1 Kɔ̀rintìyà 4:8 - Mokpwe: Bakwery (New Testament)

⁸ Inyɔ e ɔ̀ŋgɛ̀lɛ̀yi nanù ema e ma màa lì lùwa mamɛ ya arzɛ ema e ɔ̀ŋgɛ̀lɛ̀ ema e arza e? È ɔ̀ŋgɛ̀lɛ̀yi nanù ema e ma màa lì nàmà e? È ma tìmba ndi i kiŋgɛ̀, tɔ̀ nɛ irzɔ i rza enje kiŋgɛ̀ e? Nà àhvìtɛ̀ ema e hwèlì ndi kiŋgɛ̀, aŋga naŋgɛ, oma irzɔ hvɛ ima hwɛ ndi kiŋgɛ̀ na inyɔ.

1 Kɔ̀rintìyà 4:8 Mawu Ofanana

Matiyò 5:1

Nà òma Yerzù à mà ɛnɛ è ŋgìndì rzìi à agba ò ŋmanyu yà mòòlì à lìya ò rze. Hwà-òkòwèlì hwa eni wɔ̀ hvɛ hwa mà agba lì mò ùŋmanɛlɛ aŋga.

Lukàrzɛ̀ 6:25

Mòjèmà nà inyɔ ema è uji nàŋgɛ èhwanja è hvònda e ò jà ema e tàkàna e njàwò. Mòjèmà nà inyɔ ema è yɔ̀ɔ nàŋgɛ èhwanja è hwɛnì lì ɛ̀hwɛ nà lì eyà.

Hwègbèèlì 26:29

Pàwolò rzìi a mò timbirzɛlɛlɛ nanù ema, “Nà kànɛ Lohwɛ̀ nanù ema, ŋga ò ŋmanà hvòka wa hvònda tɔ̀ ò hvònda ema e wawi, rzeketɛ ò wà witi ndi tɔ̀ njɛnɛ hvɛ ema a nò òkànèyà yawònò mɔ̀ hvɛ a tànɛ lì hwɛ na òma imbahvɛ na hwèlì. Nà rza kanɛ̀ ndi nanù ema hwa e kake ŋgɔ̀kɔ̀hwì na òma hwa nò kaki e jɔ nàŋgɛ nanù.”

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

1 Kɔ̀rintìyà 1:5

Linì lì ahvìyànɛ̀ nà Krirztò, lì è gbèyi Lohwɛ̀ à è ŋgbelì hweyà hwe arzɛ. À è gbèyi ema è ohwe Ŋmɛ̀ndì mò Gbamù, nɛ̀ mò hwɛnì lì ohwàhwà. Nà lì è gbeyà hvɛ nanù ema è rzɔ̀ŋgìtɛ̀nɛ̀ hweyà ema hwe mò hvomɛ̀nɛ̀.

1 Kɔ̀rintìyà 4:18

Lòŋgò la anyu e ma onda na kumba, e ɔ̀ŋgɛ̀lɛ̀ nanù ema na rza e jèeyà hvɛ tɔ̀ wùnyà.

1 Kɔ̀rintìyà 5:6

Èŋge kumba ya anyu e rza lɔ̀wu tɛɛ. Inyɔ e rza hwi nanù ema ene nyayi ya wòhwe e gbèyi ndi nàa ŋmanà ehwindi ema e agbɛlɛ lìwu la mbarzi la ehvòòto e?

2 Kɔ̀rintìyà 11:1

Tɔ̀ na hwɛ ndi èèti ya mòtò, na e rzorzomeya nanù ema e no hwɛmɛ na e ohweyà tɔ̀ ŋmana eyà, e òkànèyà.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

Gàletìyà 6:3

Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

Hwèwulùwèlì 3:17

Inyɔ e ohwa nanù ema, ‘È hwèlì ndi hwèwàŋgì, e ohvi hwèèmà hwe arzɛ, e rza takeya tɔ̀ yoma.’ Ndi inyɔ e rza hwi nanù ema e hwèlì ndi hwatò ema e taka rzayi-rzayi hwatò ema e okahwɛlɛ ìilì, hwatò ema e hwèlì mèlìrza, hwatò ema e hwèlì ndima ndèŋgànɛ̀lɛ̀ hwatò ema e hwèlì mèrzombo.

Hwèwulùwèlì 5:10

À mà hwa gbeyà ò lì hwɛ ipilìrzi ema ì gbèeyà Lòohwà là arzu, ndèŋgànɛ̀lɛ̀ wɔ̀ hwa ò kànèyà è rze yà mɔ̀nyɛ̀.”