ja mètàkà.

Hibrù 11:36

Lòŋgò hwà mà tàkìrzɛ̀hwɛ, hwà mà lorzowahwa, ndèŋgàna hwà mà gbiyɛhwɛ. Hwanɛyi hvɛ, hwà mà rzòŋgɛ̀hwɛ̀ iŋgɔ̀kɔ̀hwì na lì ikahwa o hwèwòwà.