1 Kɔ̀rintìyà 4:17 - Mokpwe: Bakwery (New Testament)

¹⁷ Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

1 Kɔ̀rintìyà 4:17 Mawu Ofanana

Matiyò 24:45

“Njɛnɛ rzɔ a hwèlì e mògbèèlì hwa lìhwiyè na e jɔ̀kɛ̀ e? Mɔ̀ ndi rzàŋgɛ wa eni wa èwòlò a ŋgba e wònja ò lì kànèyà hwanɛ̀yi hwàgbèèlì ò lì hwa ŋgba mòlelì mò awu ò e hvònda ema e hvòmɛ̀nɛ̀.

Matiyò 25:21

Rzaŋgɛ wà eni wa èwòlò à mà mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù ema a tɛmi ehve-ehve. O awuŋmɛ̀lɛ̀ ò wà witi ò lì hwɛ e mògbèèlì wa gbamù na jɔ̀kɛ̀. Nà òma ò tanɛyi lì ɔ̀ŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Matiyò 25:23

Rzàŋgò wa eni wa èwòlò rzìi a mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù. Nà òma ò tanɛ lì ɔŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Hwègbèèlì 16:1

Hwa Pàwolò hwa mà ɛ̀ndɛ ò mbòwa ndɛnɛ yà Dɛ̀bì na Lìrzìtìrà. Mòtò mɔ̀kɔ à mà hwɛ aŋga ema à mà hwɛ̀lɛ̀hwɛ̀ Tìmòtì. Nyàŋgò wà eni à mà hwɛ ndi mòlanà wa wònyà Yudà ndèŋgànɛ̀lɛ̀ mɔ̀ hvɛ à mà lòkɛ̀ Yerzù, ndi e tatɛ̀ ya eni e ma hwɛ ndi mòtò wa Grìki.

1 Kɔ̀rintìyà 11:16

Ndi mòtò a arza tɛ lì tàànà ene eyà hvenda, mamɛ ya arzɛ na hwɛnì lì ohwa e hwèlì ndi nanù ema irzɔ tɔ̀ miitelì me arzɛ i rza ohvi ehvɛhvɛ ɛ̀ɛ̀mɛ̀ ya lì kanɛ̀ Lohwà.

1 Kɔ̀rintìyà 11:2

I wònyàmowe, imba na e èki rzayì-rzayì nanù ema inyɔ e no ika o màlùtèyà ma anyu i hvonda ja arzɛ rzìi e nɔ̀ŋgɔ hvɛ hwèyòkòwèlì hwe ama Krirztò na oma imba hvɛ nà mà e okolɛ̀.

1 Kɔ̀rintìyà 11:34

Tɔ̀ ima mòtò ema a hweyàa e njàwò, a lee o ndawò ya eni aŋga nanù a rza gbeyà eyà ema Lohwɛ̀ a e kàyìrzɛ̀ e arzàŋganɛ tɛ. Ndi lì hvomɛ̀nɛ̀ hwenɛyi hweyà, na jelì tɛ na e ohweyà nɛ e hwɛnì lì hwe gbèeyà.

1 Kɔ̀rintìyà 14:33

Èhwanja Lohwɛ̀ a rza enje Lohwà la lùwànje, a hwèlì ndi Lohwà la ɛ̀yɔ̀lɛ̀. Nànù ndi e hwɛnì lì hwɛ o hwèlìyelì hwe hwatò hwa ama Lohwà.

1 Kɔ̀rintìyà 16:1

Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

1 Kɔ̀rintìyà 4:14

Nà rza tilì ndi hwenè hweyà o lì e òkìrzɛ̀ ìrzɔnì. Nà hwe tilì ndi o lì e kòkòwɛ̀lɛ̀ o hweyà ema e hwɛnì lì hwiya. Èhwanja e hwèlì ndi nàa hwàna hwa ami hwa ndìŋgɛ.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

1 Kɔ̀rintìyà 4:2

Mamɛ ema e arzàhwà na hwanù hwàgbèèlì e hwèlì ndi nanù ema hwa hwɛ jɔ̀kɛ̀ na èwòlò ya awu, ema Rzàŋgo wa awu a hwa ŋgbelì.

1 Kɔ̀rintìyà 7:17

Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

2 Kɔ̀rintìyà 8:18

I mo òmani na ɔhvɛhvɛ ŋmanyàŋgo wa arzu wa Krirztò ema a hwiyɛnɛyi o ŋmèmba me arzɛ na oma a ohwa Ŋmɛ̀ndì mò Gbamù.

Ɛ̀hvìrzìyà 6:21

Ŋmanyàŋgò wà arzu wà Krirztò Tàyìchìkùrzì, ema i lìŋgàni à gbèeyà Rzàŋgo nà ŋmèma mɔ̀kɔ. Mɔ̀ ndi à hwèlì è mɔ̀ ema à è òhweyà hweyà lì nò hvomɛ̀nɛ̀. Ène yè è gbèeyà ò lì hwiya njɛnɛ ema nà hwèlì ndèŋgàna mamɛ ema nà gbèeyà.

Hvìlipìyà 2:19

Nà àhvìtɛ̀ nanù ema na e omeya Tìmòtì o lì ehvɛhvɛ ŋmanà mbɔ, e hwèlì tɛ nanù ema Rzàŋgo Yerzù a emelì tɛ, aŋga nanù ŋmɛ̀ndì ema imba na o luwɛ lì e hvomɛ̀nɛ̀, mo o no kɔ̀mɛlɛ.

Hvìlipìyà 2:22

Ndi inyɔ hwiti hvɛ e hwi na oma Tìmòtì à mà awuŋmɛ̀lɛ̀ nanù ema a tànɛyi lì lòkɛ̀hwɛ, ehwànja irzɔ na mɔ̀ i gbeeyɛnɛ èwòlò ya lì ohwa ŋmɛ̀ndì mò gbamù nàa ŋmanà na rzàŋgɛ.

Kòlòrzìyà 1:7

Èpàhvràrzì, è mògbèèlì wà ama Yerzù Krirztò, mɔ̀ ndi à mà è ohweyà moŋgo ŋmɛ̀ndì. À hwèlì ndi mòtò ema i gbeyànɛlɛ èwòlò ndeŋgànɛlɛ ì mò lìŋgàni rzàyi-rzàyi. À gbèeyà ndi Yerzù Krirztò èwòlò nà ŋmèma mɔ̀kɔ. Nà oma à hwèlì nà inyɔ, èwòlò ema ì mà hwɛnɛ lì gbeyà yɔ̀ ndi mɔ̀ à hwèlì à gbeyà nanù.

Kòlòrzìyà 4:9

Nà mò òma nà Ònɛ̀rzìmùrzì. Ònɛ̀rzìmùrzì mɔ̀ hvɛ à hwèlì ndi ŋmanyàŋgò wà arzu wà Krirztò ema i lìŋgàni, mɔ̀ hvɛ à gbèeya ndi Krirztò nà ŋmèma mɔ̀kɔ. À hwèlì ndi mòtò ema à uwɛ̀lɛ̀lɛ̀yi ò mbowà ndɛnɛ yà anyu. Mɔ̀ nà Tàyìkìkùrzì hwa è ohweyà hweyà ema hwe gbèyɛ̀nɛ anu.

1 Tìmotì 1:18

È ŋmanà wà ami, Tìmòtì kòkò hweyà ema nà ohweyà ema ò gbèye, hwe hwèlì ndi hweyà ema Lohwɛ̀ à mà òhweyà hwatò nanù ema e hwa òhweyà ema màmɛ è hwɛni lì gbèyɛ̀nɛ nà ò wà. Inyɛ̀ eŋge mbɔrzi è ò ètìrzɛ̀. Nà oma ò gbeyànà hwèyòkòlèlì hwè jɔ̀kɛ̀ inyɛ hwe ò gbèye ò hwɛ ndi nàa mòtò ema à ana gbamù.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

2 Tìmotì 1:2

Ìi Tìmòtì ò wà ndi nà tìlèlì ini ìtìtà ò hwèlì ndi è ŋmanà wà ami wà ndìŋgɛ yà màlìŋgo. Ndèli, ììlì nà ɛ̀yɔ̀lɛ̀ ema hwe uhwɛlɛ nà Lohwɛ̀ è Tatɛ̀ nà Yerzù Krirztò è Rzàŋgo yà arzu è hwɛ nà ò wà.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

2 Tìmotì 3:10

Ndi o wa Tìmòtì o nɔŋgi gbamù hwèyòkòlèlì ema nà mà okolɛ hwatò, ndèŋgàna o nɔŋgi ɛ̀ɛ̀mɛ̀ ya ami, ndèŋgàna o òŋgami mamɛ ema na arza lì gbeyà o lòŋgɛ la ami. O hwi oma na lòkɛ̀yì Lohwɛ̀, o hwi lì àjùlɛ̀ la ami ndèŋgàna o hwi e ndìŋgɛ ya ami ema na uŋmɛ̀lɛ̀ hwatò. O hwi nɛ imba na kaki ŋmèma o ene èwòlò ema na gbeyà.

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.