1 Kɔ̀rintìyà 4:2 - Mokpwe: Bakwery (New Testament)

² Mamɛ ema e arzàhwà na hwanù hwàgbèèlì e hwèlì ndi nanù ema hwa hwɛ jɔ̀kɛ̀ na èwòlò ya awu, ema Rzàŋgo wa awu a hwa ŋgbelì.

1 Kɔ̀rintìyà 4:2 Mawu Ofanana

Matiyò 25:21

Rzaŋgɛ wà eni wa èwòlò à mà mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù ema a tɛmi ehve-ehve. O awuŋmɛ̀lɛ̀ ò wà witi ò lì hwɛ e mògbèèlì wa gbamù na jɔ̀kɛ̀. Nà òma ò tanɛyi lì ɔ̀ŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Matiyò 25:23

Rzàŋgò wa eni wa èwòlò rzìi a mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù. Nà òma ò tanɛ lì ɔŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Lukàrzɛ̀ 12:42

Rzàŋgò rzìi a alàhwɛ̀ nanù ema, “O èŋgànɛ̀lɛ̀ tɔ̀ ima mɔ̀ wa anyu à hwɛ ndi nàa mògbèèlì ema à òhvi lìhwiyè, rzìi a gbeyà mamɛ rzàŋgò wà enì wà èwòlò a òhwì ema a gbèyè. A hwèlì ndi è mògbèèlì ema rzàŋgò wa eni wa èwòlò a ŋgbèlì è wònjà lì kànèyà hwanɛ̀yi hwàgbèèlì, nà lì ɛnɛ nanù ema, tɔ̀ ima mɔ̀ wa awu a luwe e mò eni mòlelì na òma a hwɛnì lì lùwa.

1 Kɔ̀rintìyà 4:1

È aŋgàmɛ̀nɛ̀yi lì jo lùtèyà nàa hwàgbèèlì hwa ama Krirztò, ema Mɔ̀ a ikayi o lì telɛlɛ hwatò e wùndɛ̀ ya ama Lohwɛ̀ ya jɔ̀kɛ̀ ema e utami.

1 Kɔ̀rintìyà 4:17

Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

1 Kɔ̀rintìyà 4:3

O imba mbiti, na rza hwɛnì hvonda e hwèlì tɛ ema inyɔ tɔ̀ hwahvɛhvɛ hwatò hwa no kàyìrzɛ̀ o èwòlò ema na gbeyà. Nà rza tànɛyi lì àkàyìrzɛ̀ tɔ̀ imba mbiti o èwòlò ema na gbeyà.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

Kòlòrzìyà 1:7

Èpàhvràrzì, è mògbèèlì wà ama Yerzù Krirztò, mɔ̀ ndi à mà è ohweyà moŋgo ŋmɛ̀ndì. À hwèlì ndi mòtò ema i gbeyànɛlɛ èwòlò ndeŋgànɛlɛ ì mò lìŋgàni rzàyi-rzàyi. À gbèeyà ndi Yerzù Krirztò èwòlò nà ŋmèma mɔ̀kɔ. Nà oma à hwèlì nà inyɔ, èwòlò ema ì mà hwɛnɛ lì gbeyà yɔ̀ ndi mɔ̀ à hwèlì à gbeyà nanù.

Kòlòrzìyà 4:17

Ndeŋgànɛ̀lɛ̀ e ohweyà Achipurzi nanù ema, “A hwiye kɔ̀yi-kɔ̀yi nanù ema a hwɛni o lì kulɛ èwòlò ema Rzàŋgo a mo ŋgbelì o lì gbeyà.”

Kòlòrzìyà 4:7

Ŋmanyàŋgò wà arzu wà Krirztò wà ndìŋgɛ yà màlìŋgò Tàyìkìkùrzì, à è òhweyà hweyà ema hwe nò gbèèyɛ̀nɛ̀ anu, mɔ̀ hvɛ à hwèlì ndi mògbèèlì ema gbèeyà è Rzàŋgo nà ŋmèma mɔ̀kɔ nà imba.