1 Kɔ̀rintìyà 4:11 - Mokpwe: Bakwery (New Testament)

¹¹ O lìni lìrzako irzɔ i ɛ̀ndɛnɛ ndi na e njàwò na e nyìrzɛ̀ ya malìhwa, i rza ohvi hvɛ tɔ̀ màatù ema mà jo kànɛ̀yi. Hwatò hwa jo anana hvɛ ndi i hvonda ja arzɛ. I rza hwɛnì hvɛ tɔ̀ èki ya lì lìya.

1 Kɔ̀rintìyà 4:11 Mawu Ofanana

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Hwègbèèlì 14:19

Lòŋgò là hwatò hwa wònyà Yudà hwa mà uwɛ̀lɛ̀lɛ̀yi ò mbòwà ndɛnɛ yà Antìyɔ̀kì ò erzòòkà yà Pìrzìdìyà, ndèŋganɛlɛ hwa mà uwɛ̀lɛ̀lɛ̀yi hvɛ ò è mbòwa ndɛnɛ yà Ikɔ̀nìyùmì rzi hwa uka ò è mbòwa ndɛnɛ ya Lìrzìtìrà. Wɔ̀ hwa mà lɔ̀mbɔ̀ è ŋgindi natɛ̀ɛ wɔ̀ nà è ŋgindi hwa uŋma Pàwolò màŋyàyi, rzìi hwa à mò kòòhwà ò rze, rzìi hwa mò wurzana ò mbòwà ndɛ̀nɛ, èhwanja hwa mà ɔ̀ŋgɛ̀lɛ̀ nanù ema à mà ŋwa.

Hwègbèèlì 16:23

O mburzà èŋge hvònji ya ŋginyà rzi hwa hwà aŋgɛ̀ ò hwèwòwà. È mɔ̀ɔ̀ŋgèlì wa hwatò hwa hwèwòwà à mà kànèyàhwa nanù ema a hwa hvendane gbamù.

Hwègbèèlì 23:2

Ànàniyarzì e pìlìrzì ema e kàrzàmi rzìi a àka hwaŋga hwatò ema hwà mà tɛ̀mɛ̀ ò lì kòmbɛnɛ Pàwolò nanù ema, hwa mò hvahve e wàna.

Ròmànì 8:35

Njɛnɛ rzɔ à tànɛyi lì jò kakòhwà nà è ndìŋgɛ ema Krirztò à jò hwɛ̀nèlì e? È hwèlì ndi hweyà ema hwè jò ambani e? Ŋga indùtù e? Tɔ̀ lìtakìrzɛ̀ ema hwatò hwa jò tàkirzɛ̀ e? È hwèlì ndi e njàwò, ŋga nà òma i rza òhvɛ mààtù mà lì wɔtɔ̀ e? Ŋga è hwèlì ndi wòhwe ema hwatò hwa jò lùtaneyà, tɔ̀ nà òma hwatò hwa arza lì jò òŋwa e?

1 Kɔ̀rintìyà 9:4

Irzɔ̀ i rza hwɛnì wònjà ò lì lìya o màandà mà anyu o lì làalɛ̀nɛ na lì nyɔ̀lɛnɛ na inyɔ e?

2 Kɔ̀rintìyà 11:20

Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.

2 Kɔ̀rintìyà 4:8

Hwa jo tàkirzɛ i hvonda ja arzɛ, ndi i rzi nyɔ̀kɔhwi. Manɛyi marzako hvɛ i rza hwiya tɔ̀ mamɛ ema i gbeyà, ndi irzɔ i rza ohwa ndi nanù ema Lohwɛ̀ a rza jo uŋmɛ̀lɛ̀ eyà ema i hwɛni o lì gbeyà.

Hvìlipìyà 4:12

Nà hwi na oma mòtò a hwɛ̀ɛ a rza lu tɛ mamɛ ema mɔ̀ à arza, ndèŋgànɛ̀lɛ̀ na hwi nɛ e hwɛ̀ɛ e hwèlì tɛ ema mòtò a ohvi hwèèmà rzayi-rzayi na oma mɔ̀ à arza. Nà ma nyàmɛ̀lɛ̀ o lì emeyà tɔ̀ ima yoma ema e no ùŋmànɛ̀lɛ̀. Ndeŋgànɛ̀lɛ̀ nà mà nyàmɛ̀lɛ̀ o lì luwa rzayi-rzayi ja hwèèmà hwe lì laa, ndèŋgànɛ̀lɛ̀ nà mà nyàmɛ̀lɛ̀ hvɛ o lì lìya njawu. Nà ma nyàmɛ̀lɛ̀ o lì luwa hvèyi lì aka na oma imba na arza, ndèŋgànɛ̀lɛ̀ nà mà nyàmɛ̀lɛ̀ hvɛ o lì hwɛ ema imba na rza ohvɛ mamɛ ema imba na arza.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.