1 Kɔ̀rintìyà 4:12 - Mokpwe: Bakwery (New Testament)

¹² Irzɔ i gbeyà èwòlò ya imbami na màà mà arzu, ò lì lùwa lì làa la arzu la wùnyà. Hwatò hwa jò jemi tɛ ì hwa nàmìrzɛ̀, hwatò hwa jò tàkirzɛ tɛ i hwa àjùlɛ̀nɛ̀.

1 Kɔ̀rintìyà 4:12 Mawu Ofanana

Matiyò 5:11

Mònàmɛ̀ mò hwɛ nà inyɔ hwatò ema hwatò hwa hwɛnyɛ, inyɔ ema hwa tàkirzɛ̀, rzìi hwa è òhwàna inyayi ja hwèyà hwe wòhwe na lì è tɛmeya imbòŋgì ja mòlàŋgà ò lìnà la ami.

Matiyò 5:44

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

Lukàrzɛ̀ 23:34

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Lukàrzɛ̀ 6:28

È nàmìrzɛ̀ hwaŋga ema hwa è jèmàà, e kànɛlɛ̀lɛ̀ hwaŋga ema hwa è gbeyànà wòhwe wò injùwènjùwè.

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Hwègbèèlì 18:3

Èhwanja mɔ̀ hvɛ à mà hwɛ ndi mòòŋgelì wa màwòndò na òma wɔ hvɛ hwà mà hwɛ, ò eŋgànɛ̀lɛ̀ mɔ̀ hvɛ à mà lìya rzìi a à gbeyà èwòlò na wɔ̀.

Hwègbèèlì 20:34

Inyɔ hwiti e hwi nanù ema, nà mà gbeyà èwòlò na manù màà mà ami, rzìi na luwa wòlì ema irzɔ na hwatò hwa ami ema i ma hwɛ lì gbeyà èwòlò i ma àndane tɔ mamɛ ema i ma arze.

Hwègbèèlì 7:60

Aŋga ndi a à rzùma màwɔ̀ŋgɔ̀ŋgɔ̀ ma eni ò rze, rzìi a eyà na lìlò lì kàrzàmi nanù ema, “Ìi Rzàŋgò, ò hwa làkìrzɛ̀ ò wònò wòhwe ema hwa gbeyà.” Nà òma à mà kulɛ ò lì òhwa nanù, rzìi a ŋwa.

Ròmànì 12:14

È kànɛ nanù ema, Lohwɛ̀ a nàmìrzɛ̀ hwaŋga hwatò ema hwa e tàkìrzɛ̀. È rzi kanɛ̀ nanù ema hwa jemahwe ndi e kànɛ ndi nanù ema Lohwɛ̀ a hwa nàmìrzɛ̀.

Ròmànì 12:20

È tìlahwì ò ehvɛhvɛ èki ò e kààtì yà Lohwà nanù ema, “È hwèlì tɛ ema hwàkɔ̀yèlì hwa aŋgɔ̀ hwa hweyà tɛ e njàwò, ò hwa lìrzɛ. Hwa hweyà tɛ e nyìrzɛ̀, ò hwa ŋgbe yòma ya lì nyɔ. Èhwanja ò gbèyi tɛ nanù, òma hwà mà enya.”

Ròmànì 8:35

Njɛnɛ rzɔ à tànɛyi lì jò kakòhwà nà è ndìŋgɛ ema Krirztò à jò hwɛ̀nèlì e? È hwèlì ndi hweyà ema hwè jò ambani e? Ŋga indùtù e? Tɔ̀ lìtakìrzɛ̀ ema hwatò hwa jò tàkirzɛ̀ e? È hwèlì ndi e njàwò, ŋga nà òma i rza òhvɛ mààtù mà lì wɔtɔ̀ e? Ŋga è hwèlì ndi wòhwe ema hwatò hwa jò lùtaneyà, tɔ̀ nà òma hwatò hwa arza lì jò òŋwa e?

1 Kɔ̀rintìyà 9:6

Ŋga Bànàbàrzì na ìmba mɛnɛ ndi i hwɛnì lì gbeyà hwèwòlò ema hwe hwɛnì lì jo tembɛ e?

2 Kɔ̀rintìyà 11:8

Nà ma hwɛ ndi lì e gbeyà ndèŋgàna mòhvɛhvɛ ŋmèmba mo ndi mo ma hwɛ lì no taŋgeya. O èŋgànɛ̀lɛ̀ rzɔ ema hwɛ rzɔ ndi nàa, nà mà hwɛ ndi o lì lukɛlɛ moŋgo ŋmèmba o lì e oŋgòwànà.

Ɛ̀hvìrzìyà 4:28

Hwàyihwɛ̀ hwa hwɛmɛ lìihwa. Ndi tɔ̀ nanù hwa gbeyàne màà mà awu o lì gbeyà èwòlò na ŋmèma mɔ̀kɔ. Aŋga nanù, hwa luwa yoma ema hwa tànɛyi lì oŋgowàna hvɛ mèlìrza me hwatò.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

2 Tɛ̀rzàlonìyà 3:8

È hwi nanù ema i rzi laane tɔ̀ mòtò tɔ̀ mòlelì ema i rzi rzaahwɛ. Ndi irzɔ i ma gbeyà èwòlò na morzimbɔ mo ndɛnɛ ŋmerze na wuu nanù ema i rzi tàkirzɛ tɔ̀ mɔ̀kɔ wa anyu.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

1 Pètrò 2:23

È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.

1 Pètrò 3:14

Ndi tɔ̀ e hwɛ ndi nanù ema inyɔ e tàki tɛ ehwànja e gbèyi mamɛ ema e hvomɛ̀nɛ̀, nanù oma Lohwɛ̀ a e nàmìrzɛ̀. È rzi oka tɔ̀ mòtò wɔ̀ŋgɔ̀ ndèŋgànɛ̀lɛ̀ e rzi aahwɛ.

1 Pètrò 3:9

È rzi timbirzɛlɛlɛ wòhwe o wòhwe. Mòtò a e ohwìrzɛ̀nɛ̀ tɛ eyà ya wòhwe inyɔ hvɛ e rzi mo òhwìrzɛ̀nɛ̀ eyà ya wòhwe, inyɔ e hwɛ ndi o lì kànɛ nanù ema Lohwɛ̀ a mo nàmìrzɛ̀, ehwànja mònàmɛ̀ ndi Lohwɛ̀ a mo òhwe nanù ema a e ŋgba e hvonda à mà e hvɔ̀rzè.

1 Pètrò 4:19

O eŋgànɛ̀lɛ̀ rzɔ, hwaŋga ema hwa taka ehwànja e hwèlì ndi lì emeyà la ama Lohwɛ̀ nanù ema wɔ̀ hwa tàke, hwa ɛndɛ ndi o worzo ò lì gbeyà hweyà hwe gbamù, inyɛ hwa aŋgbɛ wɔ̀ hwiti o màà ma ama Lohwɛ̀ e mòwèkèlì hwa awu, mɔ̀ ema a gbèeyà tɔ̀ ima eyà ema a ohwi nanù ema a gbeyà.

Judɛ 1:9

Ndi tɔ̀ Màyìkɛ̀lì è aŋgèlì ndɛnɛ à rzi hwɛnyɛ dɛhvùlì, è hvonda ema wɔ̀ nà mɔ̀ hwa mà hwɛ lì tɔ̀wɔ̀ ò lì hvomɛ̀nɛ̀ è mòtò ema à wòwà èèmbè ya ama Morzè. À mà mò ohweyà ndi nanù ema, “Rzàŋgo à ò kɔ̀kìrzɛ̀.”